Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matius 5:16 - Abun Scripture

16 Sane dom, nin tepsu sukru gato rer ku nje et, subere yé me sukndo gato nin ben ne, ete yé un men bi Ai mo gu o re.”

အခန်းကိုကြည့်ပါ။ ကော်ပီ




Matius 5:16
42 ပူးပေါင်းရင်းမြစ်များ  

Suk mwa gato án ben ne, án ben subere yé me suk gato án ben ne sor re, wo án mit tara re. Án it kotak wokgan mo án git si án syim yo, án ben kotak ne sye wai kadit yé yi ne, subere yé nut do, án sa, yepasye mo Yefun bi de-i. Sane dom, san yar gato yé bit mo án bi san nap ne, án ben án bi ne syu wai, subere yé nut do, án sa, yekwesu mo Yefun bi de-i.


Nin kendo ye yo mo bur ré gum do ’nin bi ai’ daret nde, we nin bi ai ka dik sor, ete An kem mo gu.


subere nin ben suk tepsu nin bi Ai gato mo gu ne bi pa-i. We sare, Yefun ben sukndo su ye gato ben sukibit si ye gato ben sukndo ne sino. Yefun syo kam it mo gu si nogi is ma bur wa ye gato ben suksiri kadit An mit si ye gato ben sukndo tepsu An mit ne sino.


”Nin mewa nin nggwa kadit nin git sugit yei yo, nin ben nin gwem ibit saga ye gato kidar do, an onyar kem mo Yefun, sarewo an mit tara ne nde. Ye ne misyar an kaim subere yé mwa jam do, an mewa an nggwa kadit sugit yei wa an ki suk su Yefun. Suk gato Ji ki ré suksangge anare, yetu bes ye ne gum kok mone sor re, wo bere Yefun yo syo suk yo nai an o nde.


Sane nin ki suk su Yefun Allah yo, nin ki sare do, ’Men bi Ai mo gu: Yé bes Nan gum kok sye wai ete ndo.


Yé mwa mone me suk gato Yefun Yesus ben ne sa, án sino yeket, ete án un Yefun Allah, we Yefun Allah syo suktinggi nai yetu wa ben suk sane.


Sane, Yefun Yesus ki nai An bi pakon do, ”Nin ki suk su Yefun Allah yo, nin ki sare do, ’Men bi Ai, Yé bes Nan gum kok sye wai ete ndo. Nan ma tepsu Yekwesu wa jowa men yetu ete ndo.


Nin do ben suk mwa gato ndo, tepsu bo mwa gato kom yo, nin tepsu Ji bi pakon gato sangge, ete bere yé bes Ji bi Ai gum kok sye wai o mone re.


Nggon ge dik yo gato onyar kem mo Yefun Yesus kem mo kota Yope. Nggon ne gum do Tabita (su a Yunani, mom gum do Dorkas, gato bi sukjimnut do rusa). Nggon ne ben sukndo petok sor, mom syo suk nai ye gato yewa suk petok sor.


or, án dakai rek án bi sukjimnut mwa gato án gurik mo án mit ne wa yé mwa mone jam. Sane sugane án is án nggwa tepsu pa wokgan, án som Yefun, ete án ki do, ”Sangge, Yefun Allah kem su nin more re.”


Nin do syo sugum ne mu kom motu it yo, bere Yefun Allah bi rus-i mwa mo bur Yudea bes Yefun Allah gum kok o re, we án me do, nin sa, nin sibot os ndo gato Yesus Kristus kak ne sisu ri-roi. Sane dom, bere án bes Yefun Allah gum kok, we nin syo suk mwa kadit suk gato nin ku ne dakai yi nai án si ye yi neya.


Yé mo bur Yudea ne jam sukdu gato ye ki subot ji sa, yé bes Yefun Allah gum kok mone re.


Yefun Allah anato ut men re. An syo Yesus Kristus ma kak os wa men sok mo An bi rus-i. An ben men nggi mone subere men ben sukndo gato An fro wa men ben ne.


Kam nyim tuya nin dakai kem mo ndendu, wo su ré nin sok mo Yefun Allah bi rus-i, sane anato nin kem mo pe gato nden rer it. Sane nin ben nin bi suk-i tepsu yé gato kem mo pe gato nden rer ne sor.


Men duno nin, men ós nin ben suk tepsu suk gato men duno nin su ne. Men wergat nin subere nin ben suk tepsu Yefun Allah mit sor, we Yefun Allah nai nin sok mo An bi rus-i, subere nin si An kem mo pe gato ndo wai o re.


