Matius 4:8 - Abun Scripture

⁸ Or o biris bi yekwesu ne gwat Yefun Yesus mu mo banbo gato kok wai, ete an kadum pe mwa gato ndo mo bur ré nai Yefun me o re.

Matius 4:8 ပူးပေါင်းရင်းမြစ်များ

Matius 16:26

Nin ben suk ket nin mit-i subere nin ku suk mwa mo bur ré, ete nin ges mo os ibit mone, suk mwa gato nin ku ne sato sugum e, san e, nu e ne te, bere ós nin gum sok mo Yefun Allah bi rus-i sa u ne? Yo os nin nde. Bere suk mwa gato nin ku ne, nin syo nai Yefun Allah, ete bere An nai nin gum sok mo An bi rus-i bado? Mo nde, {wo nin sibot os gato Ji kak ne sor.}

Matius 4:5

Orete biris bi yekwesu ne gwat Yefun Yesus mu mo kota gato Yefun Allah fro dor wa An dakai. Kota ne gum do Yerusalem. Biris bi yekwesu ne grem Yefun Yesus ti kok mo Yefun Allah bi nu yu,

Yohanes 5:20

We Ji bi Ai bi sukjimnut sye kas subot Ji, gato An bi Gan. An kadum suk mwa ne sino gato An dakai ben ne nai Ji. Bere An kadum suk gato sye wai nai Ji o re, subere nin yeket.

1 Petrus 1:24

Men yetu da kridek, wo Yefun Allah bi sukdu kem gesyos tepsu sukdu gato ye krom mo Yefun Allah bi sukdu ne ki sare do, ”Yetu mwa ne sino mo bur ré tepsu es gato kom mo bur, sarewo es ne bergan te re. Suk mwa gato yetu ben gato ndo yé anato tepsu es u gato ndo yé, sarewo bergan es ne te re, ete es u ne ges or re,

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”