Matius 5:4 - Abun Scripture

⁴ Ye gato nderku an nggwa mo sukibit gato an ben ne, ye ne mit at wa, we bere Yefun bes an kadit sukye gato an ku mone.

Matius 5:4 ပူးပေါင်းရင်းမြစ်များ

Lukas 16:25

Sarewo Abraham saiye o do, ”Nan napawa tomgato nan kem mo bur ne, nan ku suk mwa gato ndo, sarewo Lazarus gare yewa suk mwa. Su ré Lazarus kem mo pe gato ndo, wo nan anato kem mo pe gato yé, ete nan ku sukye mone.

Lukas 6:21

Nin yé gato on de su kam ré, nin mit at wa, we bere nin on ge mone tó. Nin yé gato wo su kam ré, nin mit at wa, we bere Yefun Allah ben nin sa o re.

Lukas 6:25

Nin yé gato bi sugit mwa su kam ré, nin kwabom dek wa sor, we bere nin on de mone tó. Nin yé gato sa su kam ré, nin kwabom dek wa sor, we bere nin wo mone tó.

Lukas 7:38

Nggon ne ti mo Yefun Yesus de dari, karowa An gwes tak, orete nggon ne wo, mom gro rom sye mo Yefun Yesus gwes tak. Orge nggon ne singgri Yefun Yesus gwes tak sa su mom sugo, mom ni Yefun Yesus gwes tak, ete mom syé manik gato grik ne mo Yefun Yesus gwes tak.

Lukas 7:50

Sarewo Yefun Yesus ki nai nggon ne do, ”Nan onyar kem mo Ji, anato Yefun Allah yo syo sukye nai nan mo sukibit gato nan ben ne o nde. Sane nan mu, nan kem not sor.”

Yakobus 1:12

Ye to ku sukye, ete an yo misyar Yefun Allah nde, wo an jom Yefun Allah bi sukdu-i ne krat sor, bere an mit at wa, we án jam do, sukye ne or kadit an yo, bere Yefun Allah syo suk gato ndo nai an mone, bere Yefun ós an kem ndo tepsu Yefun Allah tom su ye gato bi sukjimnut sye kas subot Yefun Allah ne.

Wahyu 21:4

Bere Ji nggri yé gato wo ne gro rom wé re. Bere yé yo kwop o nde, yé yo nderku nggwa o nde, yé yo wo o nde, yé kaim yo yó e, dipa su sukye o nde. Suk bok ne bere bor o nde, we suk mwa gato nyim neya fres wé or re.”