Matius 4:10 - Abun Scripture

¹⁰ Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Matius 4:10 ပူးပေါင်းရင်းမြစ်များ

Matius 16:23

Yefun Yesus brek ete ki nai Petrus do, ”Nan ki sukdu yawa os wa Ji nde, biris bi yekwesu bi sukjimnut-i kone! Nan bi sukjimnut-i ne ben sukye wa os wa Ji. Nan gwat sukjimnut ne mu ko kadit Ji se! Nan bi sukjimnut-i yo ma kadit Yefun Allah nde, wo nan bi sukjimnut-i ma kadit yetu sor re.”

Markus 1:13

Kam musyu at rek Yefun Yesus kem mone. Biris bi yekwesu ma mone meret os wa Yefun Yesus subere Yefun Yesus ben suk siri kadit Yefun Allah bi os-i mone. Sarewo Yefun Yesus yo ges mo os ibit ne mo nde. Mo pe gato Yefun Allah Gen syogat Yefun Yesus mu mone, suge krok kem mo pe ne, ete malaikat deyo ma mewa Yefun Yesus.

Lukas 10:18

Yefun Yesus ki do, ”Ji jam re. Ji me biris bi yekwesu ges kadit gu tepsu nowarek re. {Semda sok mo biris bi yekwesu bi rus-i, sane semda jammo nin anato yekwesu ne ges kadit gu re.}

Lukas 11:18

Sane dom, mo biris bi yekwesu bi rus-i, semda e, aboksye e, yerom e ne maskwa ket yu, ete duwer yu yo, bere biris bi yekwesu si an bi rus-i yo kem ndo su yu o nde, wo bere án sino ibit mo koirut or re. Sane nin ki do, Beelzebul gen pet mo Ji anato Ji nggiwa syun semda wé kadit nje wa suma ne? Nin ki do, Beelzebul gato biris bi yekwesu ne anato syo suktinggi nai Ji wa suma ne? Biris bi yekwesu ne yo syo suktinggi nai Ji wa ben an bi rus-i ibit yo mo nde.

Lukas 13:16

Nggon ré, Abraham bi dat, yenggwak ben mom i sor kom mo tahun musyu dik sop munggwo. Ndo sa, Ji sombok mom wé kadit yenggwak gato rai mom su kam sye ré.”

Lukas 22:3

Orge biris bi yekwesu bok nggwa mo Yudas, gato yé kendo do Iskariot. Yudas sok mo Yefun Yesus bi pakon musyu dik sop we ne. Biris bi yekwesu ne bok nggwa mo Yudas,

Lukas 22:31

Yefun Yesus ki do, ”Simon, Simon, nan jammo Ji bi sukdu ré et! Biris bi yekwesu ndek mo Yefun Allah do, an ben sukye nai nin sino, tepsu ye tut fas gro.

Lukas 4:8

Sane Yefun Yesus ki nai an do, ”Ye krom mo Yefun Allah bi sukdu do, ’Men bes men bi Yekwesu Yefun Allah ne gum kok et, men ben An bi suk-i sor re.’ ”

Yohanes 13:27

Yudas nai roti ne, sugane it biris bi yekwesu bok nggwa mo Yudas re. Orete Yefun Yesus ki nai Yudas do, ”Nan ben nan bi suk-i kekro et.”

Suk Gato Yerasul Ben Ne 26:18

subere nan ki sukdu subot Ji kak án bi sukjimnut, subere án kwet kadit ndendu bi os-i ete brek ma simo os gato ndo ne sor. Ji syogat nan mu mo án, subere án misyar yerom e, aboksye e ne bi suktinggi-i ete brek ma jammo Yefun Allah bi suktinggi-i. Án onyar kem mo Ji, sane bere Yefun Allah ki do, sukibit gato án ben ne or kadit án, Yefun Allah yo nutbot o nde. Sane dom, án gum sok mo Yefun Allah bi rus-i.’ ”

Suk Gato Yerasul Ben Ne 5:3

Orge Petrus ki do, ”Ananias, ben sa u anato biris bi yekwesu bok nggwa mo nan, ete nan kidar Yefun Allah Gen sare ne? Nan ki do, sugum gato nan ku kadit nan bi bur det gato nan so anare, ondewo, nan dakai grem sugum napyo wa nan dakai. Nan kidar Yefun Allah Gen ko ré go!

1 Korintus 5:5

nin syo pa ne mo biris bi yekwesu syim-i, subere biris bi yekwesu ne ben sukye nai pa da kridek, sane sor pa ne yo ndo o nde. Men ben sane subere sukjimnut gato tik pa mit wa pa ben sukibit yo jom pa o nde. Sane kam gato Yefun Yesus satu ma mo bur ré yo, bere pa ne da gesyos yo ges mo bot gesyos nde, wo bere pa ne kem ndo to kapyo mato kapyo mo Yefun Allah bi nat-i.

1 Korintus 7:5

Sane men eswa nggwa kadit yu nde. Wo men si men bi nggon do iwa ki suk su Yefun subot suk yo gato men mit mone it yo, men bi nggwa nai yu nde sor kam bok yo, subere men si men bi nggon ki suk su Yefun Allah gat sor. Men bi nggwa nai yu nde sor kom mo kam gato men tom su yu ne or wé yo, men si men bi nggon sem su yu satu o, sawe biris bi yekwesu ku os wa ben kidar men ben siri su nggon yi. Men si men bi nggon sem su yu satu, we men yo nggiwa men mewa men nggwa sisu ndo mo suk ne nde tó.

2 Korintus 11:14

Men yeket suk gato án ben ne nde, we biris bi yekwesu dakai ben nggwa tepsu Yefun Allah bi malaikat gato ben Yefun bi suk-i ri-roi ne re.

2 Korintus 12:7

Sarewo ji ku sukye mo ji kaim tepsu jak gato wai ji ete ngga mo ji ku ne it, subere ji yo bes ji nggwa kok teker mo suk mwa gato ndo wai gato Yefun Allah kadum rer nai ji ne nde. Sukye gato ji ku ne tepsu biris bi yekwesu bi kwesukwam gato an kwam ji su ne, subere ji mit at teker eta nde.

2 Korintus 2:11

Ji ós nin sare do, ji yo nutbot sukibit ne o nde, subere biris bi yekwesu yo ku os wa ben kidar men nde, we men jam an bi os-i ware.

Yakobus 4:7

Sane nin jammo Yefun Allah et. Nin mise wa nin syun biris bi yekwesu wé kadit nin. Nin do ben sane it yo, bere biris bi yekwesu nyu ete titi wé kadit nin re.

1 Petrus 5:9

Sane dom, nin gato onyar kem pe mo Kristus ne, nin mise wa biris bi yekwesu ne, nin syun biris bi yekwesu wé kadit nin, subere sukye gato biris bi yekwesu mitiwa ben nai nin ne yo kas nde. Nin ben sane, we nin jam do, yé mwa ne sino gato si nin onyar kem mo Yefun Yesus mo bur ré iwedewe ku sukye sagato nin ku ne dom.