Matius 5:30 - Abun Scripture

³⁰ Sane dom, nin syim ge do ben nin ben sukibit it yo, nin tot nin syim ne, ete nin am wé. Kwa dik yo mo nin kaim ibit anato ndo wai kadit Yefun am nin kaim sino mo bot gesyos. {Sane nin werwa nin tot suk gato gwat nin sok mo os ibit ne wé kadit nin et.}”

Matius 5:30 ပူးပေါင်းရင်းမြစ်များ

Matius 11:6

Ye gato yo misyar Ji mo suk gato Ji ben ne nde, wo an onyar kem pe mo Ji it yo, bere ye ne mit at wa, we bere Ji ben sukndo su an.”

Matius 13:21

sarewo sukdu ne yo kem pe mo án mit nde, tepsu mbet gro ne i-brot yo kom mo jok nde, bergan sor, ete án misyar or re. Diksim án jammo sukdu ne, sarewo án do ku sukye mo sukdu ne yo, ye kiket án mone yo, bergan sor, ete án misyar sukdu ne kekro re.

Matius 16:23

Yefun Yesus brek ete ki nai Petrus do, ”Nan ki sukdu yawa os wa Ji nde, biris bi yekwesu bi sukjimnut-i kone! Nan bi sukjimnut-i ne ben sukye wa os wa Ji. Nan gwat sukjimnut ne mu ko kadit Ji se! Nan bi sukjimnut-i yo ma kadit Yefun Allah nde, wo nan bi sukjimnut-i ma kadit yetu sor re.”

Matius 17:27

Wo kapre men yé gato Yefun bi nje-i yo bi nde, sa ndo sa, men bi pajak ne sor, subere án yo maskwa men daret nde. Sane nan mu paper em et. Nan do tik boge dofutmo, ete nan kak boge ne syokwet yo, bere nan ku sugum det dik yo mone. Sugum ne bere tep wa Ji si nan bi pajak ne sino, sane nan gwat sugum ne, ete nan biwa men ka we bi pajak et.”

Matius 18:8

Nin syim e, nin gwes e ne do ben nin ges mo os ibit it yo, nin tot wé, ete nin bare wé kadit nin et. Nin sok mo Yefun Allah bi rus-i mo gu su nin syim dik, ondeyo nin gwes dik yo sor re anato ndo wai kadit Yefun Allah bare nin mo bot gesyos su nin syim we si nin gwes we ne sino mó. Sane nin werwa nin tot suk gato gwat nin sok mo os ibit ne wé kadit nin et.

Matius 22:13

Sane yeraja ki nai bi pakwerut ge bok ne do, ’Nin but ye ré, nin rai an gwes si an syim ne krat, orete nin am an mo nden, mo pe gato ndendu. Mone yé wo ndo nde, mone yé dakai nderku nggwa.’ ”

Matius 25:20

Pa gato ku sugum det mumek gwat sugum det mumek yo tó o ma, ete ki nai bi yenggras do, ’Yenggras, nan syo sugum det mumek nai ji. Nan me ré, ji ku det mumek yo tó o ré.’

Matius 26:31

Orete Yefun Yesus ki nai An bi pakon ne do, ”Su noru ré, bere nin sino titi kadit Ji, bere nin misyar Ji sagato ye krom sukamno dik yo mo Yefun Allah bi sukdu do, ’Bere Ji gu ye gato mewa suksi, ete an bi suksi ne titi kadit an.’

Matius 5:22

Sarewo Ji ki sare do, ye to maskwa ket an bi nji, bere Yefun syo sukye nai. Sane o, ye to kendo an bi nji do, ’Nan yeibit,’ bere ye gwat mu mo ye Yahudi bi yepasye si yekwesu gato sum sino wa kibot sukdu ibit gato an ki ne. Sane o ye to kendo an bi nji do, ’Nan jimgon,’ bergan Yefun am ye ne mo bot gesyos.

Matius 5:29

Sane nin gro do ben nin ben sukibit it yo, nin tik buk mu nden, ete nin am wé. Kwa dik yo mo nin kaim ibit anato ndo wai kadit Yefun am nin kaim sino mo bot gesyos.

Markus 9:43

Nin syim dik yo ben nin ges mo os ibit it yo, nin tot nin syim ne wé, ete nin bare wé kadit nin et. Nin sok mo Yefun Allah bi rus-i mo gu su nin syim dik sor re anato ndo wai kadit Yefun Allah bare nin mo bot gesyos gato u petok ne su nin syim we mó tó. [

Lukas 12:5

Wo Ji ki rer subere nin jam ye gato nin nyuwa. Nin nyuwa Yefun Allah et. Yefun Allah sa, nggiwa gu nin da kridek kwop, orete Yefun Allah nggiwa bare nin da gesyos mo bot gesyos dom, wo yetu nggiwa gu men da kridek sor re. Sane, Ji ki sare do, nin nyuwa Yefun Allah sor re.

Lukas 17:2

Ye yo ben pa wokgan gato onyar kem mo Ji ré ges mo os ibit it yo, sa ndo sa, yé rai ye ne syidem dom jok sye krat, ete yé bare an mo sem mo pe gato kru subere an rap mone. Ye ne kwop anato ndo wai kadit an ben pa ges mo os ibit.

Roma 9:33

Yenabi dik yo krom sukdu gato Yefun Allah ki subot Kristus tepsu jok ne sare do, ”Nin me more et, Ji grem jok dik yo mo nat gato gum do Sion. Yé gato gwes ti mó jok, bere án ges. Sarewo ye gato kwabom kam mo jok ne yo, bere ye ne damen nde, wo ye ne jam do, suk gato jok ne fro bere bor mone sor.”

1 Korintus 8:13

Ji do git sugit gato kak os wa ben ji bi nji brek satu mu mo os ibit it yo, sane bere ji yo git suge ku gane o nde, sawe ji ben kidar ji bi nji ne ges mo os ibit or re.

Galatia 5:11

Ji bi nji, ji bi nyanggon, yé bok yo ki do, ji anato duno nje do, men simo sunat yo, bere Yefun Allah nai men sok mo An bi rus-i. Ji yo ki sane nde, wo yé ki do, ji duno nje su sukduno sane mó tó. Ji do duno nje su sukduno sane yo, suma ben anato yé maskwa ji tó ré ne? Ji do duno nje su sukduno sane yo, yé maskwa mo sukdu gato ji ki subot Yesus Kristus gato kwop mo kwesukwin ne wa suma ne?

1 Petrus 2:8

Sane dom, ”Bere yé gwes ti mo jok ne, bere jok ne wai nje, ete yé ges mone.” Yé gato kwabom kam mo jok ne nde, án yo jambot Yefun Allah bi sukdu-i nde anato án gwes ti mo jok ne. Án ku sukye mone tepsu pe gato Yefun Allah dakai fro wa án re.