Matius 4:3 - Abun Scripture

³ Sugane biris bi yekwesu ne ma ku Yefun Yesus, ete ki nai do, ”Nan tepsu Yefun Allah bi Gan sangge it yo, Nan syogat jok mwa ré tepsu roti wa Nan git et.”

Matius 4:3 ပူးပေါင်းရင်းမြစ်များ

Matius 14:33

Sane Yefun Yesus bi pakon mo kwem ne un Yefun Yesus, án ki do, ”Sangge, Nan anato Yefun Allah bi Gan.”

Matius 16:16

Simon Petrus ki do, ”Nan anato Yekwesu gato Yefun Allah bes gum Kristus, gato Yefun Allah syogat ma mo bur ré wa nai men yetu kadit sukye ete jowa men. Nan anato Yefun Allah gato gesyos ne bi Gan.”

Matius 26:63

Sarewo Yefun Yesus not sor. Yekwesu ne ki nai Yefun Yesus o do, ”Ji syogat Nan ki suk gato sangge tepsu Nan ki mo Yefun Allah gato gesyos ne gwem. Nan ki rer nai men jam et, Nan anato Yekwesu gato Yefun Allah syogat ma mo bur ré wa nai men yetu kadit sukye ete jowa men, bado? Te nan anato Yefun Allah bi Gan ne bado?”

Matius 3:17

Orete yé mwa ne jam Yefun Allah ki sukdu kadit gu nim ne sare do, ”Ji dakai bi Gan anare. Ji bi sukjimnut sye kas subot An. Ji mit iwa An ndo nde.”

Markus 1:1

Mo buku ré, ji krom sukdu subot os ndo gato Yesus Kristus kak wa men yetu ne. Yesus Kristus, gato Yefun Allah bi Gan, anato kak os subere Yefun Allah nai men gum sok mo An bi rus-i. {Su ketke, Yesus Kristus yo ma mo bur ré nde tó, Yefun Allah fro yetu ge dik yo ma nyim.}

Markus 3:11

Wo ye gato semda ben ne me Yefun Yesus it yo, án nyuwa, án bare án nggwa mo Yefun Yesus gwem, ete semda ne saiye do, ”Nan anato Yefun Allah bi Gan!”

Markus 5:7

ete an saiye nggi do, ”Yesus, Yefun Allah gato gum kok sye wai ne bi Gan, Nan ma ku ji wa suma ne? Nan tom su ji, Nan syo syim ete Nan ki Yefun Allah gum su do, Nan yo ben sukye nai ji nde.” (

Lukas 1:35

Malaikat ne ki do, ”Bere Yefun Allah Gen ma mo nan. Bere Yefun Allah Gen bi suktinggi ben nan, subere nan ku Pa. Bere nan ku Pa gato yé kendo do Yefun Allah bi Gan. Pa ne Yefun Allah fro dor wa ben Yefun bi suk-i sor re.

Lukas 22:70

Sane yepasye bok ne sino ndo mo Yefun Yesus do, ”Sane te, nan anato Yefun Allah bi Gan ne bado?” Yefun Yesus ki do, ”Sukdu gato nin ki ne sangge.”

Lukas 4:3

Biris bi yekwesu ki nai Yefun Yesus do, ”Nan tepsu Yefun Allah bi Gan sangge it yo, Nan syogat jok ré tepsu roti wa Nan git et.”

Lukas 4:41

Yé mwa gato semda ben ne dom, semda gane titi wé kadit yé mwa ne. Semda ne titi wé saresa, semda saiye do, ”Nan anato Yefun Allah bi Gan.” Sarewo Yefun Yesus ndantom semda ne. Yefun Yesus duyawa semda ne do, ”Nin du o nde,” we semda ne jam do, Yefun Yesus anato Yekwesu gato Yefun Allah syogat ma mo bur ré wa nai men yetu kadit sukye ete jowa men.

