Matius 3:11 - Abun Scripture

¹¹ Ji anato ras nje mo syur tepsu bi sukjimnut do, ye ne kwet kadit os ibit it. Wo bere Ye yo gato gum kok sye wai kadit ji waii ma bori. Ji gum yo tep wa ji jom An bi sepatu nde. Ji gum wok teker mu bur ware. Ye gato gum kok sye wai kadit ji ne, bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Matius 3:11 ပူးပေါင်းရင်းမြစ်များ

Matius 3:6

Yé gato rek sukibit gato án ben ne nai Yohanes sa, Yohanes ras yé ne mo Syur Yordan.

Markus 1:4

Sane Yohanes ma, Yohanes anato fro os gane. Yohanes kem mo pe gato kwe yo kom mo nde. An ras nje mo syur, an kibot Yefun Allah bi suktaru. An ki nai nje gato ma mo an do, ”Nin kwet kadit sukibit gato nin ben ne, nin jammo Yefun, ete nin ma wa ji ras nin mo syur subere Yefun Allah yo maskwa nin mo sukibit gato nin ben ne o nde, tepsu An tot sukibit ne wé kadit nin re.”

Lukas 1:17

Bere pa ne fro os wa Yefun, ye Israel bi Yekwesu, gato bere ma ne. Bere Yefun Allah Gen bok nggwa mo pa subere an ki Yefun Allah bi suktaru. Bere an ben an bi suk-i tepsu Elia, gato yenabi kam nyim ne. Yefun Allah Gen bok nggwa mo pa ne, subere pa ben yenggras gato maskwa ket bi pa ne kem ndo satu. Ye gato bariwa jammo Yefun, bere pa ne kar yé ne satu kadit os ibit ma mo os ndo, ete án ben sukndo tepsu Yefun mit. Bere pa ne fro yé mwa subere án kak án mit wa Yefun gato bere ma mo án.”

Lukas 3:16

Yohanes ki nai yé mwa mone sino do, ”Ji anato ras nin mo syur, sarewo bere Ye gato gum kok sye wai kadit ji waii ma bori. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde. Ye gato gum kok sye wai kadit ji ne bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Lukas 3:3

Sane Yohanes mubot nat mwa mo Syur Yordan ne sino. Yohanes kibot Yefun Allah bi suktaru mone, an ki nai nje gato ma mo an do, ”Nin kwet kadit sukibit gato nin ben ne, nin jammo Yefun, ete nin ma wa ji ras nin mo syur subere Yefun Allah yo maskwa nin mo sukibit mwa gato nin ben ne o nde, tepsu An tot sukibit ne wé kadit nin re.”

Yohanes 1:15

Yohanes ki rer subot Yefun Yesus. Yohanes ki sye do, ”Ye gato ji kibot nai nin anare it. Ye ré ma nyim kadit ji re. Sarewo An gum kok sye wai kadit ji, we ji bi im yo pe ji nde tó, An mó re.”

Yohanes 1:30

Ji ki sukdu subot Domba Gan ne napyo nai nin jam mó re, sare do, ’Yetu ge dik yo boribot ji, sarewo An gum kok sye wai kadit ji o re, we suga ji bi im yo pe ji nde tó, An mó re.’

Suk Gato Yerasul Ben Ne 1:5

Yohanes ras nin mo syur, sarewo kam we yo, kam gri yo, Yefun Allah bere syogat Yefun Allah Gen bok nggwa mo nin, ben sato Yefun Allah ras nin mo Yefun Allah Gen anane.”

Suk Gato Yerasul Ben Ne 19:4

Sane, Paulus ki do, ”Yohanes duno nje subere án kwet kadit sukibit gato án ben ne, orete Yohanes ras án mo syur. Yohanes waii duno án o subere án ben sukibit o nde, wo án jammo Ye gato boribot Yohanes. Ye gane gum do Yesus.”

Suk Gato Yerasul Ben Ne 8:36

Yepasye ne si Filipus simo kwem muket os mit saresa, an we ma kom mo pe gato syur ok mó. Sane yepasye ne ki do, ”Syur anare, nan ras ji mo syur ré et, suk yo yawa nan ras ji mo syur ré bado?” [

Suk Gato Yerasul Ben Ne 8:38

Yepasye ne syogat kuda gato tik kwem ne ti yei, orge an we is mu mo syur. An we syo syur ne an we ti mo syur miten, orge Filipus ras yepasye ne mo syur.

1 Korintus 12:13

Ben sato men tepsu Kristus kaim, we men sino, kapre men ye Yahudi e, yewis yi e, kapre men pakwerut e, men yé gato dakai ti mo men dakai e, Yefun Allah Gen gato bok nggwa mo men ne anato ben men tepsu Kristus kaim dik ne sor. Men sino men jam Yefun Allah Gen dik ne bok nggwa mo men pe re.

Efesus 3:8

Kadit yé mwa gato sok mo Yefun Allah bi rus-i ne sino, ji ré anato gum wok teker mu bur, sarewo Yefun Allah dakai bes ji wa ji mu ki sukdu subot os ndo ne. Ji mu frot sukdu subot Kristus gato ndo wai o re nai yewis yi jam.

Titus 3:5

Sane anato An nai men wé kadit bot gesyos subere men kem ndo to kapyo mato kapyo. An nai men mo sukndo gato men ben tepsu An mit ne nde, wo An dakai ben sukndo su men yi sor re. An ós men kem ndo. An syo An Gen ma bok nggwa mo men anato men tepsu yetu be. Men tepsu pabom gato bi im kem su ne. Sane sukibit gato men ben suga nyim ne, Yefun Allah Gen was or wé kadit men, ete men win su suk gato ndo sor.

1 Petrus 5:5

Sane dom, nin yemsok si nggonnak, nin jammo ye gato ka yenggras et. Nin sino ben suk njep nai yu et. Nin bes nin nggwa kok dom nde, we mo Yefun Allah bi sukdu, ye krom sare do, ”Yefun Allah bariket ye gato bes nggwa kok, wo An ben An bi suk-i ndo su ye gato ben an nggwa ga tepsu pa wokgan.”