Matius 4:9 - Abun Scripture

⁹ Ete biris bi yekwesu ki nai Yefun Yesus do, ”Nan tu Nan umsu, Nan bes ji gum kok it yo, bere ji syo suk mwa ré nai Nan.”

Matius 4:9 ပူးပေါင်းရင်းမြစ်များ

Matius 26:15

Yudas ki nai yé ne do, ”Nin syo suma nai ji subere ji fro os wa nin but Yesus ne?” Yekwesú mo Yefun Allah bi nu ne ki do, ”Men syo sugum perak det musyu gri nai nan.” Sane yekwesú ne newa sugum ne, ete án bi nai Yudas. {Sugum ne sye tepsu mbre toba syos dik.}

Matius 4:10

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Yohanes 12:31

Yefun Allah ndobot yetu mo bur ré sino anare it. Suk gato An ki ne kwop mone it, ye yo sis o nde. Yekwesu gato jom yetu mo bur ré, Ji is an wé it anare.

Yohanes 13:3

Yefun Yesus jam do, An bi Ai syo suk mwa ne sino nai An wa An jom. Sane dom, Yefun Yesus jam do, An ma kadit Yefun Allah, ete bere An satu mu mo Yefun Allah o.

Yohanes 14:30

Ji yo ki suk mwa su nin o nde, we biris bi yekwesu gato jom bur ré ma it anare. Sarewo biris bi yekwesu yo nggiwa jom Ji nde,

Yohanes 16:11

Bere Yefun Allah Gen kak yé bi sukjimnut subere án jam do, Yefun Allah syo sukye nai nje sino gato ben sukibit wai mo An mit, we Yefun Allah syo sukye nai biris bi yekwesu gato jom bur ré it anare.

2 Korintus 4:4

Yé gato jam nde Yefun yo, bere án yo but sukdu ne ri nde, we biris bi yekwesu gato bes nggwa kok ete werwa jom yetu mo bur ré ne rai yé ne bi sukjimnut-i ne krat mo ndendu bi suk-i re. Sukdu subot os ndo gato Yesus Kristus kak wa men yetu ne bi suktinggi bor mo bur ré tepsu sukru sye wa men, Kristus kadum Yefun Allah rer wa men jam, sarewo biris bi yekwesu ben suk yawa yé gato jam nde Yefun ne anato yé ne yo jambot sukdu ne nde.

1 Timotius 3:6

An ye gato onyar kem mo Yefun Yesus sim yo, men bes an gum yekwesu mo nu ari nde, sawe an mit at ndo nde, orete Yefun syo sukye nai an, tepsu Yefun bere syo sukye nai biris bi yekwesu.

Wahyu 19:10

Ji jam sukdu ne sa, ji bare ji nggwa mo malaikat gwem wa ji bes malaikat ne gum kok, sarewo malaikat ki nai ji do, ”Nan bes ji gum kok nde. Ji si nan tepsu yu, men ka we Yefun Allah bi pakwerut sino. Men ka we si nan bi nji mo Yefun bi rus-i, gato jom Yefun Yesus bi sukdu-i ne pe, men sino tepsu Yefun Allah bi pakwerut. Sane nan bes ji gum kok nde, wo nan bes Yefun Allah gum kok sor re.” We sare, ye gato jom Yefun Yesus bi sukdu-i ne bere Yefun syo suktinggi nai ye ne, subere ye ne nggiwa kibot Yefun Allah bi suktaru-i rer nai ye yi jam.

Wahyu 19:16

Mo An bi san gato kewa An gwes muk ne, ye krom An gum sare do, ”Yeraja ré gum kok wai kadit yeraja mwa neya o re. Yekwesu ré gum kok wai o kadit yekwesu mwa neya o re.”