Matius 5:20 - Abun Scripture

²⁰ Sane Ji ki sare do, nin yo ben suk gato ndo tepsu Yefun mit mwa wai kadit ye Farisi si yeguru agama nde yo, bere nin yo ku os wa nin gum sok mo Yefun Allah bi rus-i nde.”

Matius 5:20 ပူးပေါင်းရင်းမြစ်များ

Matius 16:12

Sugane pakon ne jam do, Yefun Yesus yo kibot bibit roti gato ye kon roti su ne nde, wo An syogat bi pakon mewa án nggwa kadit ye Farisi si ye Saduki bi sukduno-i.

Matius 18:5

Sane dom, ye to kak an mit wa pa wokgan sato ré, we an bi sukjimnut kem mo Ji yo, tepsu an kak an mit wa Ji dom anane.”

Matius 3:10

Wo nin ré tepsu kwe gato yo bo ndo nde. Su ré yo, Yefun Allah fro bi mbam wa gwa kwe gato sane wé, Yefun Allah gwa mo i-brot kai. Yefun Allah fro wa syo sukye nai ye gato yo kwet nde, tepsu ye gwa kwe gato yo bo nde ne, orete ye syo bot git wé re.

Matius 7:21

Mo yé bok ne sino gato kendo án bi Yekwesu mo Ji, ge bok yo bere yo sok mo Yefun Allah bi rus-i nde. Ye gato benbot Ji bi Ai mo gu bi sukdu-i ne sa, bere ye ne sor ete sok mone.

Markus 10:15

Suk gato Ji ki ré suksangge anare, ye to bariwa jammo Yefun Allah tepsu pa wokgan jammo bi ai ne yo, bere ye ne yo ku os wa an sok mo Yefun Allah bi rus-i nde.”

Markus 10:25

Te suge sye gato gum do unta sok ket sum parke wak mó bado, nde e? Yo sok mo nde, sukye teker ware. Sane dom yé gato bi suk mwa iwa án gum sok mo Yefun Allah bi rus-i yo, suk ne tepsu sukye teker wa án re.”

Lukas 11:44

Bere nin ku sukye, we nin tepsu makwe gato yé yo syut kwedet wa nde. Sane yé jam nde yé muya-muma mo makwe ne sor.” {Yé nut do pe ne ndo, ondewo mo bur desnak suk gato kwik mo. Nin dom, yé nut do, nin sa ndo ondewo mo nin mit ne suk gato ibit mwa mó.}

Lukas 12:1

Ye Farisi si yeguru agama ben bi suk-i sa, yé mwa ye re sum mone wa án me Yefun Yesus. Yetu ge ribu bok yo, yé mwa ne ti buk mo yu. Sane Yefun Yesus yo ki sukdu nai yé mwa ne nde tó, Yefun Yesus ki nai An bi pakon do, ”Nin mewa nin nggwa kadit ye Farisi bi bibit roti-i. Nin mewa nin nggwa subere nin ben suk tepsu ye Farisi ne nde. Ye Farisi duno nje su án syokwet sor, wo án yo benbot án bi sukduno nde.

Lukas 18:17

Suk gato Ji ki ré suksangge anare, ye to bariwa jammo Yefun Allah tepsu pa wokgan jammo bi ai ne yo, bere ye ne yo ku os wa sok mo Yefun Allah bi rus-i nde.”

2 Korintus 3:9

Os nyim gato gwat sukkwop wa men yetu ne da ndo yé, sarewo os be gato Yefun Allah kak wa men gum sok mo An bi rus-i ne ndo wai kadit ne o re.

2 Korintus 5:17

Sane men si Yesus Kristus tepsu dik it yo, men anato ye gato be o re. Men yo simo os ibit saga nyim ne o nde, wo men simo os be mo suk mwa ne sino o re.

Filipi 3:9

subere ji si Kristus tepsu dik it. Ji sok mo Yefun Allah bi rus-i kadit suk mwa gato ji dakai ben tepsu Musa bi sukduno-i nde, wo ji onyar kem mo Yesus Kristus anato Yefun nai ji gum sok mo An bi rus-i ne it. Men onyar kem mo Yesus Kristus sor re, anato Yefun Allah nut do, men sa, men tep wa An nai men sok mo An bi rus-i it.

Ibrani 12:14

Sane dom nin werwa nin si yé mwa ne sino kem ndo su yu sor. Nin werwa nin ben nin bi suk-i ndo petok sor, nin ben suk yo gato ibit mo nde. Nin yo werwa ben nin bi suk-i ndo petok sane nde yo, bere nin yo ku Yefun nde.

Wahyu 21:27

Sarewo yé gato ben bi suk-i siri kadit Yefun mit ne, bere yé ne yo sok mo kota ne nde, wam dik yo dom nde. Yé gato som sukdaret e, kidar suk e ne yo sok mo kota ne nde. Sarewo yé gato ye krom gum mo Domba Gan bi Buku Yegesyos sor anato sok mo kota ne.