Matius 5:11 - Abun Scripture

¹¹ Nin yé gato simo Ji, ete yé kabor nin e, yé ben sukye nai nin, ete yé ki nin gum ibit ket kwayo-kwayo mone yo, nin mit at wa.

Matius 5:11 ပူးပေါင်းရင်းမြစ်များ

Matius 10:18

Nin benbot suk gato Ji ki ne, sane bere ye gwat nin mu mo yepasye gwem. Bere ye gwat nin mu mo yekwesu gato ye kendo do yeraja ne gwem. Mone bere nin ki sukdu subot os be gato Ji kak wa yetu sok mo Yefun Allah bi rus-i. Nin ki sukdu gato ndo ne nai yepasye ne si yewis yi neya sino.

Matius 10:22

Nin ben Ji bi suk-i, sane bere yé mwa ne sino bariket nin, wo ye gato onyar kem pe mo Ji sor kom mo pe gato or mó, bere ye ne kem ndo to kapyo mato kapyo.

Matius 10:25

Sane ye gato farkor sane sor an gum sye tepsu an bi yeguru yo, wai mó re. Sane dom, pakwerut gato ku gum tepsu an bi yenggras yo, wai mó re. Rus dik yo bi yesu gato gum do Beelzebul ben sukibit, sane yo, bere yé mwa mo an bi rus-i ne sino ku gum ibit wai kadit an o re.”

Matius 10:39

Ye to werwa an dakai mewa an nggwa, bergan an kwop re, wo ye to bi nggwa mo Ji wa an ben Ji bi suk-i yo, bere an kem ndo to kapyo mato kapyo.”

Matius 19:29

Yé mwa ne sino gato misyar bi nu e, bi nji e, bi nyanggon e, bi yenggras e, bi pa e, bi bur det e ne subere an mu ben Ji bi suk-i yo, bere Yefun Allah win suk mwa gato an misyar ne mu kom mo wam wotin dik yo, ete bere án kem ndo to kapyo mato kapyo.

Matius 24:9

Su kam gane ma, yé mwa mo bur ré iwedewe bere bariket nin yé gato onyar kem mo Ji. Sane bere yé but nin e, yé ben sukye nai nin, ete yé gu nin kwop.

Matius 27:39

Yé gato waiket pe ne kabor Yefun Yesus, án bagriket Yefun Yesus ete án juwai án su,

Markus 13:13

Nin ben Ji bi suk-i, sane bere yé mwa ne sino bariket nin, wo ye gato onyar kem pe mo Ji sor kom mo pe gato or mó yo, bere ye ne kem ndo to kapyo mato kapyo.”

Markus 13:9

Su kam gane ma, nin mewa nin nggwa, we bere yé but nin, ete yé gwat nin mu mo ye Yahudi bi yepasye. Yé gwat nin deyo mu mo ye Yahudi bi nu ari dom, ete ye Yahudi kwam nin su bus mone. Bere yé but nin, we nin onyar kem mo Ji, ete nin ben Ji bi suk-i. Bere yé gwat nin mu mo yepasye gato jowa bur ré yo, bere nin ti mo yeraja si gubernur gwem, ete nin ki sukdu subot Ji nai yepasye ne jam.

Markus 4:17

sarewo sukdu ne yo kem pe mo án mit nde, tepsu mbet gro ne i-brot yo kom mo jok nde, bergan sor ete án misyar or re. Diksim án jammo sukdu ne, sarewo án do ku sukye mo sukdu ne yo, yé kiket án mone yo, bergan sor ete án misyar sukdu ne kekro re.

Markus 8:35

We, sare, ye to bi sukjimnut sye wa an dakai kem ndo mo bur ré yo, bergan an kwop re, wo ye to bi nggwa mo Ji wa an ben Ji bi suk-i, ete gwat sukdu subot os ndo gato Yefun Allah fro wa yetu ne yo, bere ye ne kem ndo to kapyo mato kapyo.

