Matius 5:37 - Abun Scripture

³⁷ Wo sare, nin bi sukjimnut do, bere nin ben suk ne yo, nin ki do, ’bere ji ben re,’ wo nin bi sukjimnut do, bere nin ben nde yo, nin ki do, ’bere ji yo ben nde.’ Nin tom suk ri-roi sor, nin ki kwa bok yo o su nde, we kwa bok yo o daret ne ma kadit biris bi yekwesu sor.”

Matius 5:37 ပူးပေါင်းရင်းမြစ်များ

Matius 13:19

Mbet gro gato ges mo os mit ne anato tepsu ye gato jam sukdu subot os ndo gato Yefun Allah fro wa An tepsu men bi Yekwesu, sarewo án yo but nde, wo biris bi yekwesu ma ete nai sukdu ne wé kadit án mit or re.

Matius 13:38

nggwe ne anato tepsu bur ré; mbet gro gato kom ndo anato tepsu yé gato sok mo Yefun Allah bi rus-i; es ne anato tepsu yé gato sok mo biris bi yekwesu bi rus-i.

Matius 15:19

we sukibit gato ma kadit men mit si men onyar anato sukjimnut ibit gato ben men ben sukibit sato ré: men gu ye yi kwop e, men ben siri su nggon daret e, men syimsi suk e, men ndak nje su sukkidar e, men kiket yé yi e ne.

Matius 5:36

Nin syo nin syim do, nin su anane dom nde, we nin yo nggiwa ben nin sugo te nde, nin yo nggiwa ben nin sugo syi dom nde.

Matius 6:13

Nan mewa men subere suk yo tik men mit ete ben men ges mo os ibit mone nde, wo Nan kak os wa men subere biris bi yekwesu yo ku os wa gwat men sok mo os ibit mone nde. [Nan sor anato Yekwesu gato nggi wai, Nan sor anato Yekwesu gato gum kok wai to kapyo mato kapyo. Sangge.]’

Yohanes 17:15

Ji yo ndek mo Nan subere Nan nai án wé kadit bur ré nde. Sarewo Ji ndek mo Nan subere Nan mewa án kadit biris bi yekwesu gato jom nje mo bur ré.

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

Efesus 4:25

Sane yo, nin sino kidar yu o nde, wo nin ki nin bi sukdu-i ri-roi nai yu sor, we nin sino tepsu yedik mo Kristus bi rus-i it.

Efesus 6:16

Sane o, men onyar kem mo Yefun Yesus petok sor, tepsu men jom kweda sye anane. Men jom kweda sye ne subere biris bi yekwesu do werwa kunus men su kunus gato bot ru mó yo, men jom kweda ne yawa kunus su bot ne mu nden wé kadit men kaim.

Kolose 3:9

nin kidar yu o nde. Nin ben nin bi suk-i saga nyim ne o nde, we sukibit mwa ne nin bare wé it.

Kolose 4:6

Nin ki suk su yé gato jam nde Yefun yo, nin ki nin bi sukdu-i njep, nin ki sukdu gato ben yé ne mit ndo, nin ki sukdu gato tik án mit sor. Nin fro nin nggwa subere án do ndo nin subot suk yo, nin owa nin ki sukdu gato ndo satu nai án.

2 Tesalonika 3:3

Yetu ben sukibit, sarewo Yefun Allah sa, An benbot suk gato An tom ne. Bere An ben nin nggi. Bere An mewa nin kadit biris bi yekwesu re.

Yakobus 5:12

Ji bi nji, ji bi nyanggon, sukdu ré sye wai kadit sukdu yi neya, sare do, men ki suk it yo, men syo men syim do, bur are, gu ana nim ne si suk yi neya dom nde. Men ki sane nde, wo suk gato men ki ne kwa we sor. Men bi sukjimnut subot suk yo do, sangge it yo, men ki do, ”sangge” sor, wo men bi sukjimnut subot suk yo do, siri it yo, men ki do, ”siri” sor. Men ki men bi sukdu-i sane subere Yefun Allah yo syo sukye nai men mone nde.

1 Yohanes 2:13

Ji krom surat ré wa nin, ji bi yenggrás, we nin mit kem mo Yefun Yesus gato kem kadit ketke ne it. Ji krom surat ré wa nin, ji bi yemsok ji bi nggónnak, we nin sa, nin nggi wai kadit biris bi yekwesu re.

1 Yohanes 3:12

Men ben suk tepsu Kain nde. Kain ne sok mo biris bi rus-i. An gu an dakai bi nji dowok kwop re. Suma ben anato Kain gu an bi nji dowok kwop ne? Kain bariket an bi nji dowok mo gato an bi nji dowok ne ben bi suk-i ndo, wo Kain ben bi suk-i ne ibit.

1 Yohanes 5:18

Men jam do, Yefun Allah bi pá-i, án yo ben sukibit gat o nde, we Yefun Allah bi Gan mewa án re. Biris bi yekwesu yo ku os wa ben sukye nai án nde.