Matius 3:7 - Abun Scripture

⁷ Ye Farisi si ye Saduki mwa ma mo Yohanes wa Yohanes ras án mo syur, sarewo Yohanes me án ma sa, Yohanes ki do, ”Nin yé gato kidar suk nggi, nin tepsu kwis jan, nin nut do, nin ma wa ji ras nin mo syur, bere ós nin titi fro kadit Yefun Allah bi sukmaskwa mo sukibit gato nin ben ne bado? Sane nde, nin kwet kadit sukibit gato nin ben ne dom et.

Matius 3:7 ပူးပေါင်းရင်းမြစ်များ

Matius 12:24

Sarewo ye Farisi jam sukdu gato yé mwa ki ne sa, ye Farisi ki do, ”Beelzebul gen pet mo Ye ré anato An nggiwa syun semda wé kadit nje. Beelzebul gato biris bi yekwesu ne anato syo suktinggi nai An.”

Matius 12:34

Nin anato kidar suk tepsu kwis jan, nin mit si nin onyar ibit, sane bere nin ki suk gato ndo sa u ne? Suk gato men ki ne bere syesyar kadit men mit si men onyar fe!

Matius 15:12

Orete Yefun Yesus bi pakon ma ki nai An do, ”Nan jam do, ye Farisi maskwa mo suk gato Nan ki ne bado?”

Matius 16:1

Ye Farisi si ye Saduki ge bok yo ma ku Yefun Yesus. Án werwa meret os wa Yefun Yesus, sane án ki nai Yefun Yesus do, ”Nan ben suk yo gato ben men yeket et, subere Nan kadum Yefun Allah bi suktinggi ne bor wa men me et.”

Matius 16:6

Yefun Yesus ki nai bi pakon do, ”Nin mewa nin nggwa kadit ye Farisi si ye Saduki bi bibit roti.”

Matius 22:15

Ye Farisi bok yo gato sum mone mu ete fro sukdu wa án ndobot Yefun Yesus subere án meret os wa Yefun Yesus mo suk gato Yefun ki ne.

Matius 22:23

Su kam ne dom, ye Saduki ge bok yo ma ku Yefun Yesus. Ye Saduki bi sukduno-i kwa yo do, ye gato kwop bere yo sun o nde. Ye Saduki ré ma ndo mo Yefun Yesus do,

Matius 22:34

Ye Farisi jam do, Yefun Yesus ki bi sukdu gato ben ye Saduki not sa, án sum, orete án mu ku Yefun Yesus.

Matius 23:33

Nin ben nin bi suk-i ibit, nin tepsu kwis! Nin si nin bi amui sino ben sukibit tepsu yu. Bere je u anato nai nin kadit sukye gato bere nin ku mo bot gesyos ne?

Matius 5:20

Sane Ji ki sare do, nin yo ben suk gato ndo tepsu Yefun mit mwa wai kadit ye Farisi si yeguru agama nde yo, bere nin yo ku os wa nin gum sok mo Yefun Allah bi rus-i nde.”

Markus 12:13

Bergan yo o, yekwesú mo Yefun Allah bi nu si ye Yahudi bi padosye, án syogat ye Farisi ge bok yo si ye gato simo Herodes ge bok yo ma meret os wa Yefun Yesus mo suk gato Yefun Yesus ki ne.

Markus 12:18

Orge ye Saduki ge bok yo ma ku Yefun Yesus. Ye Saduki bi sukduno-i kwa yo do, ye gato kwop bere yo sun o nde. Ye Saduki ré ma ndo mo Yefun Yesus do,

Markus 8:15

Yefun Yesus ki nai An bi pakon do, ”Nin mewa nin nggwa kadit ye Farisi si Herodes bi bibit roti.”

Lukas 16:14

Ye Farisi jam sukdu gato Yefun Yesus ki ne sa, án sa Yefun Yesus, we ye Farisi ne gro sye wa sugum teker.

Lukas 18:11

Ye Farisi ti mone, an ki suk su Yefun Allah, sarewo an ki subot an dakai sare do, ’Ndo mo Yefun Allah, Nan, we ji yo ben sukibit sato ye yi nde. Ji yo gro sye wa suk nde, ji yo syimsi suk nde, ji yo kidar suk nde, ji yo ben siri su nggon yo mo nde. Yé mwa ne ben suk sane, wo ji yo ben suk sane nde. Ji ki ndo mo Yefun Allah, Nan, we ji ré yo ben sukibit tepsu ye gato nai sugum kadit nje wa pemerintah gato ti reya nde.

Lukas 7:30

Sarewo ye Farisi si yeguru agama sino bariwa Yefun Allah bi os-i, án bariwa án jammo Yefun Allah bi sukdu, anato án bariwa Yohanes ras án mo syur.

