Matius 5:10 - Abun Scripture

¹⁰ Ye gato ku sukye mo sukndo gato an ben tepsu Yefun Allah mit ne, ye ne mit at wa, we Yefun Allah anato an bi Yekwesu gato mewa an.

Matius 5:10 ပူးပေါင်းရင်းမြစ်များ

Matius 10:23

Yé ben sukye nai nin mo kota dik yo it yo, nin titi kadit kota ne mu mo kota yi yo o. Suk gato Ji ki ré suksangge anare, nin mubot ye Israel bi kota mwa ne sino, nin kibot Ji bi sukdu yo or nde tó yo, bere Yetu bi Pa ma nyim wé re.

Matius 19:14

Wo Yefun Yesus ki do, ”Nin misyar pa wokgan ma mo Ji sor, nin duyawa nde, we ye gato jammo Ji tepsu pa wokgan jammo bi ai, bere Yefun Allah jowa ye ne.”

Matius 25:34

Sugane Ji, gato Yekwesu mone bere Ji ki nai nje gato tak Ji de syim ge do, ’Nin ma, nin yé gato Ji bi Ai ben sukndo su. Nin ma nin nai suk gato Yefun Allah fro wa nin ne. Yefun fro nat wa nin si An gum yekwesu mone sino, An fro nat ne ndek kadit kam gato An ut bur ré re.

Matius 5:3

”Ye gato jam do, an yo nggi mo Yefun Allah bi de-i nde, sarewo an jom Yefun si bi sukdu-i tó yo, ye ne mit at wa, we Yefun Allah anato an bi Yekwesu gato mewa an.

Markus 10:14

Yefun Yesus me suk gato An bi pakon ben ne sa, An maskwa ket An bi pakon. An ki do, ”Nin misyar pa wokgan ma mo Ji sor, nin duyawa nde, we ye gato jammo Ji tepsu pa wokgan jammo bi ai, bere Yefun Allah jowa ye ne.

Markus 10:30

bere Yefun Allah win suk mwa gato an misyar ne mu kom mo wam wotin dik yo. Suk mwa gato an misyar sato: an bi nu e, an bi nji e, an bi nyanggon e, an bi im e, an bi pa e, an bi nggwe e ne, sugato an kem mo bur ré tó yo, ben sato Yefun Allah syo suk gado ne satu nai an mwa wai o re. Sarewo an ben Ji bi suk-i yo, bere an ku sukye mone dom. Or o su kam sari ne ma bere an kem ndo to kapyo mato kapyo.

Lukas 21:12

Sane suk mwa gane yo bor nde tó, bere yé but nin, bere yé ben sukye nai nin. Yé gwat nin deyo mu mo ye Yahudi bi nu ari dom, ete yé ndobot nin mone. Yé gwat nin deyo sok mo sel dom. Bere yé but nin, we nin onyar kem mo Ji, ete nin ben Ji bi suk-i. Bere yé gwat nin mu mo yepasye gato jowa bur ré, bere nin ti mo yeraja si gubernur gwem.

Lukas 22:29

Sane bere Ji bes nin gum yekwesu wa jowa nje. Ji bi Ai bes Ji gum Yekwesu wa jowa An bi rus-i, sane Ji waii bes nin gum yekwesu dom.

Lukas 6:20

Yefun Yesus sokwa An bi pakon, orete An ki do, ”Nin yé gato yewa suk, nin mit at wa, we Yefun Allah anato nin bi Yekwesu gato mewa nin.

Lukas 6:22

Nin yé gato simo Yetu bi Pa to Ji ré, bere yé bariket nin, yé misyar nin, yé kabor nin, yé kiket nin gum ibit mone yo, nin mit at wa.

Yohanes 15:20

Nin napawa Ji bi sukdu-i gato Ji ki nai nin ne do, ’Pakwerut yo sye wai kadit bi yenggras gato kon an nde.’ Ye deyo ben sukye nai Ji it yo, bere yé ne ben sukye nai nin dom. Ye deyo benbot Ji bi sukduno-i yo, bere ye ne benbot nin bi sukduno-i dom.

Suk Gato Yerasul Ben Ne 5:40

Sane yé kendo yerasul bok ne ma o, yé kwam án su bus, yé syaugat án ki subot Yefun Yesus gum o nde, orete yé sombok án wé.

Suk Gato Yerasul Ben Ne 8:1

Saulus gato ti mone, an nut do, ndo it, ye gu Stefanus kwop wé re. Kadit kam gane, yé ben sukye nai ye gato onyar kem mo Yefun Yesus gato kem mo Yerusalem. Sane yé mwa ne sino titi mu rut, deyo mu mo bur Yudea, deyo mu mo bur Samaria, wo yerasul sor ete kem mo Yerusalem.

2 Korintus 4:17

Sukye wokgan gato men ku su ré, su kam sari ne ma bere kak os wa gwat men mu kem mo pe gato gesyos gato ndo wai o re. Sane men kem mo bur ré yo, men nut do, sukye gato men ku ne, suk yo nde, we bere men kem gesyos mone tó.

Filipi 1:28

Ye gato duwer nin mo Yefun bi sukdu-i ne, nin yo nyuwa yé ne nde, mo sukwokgan dom nde. Nin nyuwa nde yo, bere yé ne jam do, sangge bere Yefun Allah bare án mo bot gesyos, wo nin sa, bere Yefun Allah ós nin kem ndo to kapyo mato kapyo.

2 Timotius 2:12

Kapre men ku sukye, men misyar Yefun nde, wo men simo An pe sor, sane yo, bere men si An tepsu yekwesu sino. Men do rewa An yo, bere An rewa men dom.

2 Timotius 3:11

Nan dakai me nje gu ji mó re, nan me sukye mwa gato ji ku ne. Nan jam sukdu subot sukye mwa gato ji ku mo kota Antiokhia e, kota Ikonium si kota Listra. Sane, nan jam subot sukye mwa gato ji ku mone. Ji ku sukye, sarewo ji yo misyar Yefun nde, wo ji simo Yefun pe sor. Yefun Allah ós ji kadit sukye mwa ne re.

Yakobus 1:12

Ye to ku sukye, ete an yo misyar Yefun Allah nde, wo an jom Yefun Allah bi sukdu-i ne krat sor, bere an mit at wa, we án jam do, sukye ne or kadit an yo, bere Yefun Allah syo suk gato ndo nai an mone, bere Yefun ós an kem ndo tepsu Yefun Allah tom su ye gato bi sukjimnut sye kas subot Yefun Allah ne.

Yakobus 5:11

Nin dakai jam do, ye gato ku sukye, ete an yo misyar Yefun nde, wo an jom Yefun bi sukdu ne krat yo, ye gato ben sane, men nut do, bere Yefun syo suk mwa gato ndo nai an. Men jam sukdu subot Ayub, tomgatu an ben suk sane mó re. Men jam do Ayub eswa sukye gato an ku ne or kadit an, an yo misyar Yefun Allah nde. Kom mo rut sa, Yefun Allah syo suk mwa nai an or re, we Yefun Allah dakai jimnotku men yetu, Yefun ben An bi suk-i ndo su men dakai yi petok sor.

1 Yohanes 3:12

Men ben suk tepsu Kain nde. Kain ne sok mo biris bi rus-i. An gu an dakai bi nji dowok kwop re. Suma ben anato Kain gu an bi nji dowok kwop ne? Kain bariket an bi nji dowok mo gato an bi nji dowok ne ben bi suk-i ndo, wo Kain ben bi suk-i ne ibit.

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.