Matius 27:2 - Abun Scripture

² Yekwesú si yepasye ne syogat ye rai Yefun Yesus krat ete ye gwat mu ku Pilatus, we sugane Pilatus gum yekwesu wa pemerintah ye Roma mone.

Matius 27:2 ပူးပေါင်းရင်းမြစ်များ

Matius 20:19

ete án syo Ji mo yewis yi syim-i. Yewis yi ne bere ki Ji ket kwayo-kwayo, bere yé kwam Ji su bus, yé mban Ji mo kwesukwin, ete bere Ji kwop mone, wo kom mo kam we rek, bere Ji sun kadit sukkwop o re.”

Matius 28:14

Bere men frot koita nai yekwesu gato gum gubernur. Men bidek an subere nin yo ku sukye mone nde.”

Lukas 13:1

Sugane yé bok yo mone nuk sukdu subot ye Galilea ge bok yo gato gre suge mo bot wa un Yefun Allah. Ye Galilea gre suge saresa, Pilatus syogat yesukmise gu án bok ne wé.

Lukas 20:20

Sane yeguru si yekwesú ne eswa bi kam-i tep wa án but Yefun Yesus. Yekwesú ne syo sugum nai yetu ge bok yo gato ben nggwa tepsu ye gato ben sukndo. Yé bok ne mu ndarwa Yefun Yesus, yé ne meret os wa ben kidar Yefun Yesus. Án ndobot Yefun Yesus, subere Yefun Yesus do ki suk yo siri it yo, án ku os wa án but Yefun Yesus, ete án gwat Yefun mu án syo mo yepasye gato jowa bur ne syim-i.

Lukas 23:1

Sane yepasye mwa ne ti sino, ete án gwat Yefun Yesus mu ku Pilatus, {Pilatus gato ye Roma bes gum yekwesu mo pe ne.}

Lukas 23:12

Nam it Herodes si Pilatus, an we ne maskwa yu. Sarewo su kam gane, an we tepsu yesyim satu o re.

Lukas 3:1

{Yohanes gato Zakaria bi pa ne, an kem mo pe gato kwe yo kom mo nde mo bur Yudea.} Sugane ye Roma jom ye Yahudi bi bur. Sane, ye Roma bi yekwesu Kaisar Tiberius jowa ye mone sa, an bes Pontius Pilatus gum gubernur mo bur Yudea. Kaisar bes Herodes jowa nje mo bur Galilea dom. Herodes bi nji, Filipus jowa nje mo bur Iterea si Trakhonitis. Lisanias jowa nje mo bur Abilene. Kaisar jom nje mo ye Yahudi bi bur mu kom mo tahun musyu dik sop mek sa,

Yohanes 18:12

Orete ye Roma bi yesukmise bi padosye si bi pa-i si ye gato mewa Yefun Allah bi nu ne, án but Yefun Yesus, án rai Yefun Yesus syim tak de dari.

Yohanes 18:24

Sane Hanas syogat yé gwat Yefun Yesus mu mo Kayafas. Kayafas anato yekwesu gato gum kok wai mo Yefun Allah bi nu. Ye gwat Yefun Yesus mu mone, yé yo sombok bus gato yé rai An su ne wé nde.

Yohanes 18:28

Ik o, bundugan, yé gwat Yefun Yesus syesyar kadit Kayafas bi nu-i mu mo gubernur bi nu-i gato sye. Ye Yahudi yo sok mo nu mit ne nde, we án fro án nggwa wa án git sugit mo Kam Sye Waiket. An sok mo ye Roma bi nu ne yo, bere án fowa án simo kam sye mo Yefun Allah bi nu or re, sane án yo sok mo gubernur bi nu-i nde.

Suk Gato Yerasul Ben Ne 12:6

Herodes nut do, ik, ete an ndobot Petrus. Tomgane Petrus sem mo yesukmise ge we ndet mo penjara. Ye rai Petrus su rantai. Yesukmise ge we yo o kewa nusyo de dom.

Suk Gato Yerasul Ben Ne 21:33

Yesukmise bi padosye ne ma but Paulus. An syaugat ye rai Paulus su rantai koi we. Orge an ndobot nje mone do, ”Ye gare gum sa u ne? Ye gare ben suk sato suma anato nin gu an ne?”