Yohanes 1:24

Yé gato ye Farisi syogat ma wa ndo mo Yohanes ne,

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

Yohanes 9:40

Ye Farisi ge bok yo mone jam Yefun Yesus ki sukdu ne sa, án ndo mo Yefun Yesus do, ”Nan bi sukjimnut sa u ne? Nan nut do men gro ndu dom e?”

Suk Gato Yerasul Ben Ne 15:5

Sarewo mone ye Farisi ge bok yo gato onyar kem mo Yefun Yesus, án ti, án ki do, ”Yewis yi gato onyar kem mo Yefun Yesus ne, men syogat ye bisunat án sor. Men kiwa án benbot Musa bi sukduno-i mwa ne sino sor.”

Suk Gato Yerasul Ben Ne 20:31

Sane nin mewa nin nggwa kadit sukye gato bere ma ne. Nin napawa suk mwa gato ji duno nin su ne. Ji wo, ji duno nin noru nombrak petok sor kom mo tahun gri it. Sane nin jom sukdu ne petok, nin mewa ye gato onyar kem mo Yefun Yesus sor.

Suk Gato Yerasul Ben Ne 26:5

Nam it, án jam ji. Nan ndobot án, án imo yo, bere án ki rer do, ji anato sok mo ye Farisi. Men ye Farisi anato ye Yahudi bi yetu ge bu dik yo gato simo Musa bi sukduno sisu men mit dik si men onyar dik, men brek kadit wokgan yo dom nde. Men jom sukduno ne krat wai kadit yé bu yi neya.

Suk Gato Yerasul Ben Ne 5:17

Yekwesu gato gum kok wai mo Yefun Allah bi nu si yetu ge bok yo gato simo an, gato sok mo ye Saduki bi nje, án sino maskwa ket yerasul, we yé mwa misyar án si án bi sukduno-i, wo yé mwa ne mit iwa yerasul si bi sukduno-i.

Roma 1:18

Yefun Allah mo gu bi sukmaskwa ne men me bor mo bur ré it. Yefun Allah maskwa men yetu mo suksiri si sukibit mwa gato men ben ne. Men yetu bi sukibit mwa ne ben sato kewa mit wa Yefun Allah bi sukdu gato sangge sane sor ye yo jam o nde, anato ye ku sukye mo Yefun bi sukmaskwa it anare.

Roma 5:9

Yesus Kristus dé sye, An kwop win men anato An kak os wa Yefun Allah ki do, men yo ku sukye mo sukibit gato men ben ne o nde, wo Yefun nai men gum sok mo An bi rus-i it. Sane it yo, bere Kristus nai men wé kadit Yefun Allah bi sukmaskwa ne dom. Yesus Kristus ku sukmaskwa ne win men it.

1 Tesalonika 1:10

Yé mwa ne nuk o do, nin eswa Yefun Allah bi Gan, Yesus Kristus, satu ma mo bur ré kadit gu. Yesus Kristus ne, Yefun Allah sun An kadit sukkwop re. Yefun Yesus ne nai men wé kadit sukmaskwa gato bere ma kadit Yefun Allah mo sukibit gato men yetu ben ne.

Ibrani 11:7

Yenggras Nowak onyar kem mo suk gato Yefun Allah ki ne, sane anato Yefun Allah ki subot suk gato bere Yefun ben bor mo bur ré nai Nowak jam nyim wé re. Kapre Nowak yo me suk gato bere Yefun ben ne su an gro nde tó, Nowak onyar kem mo Yefun Allah. Nowak jammo suk gato Yefun ki ne, ete Nowak tem kapal sye. Ri ma an si an bi rus-i it mo kapal mit kadit syur syé. Sane Yefun Allah syo sukye nai nje mo bur ré su syur syé. Syur syé gu nje kwop or, sarewo Nowak si bi rus-i kem ndo kadit syur ne. Nowak onyar kem mo suk gato Yefun ki ne, anato Yefun Allah nutbot do, Nowak sa, an tep wa Yefun nai an sok mo Yefun bi rus-i sor.

Ibrani 6:18

Yefun Allah yo kidar subot suk gato An tom su men ne nde. Yefun tom suk su men, or o Yefun syo An syim su sukdu ne dom. Yefun ben suk we ne, anato men jam do, suk gato An tom ne kwop mone it. Sane anato men yé gato brek kadit sukdu yi neya ete kas ma jom suk gato Yefun tom ne, men yo mit we subot sukdu ne nde, wo men mit at wa sukdu ne wai o re.

1 Yohanes 3:10

Sane men jam Yefun Allah bi rus-i tara kadit biris bi yekwesu bi rus-i sato ré do, ye to bariwa ben suk tepsu Yefun Allah mit ne yo, ye ne yo sok mo Yefun Allah bi rus-i nde. Sane dom ye to bariwa bi sukjimnut sye kas subot ye yi ne yo, ye gane yo sok mo Yefun Allah bi rus-i dom nde.