Matius 3:10 - Abun Scripture

¹⁰ Wo nin ré tepsu kwe gato yo bo ndo nde. Su ré yo, Yefun Allah fro bi mbam wa gwa kwe gato sane wé, Yefun Allah gwa mo i-brot kai. Yefun Allah fro wa syo sukye nai ye gato yo kwet nde, tepsu ye gwa kwe gato yo bo nde ne, orete ye syo bot git wé re.

Matius 3:10 ပူးပေါင်းရင်းမြစ်များ

Matius 21:19

An me kwe ara ke dik yo mo os de sa, An mu nai kwe ara bo ware, kwebo yo mo nde, wo kwenat sor re ana mó. Sane An ki nai kwe ne do, ”Kwe ara, nan yo bo o nde it anare.” Yefun Yesus dufo mo kwe ara ke, or kwe ne gu it anane.

Matius 7:19

Kwe gato yo bo ndo nde, bere ye gwa wé, ete ye gre mo bot.

Lukas 23:31

Bere suk mwa ne bor, we yé gu Ji ré gato ben sukibit yo mo nde yo, bere Yefun Allah ben suma nai ye gato ben sukibit mwa ne? Bere Yefun Allah syo sukye mwa wai nai yé ne o re.”

Lukas 3:9

Wo nin ré tepsu kwe gato yo bo ndo nde. Su ré yo, Yefun Allah fro bi mbam wa gwa kwe ga sane wé, Yefun Allah gwa mo i-brot kai sor. Yefun Allah fro wa syo sukye nai ye gato yo kwet nde, tepsu ye gwa kwe gato yo bo nde ne, orete ye syo bot git wé re.”

Yohanes 15:2

Ji bi Ai tot kwe anggur guk gato yo bo mo nde ne wé. Ji bi Ai me i-guk gato bo mó yo, An mbron i-nat napyo wé, subere i-guk ne ndo wa bo mwa o.

Yohanes 15:6

Ye to yo ut krat mo Ji tepsu dik nde yo, ye ne tepsu kweguk gato yé tot, ete yé am wé. Bere kweguk ne gu, ete yé sum wa yé gre mo bot wé.

Ibrani 12:25

Sane yo, men mewa men nggwa subere men yo bariwa jammo sukdu gato Yefun Allah ki ne nde. Yé gato bariwa jammo Yefun Allah bi sukdu gato ye ki mo banbo Sinai ne sa, yé ne yo ku os wa titi kadit sukye gato Yefun Allah fro ne nde. Sane dom, men ré do bariwa jammo sukdu gato Yefun gato gum kok mo gu ki ne ma it yo, bere sa u ne? Bere men yo ku os nde go!

Ibrani 6:8

Sarewo ye gato onyar kem mo Yefun Allah, orete ri ma an bariket Yefun Allah it yo, an tepsu un si jak gato kom mo bur det ne. Bur det ne yo ndo wa sukjan o nde. Bere Yefun Allah dufo mo bur det ne, ete ri ma Yefun syo bot git es mo bur det gato ibit ne wé re.