Suk Gato Yerasul Ben Ne 22:25

Yé rai Paulus wa ye kwam su bus saresa, Paulus ki nai ye Roma bi yesukmise bi yesu ge dik yo do, ”Ji gum sok mo ye Roma bi nje-i, sane nan yo ndobot ji nde tó, ete nan kwam ji su bus nyim ne te, bere tepsu ye Roma bi sukduno-i, bado siri kadit e?”

Suk Gato Yerasul Ben Ne 22:29

Sugane it, yesukmise bi padosye gato ndobot Paulus ne mu kadit re, yé bok ne nyuwa re. Sane dom, padosye ne nokwa, we an ben suk siri kadit ye Roma bi sukduno-i. An syogat ye rai Paulus su rantai anato siri, we Paulus gum sok mo ye Roma bi nje-i. Sane padosye ne nyu it.

Suk Gato Yerasul Ben Ne 24:27

Tahun we, orge yenggras Perkius Festus win Feliks tepsu Gubernur. Sugane Feliks iwa ben suk yo gato ye Yahudi iwa ne, sane an misyar Paulus mo penjara.

Suk Gato Yerasul Ben Ne 28:20

Sane anato ji kendo nin ma wa men kibot sukdu ne. Ji kwabom kam mo Ye gato ma wa kak os ndo wa Yefun Allah nai men gum sok mo Yefun Allah bi rus-i do, Ye ne ma tepsu ye Yahudi bok ne sino eswa An ma ne. Kadit ji kwabom kam mo Ye ne anato ye rai ji su rantai ré.”

Suk Gato Yerasul Ben Ne 3:13

Yefun Allah gato jom Abraham, Isak si Yakub, Yefun Allah gato jom men bi amui, Yefun Allah ne bes Yefun Yesus gato An bi pakwerut ne gum kok sye wai o re. Yefun Yesus nin syo mo ye gato ben sukibit syim wa ye gu An kwop wé. Kapre Pilatus iwa sombok An, nin misyar An re.

Suk Gato Yerasul Ben Ne 4:27

Suk gato Daud krom ne sangge, we yeraja Herodes si Gubernur Pontius Pilatus si yewis gato ye Yahudi nde si ye Yahudi mo kota ré sum sino. Yé bok ne fro os wa gu Yefun Yesus kwop wé. Yé bok ne fro os wa gu Nan bi pakwerut gato Nan bes wa ben Nan bi suk-i sor. Yé bok ne fro os wa gu Yefun Yesus gato Nan syogat ma mo bur ré wa nai men yetu kadit sukye ete jowa men.

Suk Gato Yerasul Ben Ne 9:2

An ndekwa yekwesu ne krom surat wa an gwat mu mo yekwesu mo ye Yahudi bi nu ari bok yo mo kota Damsyik. An ndekwa surat gato syo suktinggi nai an subere an do ku ye gato onyar kem mo Yefun Yesus mo Damsyik it yo, an nggiwa but yé ne, ete gwat satu ma mo Yerusalem.

1 Timotius 6:13

Sane su ré, ji kiwa nan tom suk yo mo Yefun Allah si Yesus Kristus gwem et. Nan tom suk ne mo Yefun Allah gato bi mas mo suk mwa gato mbau mo bur ré ne gwem. Nan tom suk ne mo Yesus Kristus gato ki bi sukdu-i rer mo Pontius Pilatus ne gwem.

2 Timotius 2:9

anato ji ku sukye re. Ye rai ji su rantai tepsu ye rai ye gato ben sukibit. Sarewo ye yo bi os wa ye rai Yefun Allah bi sukdu ne su rantai nde.

Ibrani 13:3

Men napawa yé gato mo sel mit, men bi sukjimnut kas subot án. Men bi sukjimnut subot yé ne do, ben sato men si án kem mo sel mit ne sino, sane men kwabom dek bot án ndo nde. Sane dom, men nutbot yé gato ye ben sukibit nai ket kwayo-kwayo. Men nutbot yé ne do, ben sato men si yé ne ku sukye sino, sane men kwabom dek bot án ndo nde.