Nggón werwa án mbrau nggwa teker eta nde, wo nggón werwa ben suk gato ndo sor, tepsu nggón gato onyar kem mo Yefun ne ben re.


Nggonna ne yé mwa jam do, mom ben bi suk-i ndo sato ré, mom kon mom bi pa sisu ndo e; yé yo ma mo mom bi nu yo, mom iwa, mom syo sugit nai e; mom ben suk tepsu pakwerut wa ós ye gato onyar kem mo Yefun Yesus e; mom ós ye gato ku sukye e; mom ben suk mwa gato ndo petok su mom mit dik mom onyar dik sor e ne.


Sane dom, sukndo gato ye ben ne, bere bor wa yé mwa jam. Sane o, sukndo gato yo bor nde, bere kom mo rut sa, yé mwa jam mone tó.


Nan syaugat ye gato ku suk mwa mo bur ré subere án ben suk gato ndo, subere án ben sukndo ne mwa, tepsu suk mwa gato án ku ne. Nan duno án subere án yo gro er wa suk nde, wo án iwa án syo suk mwa nai ye yi neya sor.


Yesus Kristus bi An nggwa wa tot suktot mo sukibit mwa ne sino gato men ben ne wé, subere men tepsu nje gato ben sukibit o nde, ete men sok mo An dakai bi rus-i gato mit iwa ben suk gato ndo sor.


Nan ben suk mwa ne ndo sino sor, subere kadum os wa yemsok waii benbot. Nan duno nje yo, nan duno sisu sangge, nan kidar wokgan yo dom nde, wo nan duno nje sisu nan mit dik si nan onyar dik sor.


Men bi nje-i gato men duno ne, án ben suk gato ndo sor, subere kamdik-kamdik án ku suk gato án mitmo ne, subere án kem mo bur ré, án bambrai wa ben suk nde.


Suga nyim men ben men bi suk-i sane, sarewo Yefun Allah gato fro os ndo wa men kem ndo to kapyo mato kapyo ne, An bi sukjimnut sye kas subot men, An ben sukndo su men.


Sane men nutbot os yo sa u subere men duno yu su sane sor men sino bi sukjimnut sye kas subot ye yi neya et. Men nutbot sisu ndo et, men meret os ndo subere men bi os ndo nai yu sane sor men sino ben sukndo su ye yi dom et.


Nin si yé gato jam nde Yefun Allah kem mo bur ré yo, nin werwa nin ben nin bi suk-i ne ndo wai, subere kapre án iwa ki nin gum ibit yo, án yo ku os wa án ki nin gum ibit mó nde, wo án me do, nin sa, ben sukndo. Sane bere su kam gato Yefun ma wa ndobot men yetu mo bur ré, bere án bes Yefun Allah gum kok sye wai mo sukndo gato nin ben ne.


Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.


Nin jammo Yefun Allah sor. Sane dom, nin, nggonkra nin waii jammo nin bi ya et, subere kapre nin bi ya deyo yo jambot Yefun Allah bi sukdu nde, bere an brek ma jammo Yefun Allah o re. Nin bi ya do me nin jammo án ete nin ben sukndo mone yo, bere án brek ma jammo Yefun re. Nin yo mitwa nin ki sukdu kwa dik yo dom nde,


Sarewo nin do ki sukdu ne yo, nin nutbot ye gato ndobot nin sisu ndo, ete nin ki sukdu ne kom-kem sisu njep. Nin werwa nin ben nin bi suk-i ndo petok, subere nin yo damen mo suk gato nin ben ne nde. Sane bere yé do iwa ki nin gum ibit mo sukndo gato nin ben tepsu Kristus bi yetuge-i ne yo, bere an yo ku os nde, ete ri ma an damen mo sukdu gato an ki nin gum ibit mone.


Ye gato ku suktinggi wa ki subot Yefun bi suktaru it yo, ye ne nutbot suktaru ne do, suktaru ne ma kadit Yefun Allah dakai, orete án ki suktaru ne sisu suktinggi ne sor. Ye gato ós ye yi yo, án ós ye yi su suktinggi ne et. Nin ben suk sane subere yé bes Yefun Allah gum kok mo suk mwa gato nin ben tepsu Yesus Kristus bi yetuge-i ne. Yefun Allah sa, bi suktinggi nggi wai o re. Yefun anato gum kok wai su ré sor to kapyo mato kapyo. Sangge.


Yé kabor nin mo suk gato nin ben tepsu Yesus Kristus bi yetuge-i ne yo, bere Yefun ben sukndo su nin mone. Sane nin mit at wa sor, we Yefun Allah Gen gato nggi wai ne sisu nin mone petok sor.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