Matius 4:4 - Abun Scripture

⁴ Sarewo Yefun Yesus ki do, ”Mo Yefun Allah bi sukdu, ye krom do: Men yetu git sugit sor, bere men yo kem ndo nde, wo men grem Yefun Allah bi sukdu mwa ne sino kem pe mo men mit, sane sa, bere men kem ndo.”

Matius 4:4 ပူးပေါင်းရင်းမြစ်များ

Matius 15:11

Yefun Allah yo bariket men mo sugit gato men git ete ngga mo men syokwet ne nde, wo suk gato syesyar kadit men syokwet anato bere ben Yefun Allah bariket men mone.”

Matius 4:10

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Matius 4:7

Yefun Yesus ki do, ”Mo Yefun Allah bi sukdu, ye krom o do, ’Men werwa men bi Yekwesu Yefun Allah kadum An bi suktinggi daret nde.’ ”

Markus 7:20

Orete Yefun Yesus ki o do, ”Yefun Allah bariket men yetu mo suk gato ma kadit men mit si men onyar,

Lukas 4:12

Sane Yefun Yesus ki nai biris bi yekwesu do, ”Mo Yefun Allah bi sukdu, ye krom o do, ’Men werwa men bi Yekwesu Yefun Allah kadum An bi suktinggi daret nde.’ ”

Lukas 4:4

Sane Yefun Yesus ki nai biris bi yekwesu ne do, ”Mo Yefun Allah bi sukdu, ye krom do, ’Men yetu git sugit sor, bere men yo kem ndo nde.’ ”

Lukas 4:8

Sane Yefun Yesus ki nai an do, ”Ye krom mo Yefun Allah bi sukdu do, ’Men bes men bi Yekwesu Yefun Allah ne gum kok et, men ben An bi suk-i sor re.’ ”

Yohanes 15:26

Bere Ji bi Yefun Allah Gen gato ós nin muket os ndo ne ma kadit Ji bi Ai {Yefun Allah}. Bere Yefun Allah Gen bok nggwa mo nin. Bere Yefun Allah Gen duno nin su sukduno gato sangge subot Yefun Allah sor, kwa gato An kidar yo mo nde. Sane Yefun Allah Gen do ma kadit Ji bi Ai it yo, bere An ki rer subot Ji nai nin jam dom.

Yohanes 6:63

Yefun Allah Gen anato ben yetu mbau. Men yetu dakai sor yo nggiwa men ben men mbau nde. Sukdu gato Ji ki nai nin ne anato sukdu gato ma kadit Yefun Allah Gen. Sane sukdu ne anato ben nin mbau.

Roma 15:4

Sukdu mwa gato ye krom mo Yefun Allah bi sukdu ne sino suga nyim tuya, ye krom wa duno men su. Men jom sukduno gato ós men ti nggi mo Yefun bi suk-i ne krat sa, bere ben men kwabom kam mo Yefun Allah sor.

Efesus 6:17

Sane o, men jom sukdu subot os ndo gato Yefun Yesus kak wa men kem gesyos ne krat sor, tepsu men bom topi krat gato kewa men su anane. Men jom Yefun Allah bi sukdu-i, tepsu men jom nyom ot de we anane.