Matius 3:14 - Abun Scripture

¹⁴ Sarewo Yohanes duyawa Yefun Yesus. Yohanes ki do, ”Mban! Nan ana ras ji mo syur sa. Wo Nan ma wa ji ras Nan mo syur wa suma ne?”

Matius 3:14 ပူးပေါင်းရင်းမြစ်များ

Matius 3:13

Orete Yefun Yesus ma kadit bur Galilea mu mo Syur Yordan. Mone Yefun Yesus ma ku Yohanes, ete kiwa Yohanes ras An mo syur.

Matius 3:15

Sarewo Yefun Yesus ki do, ”Nan ras Ji sor. Nan ras Ji, we Yefun Allah mit iwa nan ben sane.” Sane Yohanes ras Yefun Yesus mo syur.

Lukas 1:43

Bere nan kem su Pa gato gum Yekwesu wa men, sane suma ben anato nan ma ku ji ré ne? Ji gum tepsu pa wokgan sor re.

Yohanes 1:16

Yefun Allah bi sukjimnut sye kas subot men petok sor. Yefun Allah syo suk mwa nai men dakai yi, An ben sukndo su men mo suk mwa ne sino.

Roma 1:13

Ji bi nji ji bi nyanggon ji mit iwa nin jam do, ji da fro os wa ji ba ku nin wam bok yo, sarewo kom more suk yo kwa wa ji petok sor. Ji iwa ba ku nin subere ji duno nin subot Yefun Yesus subere nin ge bok yo o waii sok mo Kristus bi yetuge-i, tepsu ji duno yewis yi neya gato tara kadit ye Yahudi ne, ete yé bok yo mone sok mo Kristus bi yetuge-i ne mó re.

Roma 3:23

Men yetu mo wis mwa ne sino ben sukibit re, men sino yo nggiwa men dakai kom mo pe gato Yefun Allah bi suktinggi bor wa ós men kem ndo ne mo nde.

Roma 3:25

Yefun Allah bi Yesus Kristus ma kwop, An dé sye wa men, An dé sye win men mo sukibit gato men ben ne. Sane men yé gato onyar kem mo suk gato Kristus ben ne bere Yefun Allah iwa nai men sok mo An bi rus-i it. Yefun Allah fro os gare wa kadum do, Yefun Allah ben An bi suk-i ne ri-roi su men sor, we sugato nyim tuya Kristus ma nde tó, yetu da ben sukibit mwa, sarewo Yefun Allah yo maskwa án mo nde tó, Yefun misyar yei.

Galatia 3:22

Sarewo sukduno ne yo nggiwa ós men sok mo Yefun Allah bi rus-i nde, we ye krom mo Yefun Allah bi sukdu do, men yetu sino mo bur ré ben sukibit, sukibit ne ben sato jom men tepsu bi pakwerut wa men ben sukibit bu. Sane suk gato Yefun Allah tom su Abraham ne, Yefun benbot, An fro os wa men sok mo An bi rus-i it. Men onyar kem mo Yesus Kristus anato men ku os wa Yefun nai men sok mone, sane anato men ku suk gato Yefun Allah tom ne it.

Galatia 4:6

Men anato Yefun Allah bi pá-i, sane anato Yefun Allah syo An bi Gan Gen bok nggwa mo men mit. An bi Gan Gen ben men ki su men mit dik nai Yefun Allah do, ”Ai o, Ji bi Ai o.”

Ibrani 7:23

Yegweswai ye Lewi gato yesu mo Yefun Allah bi nu, yegweswai gato benbot os rok ne mwa yé re, we án yo kem gesyos nde, wo án kwop kadit re.