Matius 3:6 - Abun Scripture

⁶ Yé gato rek sukibit gato án ben ne nai Yohanes sa, Yohanes ras yé ne mo Syur Yordan.

Matius 3:6 ပူးပေါင်းရင်းမြစ်များ

Matius 3:11

Ji anato ras nje mo syur tepsu bi sukjimnut do, ye ne kwet kadit os ibit it. Wo bere Ye yo gato gum kok sye wai kadit ji waii ma bori. Ji gum yo tep wa ji jom An bi sepatu nde. Ji gum wok teker mu bur ware. Ye gato gum kok sye wai kadit ji ne, bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Markus 1:5

Yé bok ne sino mo bur Yudea si yé bok ne sino mo kota Yerusalem dom, yé mwa ne ma wa syaretwa sukdu gato Yohanes ki ne. Yé gato rek sukibit gato án ben ne nai Yohanes sa, Yohanes ras yé ne mo Syur Yordan.

Lukas 1:16

Pa ne sye yo, bere pa kar ye Israel mwa satu kadit os ibit ma, ete jammo Yefun Allah, Ye gato gesyos, án bi Yekwesu ne.

Lukas 3:16

Yohanes ki nai yé mwa mone sino do, ”Ji anato ras nin mo syur, sarewo bere Ye gato gum kok sye wai kadit ji waii ma bori. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde. Ye gato gum kok sye wai kadit ji ne bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Suk Gato Yerasul Ben Ne 1:5

Yohanes ras nin mo syur, sarewo kam we yo, kam gri yo, Yefun Allah bere syogat Yefun Allah Gen bok nggwa mo nin, ben sato Yefun Allah ras nin mo Yefun Allah Gen anane.”

Suk Gato Yerasul Ben Ne 11:16

Orete ji napakom sukdu gato Yefun Yesus ki mó re, sare do, ’Yohanes ras nin mo syur, sarewo Yefun Allah bere syogat Yefun Allah Gen bok nggwa mo nin ben sato Yefun Allah ras nin mo An Gen anane.’

Suk Gato Yerasul Ben Ne 19:18

Tomgane yé mwa gato onyar kem mo Yefun Yesus ma. Án ma rek sukibit mwa gato án ben ne mo yé mwa gwem.

Suk Gato Yerasul Ben Ne 22:16

Ré yo, nan eswa suma o ne? Nan sun et! Nan bi nan nggwa wa ye ras nan mo syur se! Nan ndekwa Yefun Yesus subere An nai nan wé kadit sukye gato bere nan ku mo sukibit mwa gato nan ben ne.’ ”

1 Korintus 10:2

Sane ben sato Yefun ras án mo nyotem mo sem mit ne, tepsu bi sukjimnut do, án simo Musa it.

Kolose 2:12

Sukjimnut gato tik nin mit wa nin ben sukibit bu ne toko or wé kadit nin anato ye ras nin mo syur dom. Yé bok nin mo syur yo, tepsu nin kwop ete ye bi nin mo bur sato Kristus kwop ete ye bi Kristus mo bur anane. Sane o, nin syesyar kadit syur ne yo, tepsu nin sun kadit sukkwop sato Kristus sun kadit sukkwop ne. Nin sun kadit sukkwop, we nin onyar kem mo Yefun Allah bi suktinggi gato An sun Yesus Kristus su ne.

Ibrani 6:2

Sukdu bok yo o gato ndaf mo i-ke ne mó, sato ré: sukdu subot ye ras nje mo syur e, sukdu subot ye ak syim mo nje wa bes an wa ben Yefun bi suk-i mo pe yo e, sukdu subot kam sari, bere Yefun sun nje kadit sukkwop e, sukdu subot ye ku sukye mo bot gesyos to kapyo mato kapyo e ne.

Ibrani 9:10

Sane os nyim gato Musa krombot ne bi sukduno-i kom mo men de nden sor re. Yé sibot sukduno subot sugit si syur e, yé de syur mo suk yo tepsu bi acara bok yo mone. Sarewo yé ben suk bok ne mo de nden sor re. Suk bok ne Yefun Allah syogat men benbot sane sor kas kom mo kam gato Kristus ma wa kak os be ne sor re.

Yakobus 5:16

Sane nin rek sukibit gato nin ben ne nai yu ete nin ki suk su Yefun wa yu subere Yefun ben nin ge kadit suki ne sor. Ye gato ben sukndo tepsu Yefun Allah mit, an do ki suk su Yefun it yo, Yefun Allah bere jam ete benbot suk gato an ndek ne.

1 Petrus 3:21

Yefun Allah kak os wa yetu ge munggwo ne subere án titi fro kadit syur syé ne anato tepsu sukamno subot ye ras yetu mo syur. Su ré, ye ras nin mo syur anato kak os wa nin titi fro kadit sukye gato nin ku ne. Ye ras nin mo syur wa mus sukkwik kadit nin da nde, wo ye ras nin mo syur tepsu nin tom su Yefun do, bere nin jammo An pe sor, bere nin werwa nin sibot nin bi sukjimnut gato ndo mo nin mit ne. {Nin onyar kem mo os ndo gato Yefun Yesus kak wa nin anato} ye ras nin mo syur. Yefun Yesus kak os mo gato An sun kadit sukkwop. Sane An kak os wa nin titi fro kadit bot gesyos ete nin sok mo Yefun Allah bi rus-i re.

1 Yohanes 1:9

Yefun Allah ben suk tepsu An tom su men ne, An ben An bi suk-i ri-roi su men, sane men rek sukibit gato men ben ne wa An jam yo, bere Yefun Allah yo maskwa men mo sukibit ne o nde, bere An nutbot sukibit gato men ben ne o nde. Orete An ós men subere sukibit gato men ben ne yo ut mo men o nde.