Lukas 21:12

Sane suk mwa gane yo bor nde tó, bere yé but nin, bere yé ben sukye nai nin. Yé gwat nin deyo mu mo ye Yahudi bi nu ari dom, ete yé ndobot nin mone. Yé gwat nin deyo sok mo sel dom. Bere yé but nin, we nin onyar kem mo Ji, ete nin ben Ji bi suk-i. Bere yé gwat nin mu mo yepasye gato jowa bur ré, bere nin ti mo yeraja si gubernur gwem.

Lukas 21:17

Nin ben Ji bi suk-i, sane bere yé mwa ne sino bariket nin.

Lukas 6:22

Nin yé gato simo Yetu bi Pa to Ji ré, bere yé bariket nin, yé misyar nin, yé kabor nin, yé kiket nin gum ibit mone yo, nin mit at wa.

Lukas 9:24

We sare, ye to bi sukjimnut sye wa an dakai kem ndo mo bur ré yo, bergan an kwop re, wo ye to bi nggwa mo Ji wa an ben Ji bi suk-i yo, bere ye ne kem ndo to kapyo mato kapyo.

Yohanes 15:21

Bere yé ben sukye nai nin mo gato nin sok mo Ji bi rus-i, we yé ne jam nde Yefun gato syogat Ji ma mo bur ré.

Yohanes 9:28

Pa ne ki bi sukdu-i sa, ye Farisi kabor pa ne. Ye Farisi ki nai pa do, ”Nan anato simo Ye gane. Men nde re. Men simo Musa sor re.

Suk Gato Yerasul Ben Ne 9:16

Bere Ji dakai kadum nai an do, an gwat Ji gum mu ki nai yé mwa ne sino yo, bere an ku sukye ndo nde mone.”

Roma 8:36

tepsu ye krom mo Yefun Allah bi sukdu do, ”Men tepsu Nan bi rus-i, sane noru nombrak men ku sukye ndo nde, bergan men kwop rok. Yé nut mo men do, men tepsu domba gato bergan yé gu kwop wé sor.”

1 Korintus 4:10

Men ben Kristus bi suk-i anato yé ki do, men jimgon, wo nin nut do, nin sa, jam suk mwa, we nin onyar kem mo Kristus bado? Sane nde. Nin nut do, men yo nggi nde, wo nin sa, nggi bado? Yo mo nde re. Yé ki men gum ibit re, wo nin sa, yé bes nin gum kok o re.

2 Korintus 4:11

Men kem mo bur ré men ku sukye, we men ben Yesus Kristus bi suk-i, karowa men kwop rok sane pe sor. Men ku sukye mo men kaim budat tepsu Yesus Kristus ku ne subere men ben men bi suk-i mo bur ré tepsu Kristus ben An bi suk-i bor wa yé mwa me.

Filipi 1:29

Nin jam do, Yefun Allah ós nin kem ndo, we Yefun Allah syo An bi suktinggi nai nin subere ós nin onyar kem mo Yesus Kristus sor nde, wo An syo An bi suktinggi nai nin subere nin nggi wai kadit sukye gato nin ku ne.

1 Petrus 2:23

Yé kabor An sa, An yo kabor yé ne satu nde. An ku sukye sa, An yo ki nai yé gato ben sukye ne do, bere An waii ben sukye nai yé ne satu o nde, wo An bi An nggwa mo Yefun Allah sor. An jam do, Yefun Allah watbot suk mwa ne sisu ndo, orete bere Yefun syo sukye nai nje ne tepsu sukibit gato án ben ne. Wo Yesus Kristus dakai yo ben sukye satu nai ye ne mo nde.

1 Petrus 4:14

Yé kabor nin mo suk gato nin ben tepsu Yesus Kristus bi yetuge-i ne yo, bere Yefun ben sukndo su nin mone. Sane nin mit at wa sor, we Yefun Allah Gen gato nggi wai ne sisu nin mone petok sor.

Wahyu 2:3

Ji jam do, nin simo Ji anato nin ku sukye mone, sarewo nin ben Ji bi suk-i petok sor, nin yo misyar Ji nde, wo nin simo Ji pe sor. Suk bok ne sa, nin ben sisu ndo.