Matius 27:4 - Abun Scripture

⁴ Ete an ki do, ”Ji ben sukibit it! Ji meret os wa gwat yeko ma wa but Ye gato ben sukibit yo mo nde, anato su ré, yekwesú syokom ye gu An kwop.” Yekwesú mo Yefun Allah bi nu ki nai an do, ”Men yo nutbot nan su nan bi sukdu-i nde. Nan dakai fro koita ne sor.”

Matius 27:4 ပူးပေါင်းရင်းမြစ်များ

Matius 27:19

Pilatus kem ga mo nat gato sagana an kem wa an ndobot nje mone saresa, an bi nggon taru ma nai an do, ”Nan kibot Ye gare o nde. An yo ben sukibit yo mo nde. Nan misyar sor, we noru gado ji semda ku An, ete suksemda ne ben ji sane sor ji nutbot ndo nde.”

Matius 27:54

Sane ye Roma bi yesukmise si bi yesu gato mewa Yefun Yesus me sui juwai bur si suk mwa gato bor mone sa, án nyu ndo nde, án yeket, ete án ki do, ”Sangge, Ye ré anato Yefun Allah bi Gan sor.”

Lukas 23:22

Pilatus ki nai yé mwa mone wam do gri o. Pilatus ki do, ”Ji gu An kwop wa suma ne? An ben sukibit sato suma ne? Ye ré yo ben sukibit tepsu ji syokom yé gu An kwop nde. Sane yo, ji syogat yé kwam An su bus, ete ji sombok An wé sor re.”

Lukas 23:41

Yé syo sukye nai men ka we tepsu sukibit gato men ka we ben ne, sarewo Yefun Yesus ré, An yo ben sukibit tepsu ye gu An kwop yo mo nde.”

Lukas 23:47

Ye Roma bi yesukmise bi yesu dik yo me suk mwa gato bor mone sa, an un Yefun Allah, an ki do, ”Sangge, Ye ré ben suk gato ibit yo mo nde, An ye gato ben suk tepsu Yefun Allah mit sor.”

Yohanes 19:7

Ye Yahudi ki nai Pilatus do, ”Men bi sukduno-i duno men do, ye gato ki do, an anato Yefun Allah bi Gan yo, men gu an kwop wé. Sane men syokom ye gu An kwop sor.”

Suk Gato Yerasul Ben Ne 13:28

Yé da ndobot Yefun Yesus, sarewo yé yo ku sukdu kwa dik yo gato Yefun Yesus ben ibit tep wa yé gu An kwop nde. Sarewo yé top Yefun Yesus mu mo Pilatus, yé kiwa Pilatus gu An kwop wé.

Roma 3:19

Men jam do, sukduno mwa mo ye Yahudi bi sukduno-i ne, ye krom wa yé gato sukduno ne kem su ne, subere án jam ete benbot sukduno ne. Ye Yahudi mwa ne jam sukduno ne, sane anato án yo ku os wa án ki do, án jam nde re. Bere Yefun Allah ki men yetu mwa ne mo bur ré syen Yefun bi sukduno ne.

1 Timotius 4:2

Yeguru gane gwat sukduno ne ma, yeguru ne kidar suk nggi, án bi sukjimnut gato ndo yo mo án mit yo mo nde.

Titus 1:16

Án da ki do, án jam Yefun Allah, sarewo men me mo sukibit gato án ben ne anato men jam do, án jam nde Yefun Allah or re. Yefun Allah bariwa án. Án su krat, án yo nggiwa ben suk gato ndo mo nde.

Ibrani 7:26

Sane, Yefun Yesus sa, An dakai anato Yekwesu gato gum kok wai o re. Yefun Yesus sa, tep wa ós men mo suk mwa gato men yé mone. An bi An nggwa wa ben Yefun Allah bi suk-i sor. An yo ben sukibit mo nde, kwa dik yo dom nde. An ben suk mwa ne ndo sino. An ben An bi suk-i tara kadit men yetu gato ben sukibit. Yefun Allah bes An gum kok wai kadit suk mwa neya mo gu o re.

1 Petrus 1:19

wo Yesus Kristus dé sye, An bi An nggwa wa men yetu anato tepsu suktot gato kok wai kadit suk mwa neya gato ye tot suktot su ne o re. Yesus Kristus anato tepsu domba gan ge gato kaim ndo sino, ibit wokgan yo dom nde. {Suga nyim ye Israel gu suge sato domba gan kwop ete nai i-dé ne wa tot suktot mo sukibit gato án ben ne.}

1 Yohanes 3:12

Men ben suk tepsu Kain nde. Kain ne sok mo biris bi rus-i. An gu an dakai bi nji dowok kwop re. Suma ben anato Kain gu an bi nji dowok kwop ne? Kain bariket an bi nji dowok mo gato an bi nji dowok ne ben bi suk-i ndo, wo Kain ben bi suk-i ne ibit.

Wahyu 11:10

Yé mwa ne sino mo bur ré iwedewe me ye we kwop yo, yé mit iwa ndo nde. Yenabi we gane ben sukye nai yetu mo bur ré kwop, sane anato yé konwa, we yé mwa ne mit iwa ye we kwop ne. Yé mwa ne mit iwa ye we kwop anato yé syo suk nai yu dom.