Matius 5:14 - Abun Scripture

¹⁴ Nin anato tepsu sukru wa yé mwa mo bur ré sino. Bere yé mwa me nin tepsu yé mwa me kota gato yé nggo mo bobuk.

Matius 5:14 ပူးပေါင်းရင်းမြစ်များ

Yohanes 12:36

Rer ku nin mó tó yo, nin nai sukjimnut dik wa nin onyar kem mo rer ne et. Ji anato tepsu rer ne. Nin onyar kem mo Ji it yo, nin tepsu Ji bi pá, nin jam suk gato rer kom mo mit.” Yefun Yesus ki sukdu ne, orete An mu kadit pe ne. An gurik dik kadit yé mwa ne re

Yohanes 5:35

Yohanes ne tepsu sukru gato ru rer, ete i-rer ne ku pe gato ndendu mó. Ketke nin iwa sukru ne, i-rer ku nin, wo yo nam nde ge, nin bariwa re.

Yohanes 8:12

Yefun Yesus ki nai yé mwa mone o do, ”Ji dakai anato tepsu sukru gato rer ku nje mo bur ré. Ye gato simo Ji it yo, an yo mu su ndendu o nde, wo rer ku ye ne anato an kem ndo.”

Yohanes 9:5

Ji mo bur ré tó, Ji anato tepsu sukru gato rer ku nje mo bur ré.”

2 Korintus 6:14

Men si ye gato jam nde Yefun Yesus tepsu dik wa ben suk sino nde. Men si ye gato jam nde Yefun Yesus tepsu dik wa ben suk sino yo, bere suk ne yo kas ndo nde. Ye gato ben bi suk-i ndo si ye gato ben bi suk-i ibit, bere ben suk tepsu dik sino sa u ne? Ndendu si nden rer sino bor mo pe dik sa u ne?

Filipi 2:15

Sane bere nin tepsu Yefun Allah bi pa-i, bere nin ben nin bi suk-i ndo petok sor, kwa gato ibit yo mo nde. Sane bere ye yo ku os wa ki nin gum ibit mo suk gato nin ben ne mo nde. Nin do ben suk tepsu Yefun mit sane it yo, nin tepsu sukru gato rer ku nje mo bur ré. Yé mo bur ré mise, án ben sukibit bu.

1 Tesalonika 5:5

we nin sino ben nin bi suk-i ne bor su nombrak, sane nin tepsu ye gato kem mo pe gato rer sor. Men ben men bi suk-i ne, tepsu ye gato kem mo ndendu nde. Yé ne ben an bi suk-i su noru subere an gurik sukibit gato an ben ne.

Wahyu 1:20

Ji ki rer subot bí mufit gato nan me mo Ji syim ge ne si suk gato ka sa dem sor gato ye ben kadit emas wa ye dum sukru bo mufit ne. Suk we ne bi sukjimnut ne Yefun gurik kadit yetu, wo su ré Ji ki bi sukjimnut ne rer wa nan jam. Bí mufit bi sukjimnut do, malaikat ge mufit gato mewa yé gato onyar kem mo Yefun Yesus mo nu ari mo kota mufit ne {Efesus e, Smirna e, Pergamus e, Tiatira e, Sardis e, Filadelfia si Laodikia ne}. Or o, suk gato ka sa dem sor wa ye dum sukru mufit mone bi sukjimnut do, yé gato onyar kem mo Yefun Yesus mo nu ari mo kota mufit ne.”

Wahyu 2:5

Sane nin napawa ketke nin bi sukjimnut sye kas subot Ji, wo su ré nin yo bi sukjimnut sye kas subot Ji sane o nde. Ré yo, nin brek satu ma et, nin kwet, ete nin bi sukjimnut sye kas subot Ji tepsu ketke ne satu o et. Nin yo kwet nde yo, bere Ji ma nai nin bi sukru ne wé kadit bi nat-i re.