Matius 3:1 - Abun Scripture

¹ Orete Yohanes gato ras nje mo syur ne mu mo pe gato kwe yo kom mo nde mo bur Yudea. Yohanes duno nje mone.

Matius 3:1 ပူးပေါင်းရင်းမြစ်များ

Matius 11:11

Suk gato Ji ki ré suksangge anare, Yohanes gato ras nje mo syur ne ku gum sye wai kadit yetu mwa gato nggon pe mo bur ré sino kom mo kam ré. Sarewo kadit ne o, ye gato tepsu pa wokgan mo Yefun Allah bi rus-i, bere an ku gum sye wai kadit Yohanes o re.

Matius 11:7

Yohanes bi pakon mu kadit Yefun Yesus sa, Yefun Yesus ki subot Yohanes nai yé mwa gato sum mone do, ”Nin mu me suma mo pe gato kwe yo kom mo nde ne? Nin mu me es gato nofuf ti mo, bado?

Matius 16:14

Pakon ki do, ”Yé bok yo ki do, Nan anato Yohanes gato ras nje mo syur. {Ye ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yé bok yo o ki do, Nan anato yenabi Yermia, ondeyo yenabi ge dik yo o e ne.”

Matius 21:32

Yohanes gato ras nje mo syur da ma ete kadum os gato ndo tepsu Yefun mit wa nin muket ne ware, nin yo onyar kem mo an bi sukdu-i nde, wo yé gato ben sukibit sato yé gato nai sugum kadit nje wa pemerintah ne si nggon gato ben siri mwa ne sa, án kwet, ete án jammo Yohanes bi sukdu-i. Nin da me yé gato ben sukibit ne kwet ete jammo Yohanes bi sukdu-i, sarewo nin yo nai sukjimnut wa nin kwet ete jammo an bi sukdu-i dom nde.”

Matius 3:8

Nin ben suk gato ndo sor, subere ye jam do, sangge, nin kwet kadit sukibit gato nin ben ne it.

Markus 1:15

Yefun Yesus ki nai nje mone do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, ete nin onyar kem mo sukdu subot os ndo gato Yefun Allah fro wa nin ne et.”

Markus 1:2

Yenabi Yesaya krom mo bi buku subot ye ne sare do, ”Yefun Allah ki do, ’Ye gato ji syokom gwat Ji bi suktaru anare. Ji syokom an mu nyim mo Nan gwem, subere an fro os wa Nan.’

Lukas 1:76

{Orge Zakaria ki nai an bi pa do,} ”Nan, ji bi pa, bere yé kendo nan gum do yenabi, bere nan gwat Yefun Allah gato gum kok sye wai ne bi suktaru ma ki nai nje mo bur ré re. Yefun Allah syogat nan mu nyim mo men bi Yekwesu ne gwem, subere nan fro os wa An.

Lukas 7:24

Yohanes bi pakon ge we ne mu satu or, Yefun Yesus ki subot Yohanes nai yé mwa gato sum mone do, ”Nin mu me suma mo pe gato kwe yo kom mo nde ne? Nin mu me es gato nofuf ti mó, bado?