Lukas 4:9

Orete biris bi yekwesu gwat Yefun Yesus mu mo Yerusalem, orge an grem Yefun Yesus ti kok mo Yefun Allah bi nu yu. An we ti mone sa, biris bi yekwesu ki nai Yefun Yesus do, ”Nan anato tepsu Yefun Allah bi Gan, sangge it yo, Nan bare Nan nggwa kadit ré mu bur et,

Yohanes 1:34

Ji dakai me suk ne bor su ji gro mó re. Sane ji ki rer wa yé mwa ne sino jam do, Ye ne anato Yefun Allah bi Gan.”

Yohanes 1:49

Natanael ki do, ”Yeguru, Nan anato Yefun Allah bi Gan, sangge, Nan anato ye Israel bi Yekwesu.”

Yohanes 20:31

Sarewo ji krom suk bok gare subere nin jam do, sangge, Yefun Yesus anato Ye gato Yefun Allah syogat ma mo bur ré wa kak os ndo wa men yetu ete jom men, subere nin jam do, sangge, Yefun Yesus anato Yefun Allah bi Gan. Sane dom, ji krom sukdu bok gare subere nin jam do, nin nai sukjimnut dik do, nin onyar kem mo An it yo, bere nin kem ndo to kapyo mato kapyo it anane.

Yohanes 9:35

Yefun Yesus jam do ye Farisi syun pa ne mu mo nden wé kadit ye Yahudi bi nu ari sa, Yefun Yesus mu ku pa ne. Yefun Yesus ku pa ne sa, Yefun Yesus ki do, ”Te nan onyar kem mo Yetu bi Pa it bado?”

Suk Gato Yerasul Ben Ne 9:20

Sugane Saulus faiya mo ye Yahudi bi nu ari bok yo mone. An ki bi sukdu-i sare do, ”Yefun Yesus anato Yefun Allah bi Gan.”

2 Korintus 1:19

Ji ki ji bi sukdu-i ri-roi, we Yefun Allah bi Gan, Yesus Kristus ki bi sukdu-i ri-roi dom. Ji si Silas si Timotius, men ka gri anato ki sukdu subot Kristus nai nin jam. Kristus ki An bi sukdu-i do, ”Sangge,” orete bergan An ki do, ”Nde re,” sane mo nde. Yesus Kristus ben An bi suk-i su sukjimnut we nde, wo An ki do, ”Sangge,” petok sor.

Galatia 2:20

Ben sato ji si Yesus Kristus kwop sino mo kwesukwin it. Sane ji dakai anato kem ré nde, wo Yesus Kristus anato kem mo ji mit. Ji onyar kem mo Yefun Allah bi Gan gato bi sukjimnut sye kas subot ji ete bi An nggwa kwop wa ji anato ji nggiwa ji kem mo bur ré re.

1 Tesalonika 3:5

Sane ji jimnotbot nin ndo nde anato ji syogat Timotius ba ku nin mone. Ji syogat an ba ku nin subere an jam kret nin do, nin onyar kem mo Yesus Kristus tó bado nde e? Ji nokwa sawe biris bi yekwesu meret os wa nin sawe ben nin ges mo os ibit re. Sane bere suk mwa gato men ben su nin yo ós nin o nde.

Ibrani 12:16

Nin mewa yu subere nin ge dik yo ben siri su nggon daret nde. Nin mewa yu subere nin deyo misyar Yefun bi suk-i sato Esau ben ne nde. Esau yo nutbot Yefun Allah nde anato Esau so sugit mbem dik su an bi sukrok gato bere an ku tepsu pa ketke ne.

Ibrani 4:14

Men bi Yekwesu gato gum kok wai mo Yefun Allah bi nu, An sa, mu kom mo Yefun Allah dakai gwem mo gu, An ki suk wa men mone. Men bi yegweswai ne gum do, Yesus, Yefun Allah bi Gan. Men ki do, men onyar kem mo An, sane men jom An bi sukdu-i gato men onyar kem mone krat et.

1 Yohanes 3:8

Sarewo ye gato ben sukibit bu anato sok mo biris bi yekwesu bi rus-i, we biris bi yekwesu ben sukibit sane kadit ketke ne it. Sane anato Yefun Allah bi Gan ma mo bur ré subere An ben biris bi yekwesu bi os-i ibit or kai.

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.