Matius 5:29 - Abun Scripture

²⁹ Sane nin gro do ben nin ben sukibit it yo, nin tik buk mu nden, ete nin am wé. Kwa dik yo mo nin kaim ibit anato ndo wai kadit Yefun am nin kaim sino mo bot gesyos.

Matius 5:29 ပူးပေါင်းရင်းမြစ်များ

Matius 10:28

Nin nyuwa ye gato nggiwa gu nin da kridek kwop ne nde, wo nin nyuwa Yefun Allah gato nggiwa gu nin da kridek si nin da gesyos ne sino, ete bare mo bot gesyos.

Matius 11:6

Ye gato yo misyar Ji mo suk gato Ji ben ne nde, wo an onyar kem pe mo Ji it yo, bere ye ne mit at wa, we bere Ji ben sukndo su an.”

Matius 16:26

Nin ben suk ket nin mit-i subere nin ku suk mwa mo bur ré, ete nin ges mo os ibit mone, suk mwa gato nin ku ne sato sugum e, san e, nu e ne te, bere ós nin gum sok mo Yefun Allah bi rus-i sa u ne? Yo os nin nde. Bere suk mwa gato nin ku ne, nin syo nai Yefun Allah, ete bere An nai nin gum sok mo An bi rus-i bado? Mo nde, {wo nin sibot os gato Ji kak ne sor.}

Matius 17:27

Wo kapre men yé gato Yefun bi nje-i yo bi nde, sa ndo sa, men bi pajak ne sor, subere án yo maskwa men daret nde. Sane nan mu paper em et. Nan do tik boge dofutmo, ete nan kak boge ne syokwet yo, bere nan ku sugum det dik yo mone. Sugum ne bere tep wa Ji si nan bi pajak ne sino, sane nan gwat sugum ne, ete nan biwa men ka we bi pajak et.”

Matius 19:12

Án deyo kra nde, we án kaim yo tep wa sem su nggon nde kadit bi im kem su án ne it. Deyo o, yé tik koijo wé ete ben án kaim yo tepsu sem su nggon nde. Deyo o, dakai bariwa sem su nggon, subere án bi sukjimnut ne sye wa ben Yefun Allah bi suk-i. Ye gato nggiwa jom sukdu ré yo, ye ne jom ete benbot et.”

Matius 23:15

Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Nin mu mo os syu mu mo peyo-peyo, nin bi win mo sem mu mo bur yi meret ye yo wa nin but tepsu nin bi pakon. Nin ku it yo, bere nin ben pa ne ibit wai kadit nin o re, ete ri ma pa ne ges mo bot gesyos re.

Matius 23:33

Nin ben nin bi suk-i ibit, nin tepsu kwis! Nin si nin bi amui sino ben sukibit tepsu yu. Bere je u anato nai nin kadit sukye gato bere nin ku mo bot gesyos ne?

Matius 5:22

Sarewo Ji ki sare do, ye to maskwa ket an bi nji, bere Yefun syo sukye nai. Sane o, ye to kendo an bi nji do, ’Nan yeibit,’ bere ye gwat mu mo ye Yahudi bi yepasye si yekwesu gato sum sino wa kibot sukdu ibit gato an ki ne. Sane o ye to kendo an bi nji do, ’Nan jimgon,’ bergan Yefun am ye ne mo bot gesyos.

Matius 5:30

Sane dom, nin syim ge do ben nin ben sukibit it yo, nin tot nin syim ne, ete nin am wé. Kwa dik yo mo nin kaim ibit anato ndo wai kadit Yefun am nin kaim sino mo bot gesyos. {Sane nin werwa nin tot suk gato gwat nin sok mo os ibit ne wé kadit nin et.}”

Markus 8:36

Nin ben suk ket nin mit-i subere nin ku suk mwa mo bur ré, ete nin ges mo os ibit mone, suk mwa gato nin ku ne sato sugum e, san e, nu e ne te, bere ós nin gum sok mo Yefun Allah bi rus-i sa u ne? Yo os nin nde.

Lukas 12:5

Wo Ji ki rer subere nin jam ye gato nin nyuwa. Nin nyuwa Yefun Allah et. Yefun Allah sa, nggiwa gu nin da kridek kwop, orete Yefun Allah nggiwa bare nin da gesyos mo bot gesyos dom, wo yetu nggiwa gu men da kridek sor re. Sane, Ji ki sare do, nin nyuwa Yefun Allah sor re.

Roma 6:6

Men jam do, men bi suk-i gato men ben suga nyim ne ben sato kwop si Yesus Kristus mo bi kwesukwin or wé kadit men re. Sane bere sukibit gato men ben nyim ne yo jom men o nde, men yo tepsu pakwerut wa ben sukibit ne o nde.

Roma 8:13

Men benbot suk gato Yefun Allah Gen kadum nai men ne sor, we men do benbot sukjimnut gato tik men mit wa ben sukibit ne yo, bere men kwop sor re. Sarewo men jammo Yefun Allah Gen sa, bere Yefun Allah Gen ben men nggiwa men kak sukibit gato men dakai ben ne wé kadit men re. Men do kak sukibit ne wé it yo, bere men kem sisu ndo it anane.

1 Korintus 9:27

Ji duno ye yi sisu ji mit dik si ji onyar dik subere án jammo Yefun Yesus bi sukduno-i. Sane kamdik-kamdik ji mewa ji nggwa petok sor, subere ji benbot sukduno ne dom. Ben sato ji gwa ji dakai subere ji tepsu pakwerut wa benbot sukduno gato ji duno ye yi su ne. Sane bere ji waii ku suk gato Yefun Allah tom su ye gato ben Yefun Allah bi suk-i ne dom, wo ji duno nje, orete ji dakai yo benbot nde, bere ji yo ku suk gato Yefun fro wa men dom nde.

Galatia 5:24

Ye gato sok mo Yesus Kristus bi nje-i it yo, ye ne bare sukjimnut gato tik an mit wa ben sukibit ne or wé kadit an re. Sukjimnut ne ben sato an mban mo kwesukwin, ete sukjimnut ne kwop or wé kadit an. An yo iwa ben suk ket an i o nde. Suk gato tik an mit wa an ben sukibit ne an bare wé re.

Kolose 3:5

Bere nin si Kristus kem ndo sino, sane anato sukibit gato nin iwa nin ben mo bur ré, nin bare wé et. Nin bare sukibit gato jom nin ne wé sato ré: yebris si nggon ben siri su yu daret e, nin da bro wa ben sukdaret ket nin í e, nin da bro wa nggon bu e, nin bi sukjimnut nggiwa men nin sukibit bu e, nin gro sye wa nai suk mwa wa nin dakai sor e ne. (Nin gro sye wa nai suk mwa ne yo, tepsu nin onyar kem mo suk daret wai kadit Yefun Allah ne o re.)