Matius 4:7 - Abun Scripture

⁷ Yefun Yesus ki do, ”Mo Yefun Allah bi sukdu, ye krom o do, ’Men werwa men bi Yekwesu Yefun Allah kadum An bi suktinggi daret nde.’ ”

Matius 4:7 ပူးပေါင်းရင်းမြစ်များ

Matius 21:16

Sane án ndo mo Yefun Yesus do, ”Nan jam suk gato pa saiye ne, bado?” Yefun Yesus ki do, ”Ji jam re. Nin jam Yefun Allah bi sukdu gato duwe do, ’Yefun Allah, Nan anato duno pa wokgan si pabom wa un Ji ndo wai o re.’ Nin baca sukdu ré mó bado, nde tó e?”

Matius 21:42

Sane Yefun Yesus ki nai yekwesú si yepasye ne do, ”Nin baca sukdu kwa ré mo Yefun Allah bi sukdu mó bado, nde tó e? Sukdu ré ki do, ’Jok gato yé nggo nu su ne, su ketke yé bariwa, án nut do ibit re, ri ma sa, yé nai jok ne tepsu jok gato ndo wai wa yé nggo nu ne su o re. Yefun Allah anato fro jok ne. Men me, ete men nut do, suk gato Yefun ben ne ndo wai o re.’ ”

Matius 4:10

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Matius 4:4

Sarewo Yefun Yesus ki do, ”Mo Yefun Allah bi sukdu, ye krom do: Men yetu git sugit sor, bere men yo kem ndo nde, wo men grem Yefun Allah bi sukdu mwa ne sino kem pe mo men mit, sane sa, bere men kem ndo.”

Lukas 4:12

Sane Yefun Yesus ki nai biris bi yekwesu do, ”Mo Yefun Allah bi sukdu, ye krom o do, ’Men werwa men bi Yekwesu Yefun Allah kadum An bi suktinggi daret nde.’ ”

Suk Gato Yerasul Ben Ne 15:10

Yefun Allah kadum do, An iwa yewis yi ne it, An yo syogat yewis yi ben suk yo o nde, wo Yefun nai yewis yi sok mo An bi rus-i it. Sane men duwer Yefun Allah mone, bere siri re. Men syogat yewis yi ben suk yo o tepsu Musa bi sukduno wa suma ne? Ben sa u anato men iwa ben sukye nai yewis yi sane ne? Men ye Yahudi si men bi amui yo nggiwa benbot Musa bi sukduno-i nde. Sane men wergat yewis yi benbot Musa bi sukduno-i wa suma ne?

Suk Gato Yerasul Ben Ne 5:9

Petrus ki nai mom do, ”Ben sa u anato nin ka we tom yu wa kidar Yefun Allah Gen ne? Nin ka we nut do, bere nin ka we yo ku sukye nde, bado? Nan jam yemsok ga ma ré. Yemsok ne sam nan bi ya mukri mu bi mo makwe re. Yemsok ne ma wa sam nan mukri-i mu bi mo makwe ne dom.”

1 Korintus 10:9

Suk gato men bi Yekwesu Yefun Yesus duyawa men ben ne, men ben nde, we tomga nyim ne án deyo ben suk gato Yefun duyawa ne, orete kwis gu ye gane kwop or.

Ibrani 3:9

Yefun Allah ki do, ’Nin bi amui da me sukndo mwa gato Ji ben kom mo tahun musyu at su án mo pe ne mó re, sarewo án bariket Ji ket kwayo-kwayo sane sor bergan Ji yo jimnotku án o nde.’