Matius 5:5 - Abun Scripture

⁵ Ye gato is an nggwa tepsu pa wokgan, ye ne mit at wa, we bere kam sari ne ma Yefun bes an gum kok sye wa an jom suk mwa mo bur ré.

Matius 5:5 ပူးပေါင်းရင်းမြစ်များ

Matius 11:29

Ji ben Ji bi suk-i njep, Ji yo bes Ji nggwa kok nde, sane nin bi nin nggwa mo Ji tepsu nin bi Yekwesu, nin jammo Ji bi sukduno, sane bere Ji ós nin kem not.

Matius 21:5

”Men ki nai nje mo Sion do, ’Nin bi Yekwesu ana ma ku nin it, An bes An nggwa kok nde, An it mo keledai ete ma, An it mo keledai bi gan ma.’ ”

Roma 4:13

Yefun Allah tom su Abraham si bi wis-i ne sino sare do, ”Suk mwa gato mo bur ré bere sok mo nan si nan bi wis-i o re.” Yefun Allah tom sukdu su Abraham mo gato an benbot ye Yahudi bi sukduno-i nde, wo Yefun Allah tom sukdu su Abraham mo gato Abraham onyar kem mo suk gato Yefun Allah ki ne, anato Yefun Allah ki do, Abraham sa, tep wa sok mo Yefun bi rus-i it.

Galatia 5:23

men ben men bi suk-i ne njep e; men mewa men nggwa kadit men ben sukdaret nde e ne. Sukduno kwa dik yo gato duyawa men sibot sukduno kwa mwa ré yo mo nde.

Efesus 4:2

Nin ben nin bi suk-i ne, nin bes nin nggwa kok nde, wo nin ben nin nggwa ga tepsu pa wokgan et. Nin ben nin bi suk-i ne njep petok sor. Suk gato nin ku nde tó, nin eswa sor, nin maskwa kekro subot suk ne nde. Ye yi ben suk yo gato tepsu nin mit nde yo, nin nutbot suk sane o nde, wo nin bi sukjimnut sye kas subot yu, nin ben sukndo su yu sor.

Kolose 3:12

Nin anato sok mo Yefun Allah bi rus-i, An dakai jimnotku nin ndo nde, An bes nin wa nin ben An bi suk-i. Sane anato, nin dakai jimnotku ye yi, nin ben sukndo su ye yi et. Nin bes nin nggwa kok nde, nin ben nin bi suk-i njep su ye yi sor. Kapre nin ku sukye, nin benbot Yefun bi sukdu-i petok sor.

1 Timotius 6:11

Sane, Timotius, nan gro sye wa sugum nde, wo nan mu tara kadit re. Nan gum sok mo Yefun Allah bi rus-i, sane nan ben sukibit nde. Nan wergat nan dakai subere nan ben nan bi suk-i ndo tepsu Yefun Allah mit sor. Nan bi nan nggwa mo Yefun Allah wa ben Yefun bi suk-i sor. Nan onyar kem mo Kristus. Nan bi sukjimnut sye kas subot ye yi neya. Kapre nan ku sukye, nan misyar Yefun nde, wo nan ben An bi suk-i njep su ye yi neya petok sor.

2 Timotius 2:25

Men duno nje gato duwer men it yo, men duno sisu njep sor. Men duno sisu njep, we men iwa kapyo tak Yefun Allah kak ye ne bi sukjimnut subere an kwet kadit os ibit, ete an jammo sukdu gato sangge.

Titus 3:2

Nan kiwa án subere án kiket ye yi nde, án maskwa dek nde, wo án kem ndo su yé mwa ne, án ben án bi suk-i njep, án bes nggwa kok nde.

Yakobus 1:21

Sane it yo, men bare sukibit mwa gato men ben ne wé. Sukdu gato Yefun Allah grem mo men mit si men onyar ne, men kak men mit wa, ete men jammo sukdu ne et, we sukdu ne kak os wa men subere men kem ndo to kapyo mato kapyo.

Yakobus 3:13

Mo men ré, te je u anato jam suk mwa ne? Je u anato bi sukjimnut ko ne? Ye gato bi sukjimnut ko ete jam suk mwa mó it yo, an ben an bi suk-i ne ndo sor. An nutbot sukndo gato an ben ne sisu ndo, an bes an nggwa kok su nde. Sane bere ye jam do, sangge, an jam suk mwa re.

1 Petrus 3:15

Sarewo nin jammo Yesus Kristus su nin mit dik si nin onyar dik, nin jammo An tepsu nin bi Yekwesu gato gum kok wai o re. Nin fro nin nggwa ndek, sawe ye ndobot nin do, ”Suma ben anato nin kwabom kam mo Yesus Kristus ne?” Nin fro nin nggwa ndek su sukdu gato bere nin ki nai ye ne jam, nin fro sukdu ne nyim wé et.

1 Petrus 3:4

Wo nggon gato kur mek sisu sangge anato nggon gato mbrau mom mit su suk sato ré, nggon ne kem not ete ben bi suk-i sisu njep sor. Nggon ben bi suk-i sane bere tepsu nggon ne kur mek mo an mit to kapyo mato kapyo anane. Yefun Allah nut do, nggon gato ben bi suk-i sane anato ndo wai,