Matius 4:22 - Abun Scripture

²² Sugane it, an we is kadit an we bi kwem, an we mu kadit an we bi ai, ete an we si Yefun Yesus mu sino.

Matius 4:22 ပူးပေါင်းရင်းမြစ်များ

Matius 10:37

Ye to bi sukjimnut sye mo bi ai si bi im wai kadit Ji it yo, Ji bariwa ye ne simo Ji tepsu Ji bi pakon re. Sane dom, ye to bi sukjimnut sye mo bi pa yebris si bi pa donggon ne wai kadit Ji it yo, Ji bariwa ye ne simo Ji tepsu Ji bi pakon re.

Matius 4:21

Yefun Yesus mu kadit pe ne, orete An me yetu ge we yo o. An we yedik. An we ne gum do Yakobus si Yohanes. An we ne bi ai gum do Zebedeus. An we si bi ai fro bi mwi mo kwem mit. Yefun Yesus ma sa, Yefun kendo an we ma simo Yefun.

Matius 4:23

Yefun Yesus mubot bur Galilea. Yefun duno nje mo ye Yahudi bi nu ari mo kampung bok yo mone. Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Sane dom, Yefun Yesus ben nje gato i ne ge kadit suki wisyo-wisyo.

Markus 1:20

Yefun Yesus do me an we mo kwem sa, Yefun Yesus kendo an we ma simo An it anane. Sane an we misyar an we bi ai si ye gato ós an mo kwem si suk mwa ne, ete an we simo Yefun Yesus mu sino.

Lukas 14:26

”Ye to iwa simo Ji, sarewo ye ne bi sukjimnut sye mo bi ai si bi im wai kadit Ji it yo, Ji bariwa ye ne simo Ji tepsu Ji bi pakon re. Ye to bi sukjimnut sye mo bi nggon, si bi pa wai kadit Ji it yo, Ji bariwa ye ne simo Ji tepsu Ji bi pakon re. Ye to iwa simo Ji, sarewo ye ne bi sukjimnut sye mo bi nji si bi nyanggon it yo, Ji bariwa ye ne simo Ji tepsu Ji bi pakon re. Ye to jimnotku an nggwa wai kadit Ji it yo, Ji bariwa ye ne simo Ji tepsu Ji bi pakon re.

Lukas 14:33

Orge Yefun Yesus ki do, ”Sane dom, ye gato simo Ji nutbot sisu ndo et, we ye gato yo misyar an bi suk-i or wé nde yo, Ji bariwa ye ne tepsu Ji bi pakon.”

Lukas 5:11

Sane Simon si bi yesyim tik kwem we ne mo nden or, án misyar án bi suk mwa ne kem, orete án si Yefun Yesus mu sino.

2 Korintus 5:16

Sane men nut subot yetu su yetu bi sukjimnut-i ne o nde. Tomgato nyim neya men da nutbot Kristus tepsu yetu nutbot An do, An yetu sor re, wo su ré men nutbot An su yetu dakai bi sukjimnut-i ne o nde.