Matius 26:52 - Abun Scripture

⁵² Yefun Yesus ki nai pakon ne do, ”Nan bok nan bi nyom ne satu mo bi fat. Ye gato gu nje su nyom yo, bere ye yi waii gu an kwop su nyom o re. Sane nan misyar sor.

Matius 26:52 ပူးပေါင်းရင်းမြစ်များ

Matius 5:39

Sarewo su ré, Ji ki sare do, ye gato ben sukibit nai nin it yo, nin waii ben sukibit nai an o nde. Ye yo gwa nin kwanke tak de syim ge yo, nin misyar an dakai gwa nin kwanke tak de syim jam o sor.

Roma 12:19

Ji bi nji, ji bi nyanggon, ye yo ben sukibit ma nai men it yo, men waii ben sukibit mu nai ye ne satu o nde, wo men misyar Yefun Allah dakai maskwa ye ne sor, tepsu ye krom mo Yefun Allah bi sukdu do, ”Bere Ji dakai sor anato maskwa nje tepsu sukibit gato án ben ne. Bere Ji anato syo sukye nai án tepsu sukibit gato án ben ne.”

1 Tesalonika 5:15

Nin mewa nje mone subere yetu ge dik yo ben sukibit ma nai nin it yo, nin waii ben sukibit satu mu nai ye ne nde. Wo nin wergat nin nggwa subere nin ben sukndo su yu si yé mwa ne sino et.

1 Petrus 3:9

Ye yi ben sukibit ma nai nin yo, nin ben sukibit satu nde. Ye yi kabor nin gum ibit yo, nin kabor ye ne gum ibit satu dom nde, wo nin ndekwa Yefun Allah ben sukndo satu su ye ne sor. Yefun Allah fro nin wa nin ben nin bi suk-i sane, subere Yefun Allah waii ben sukndo su nin dom sagato An tom ne.

Wahyu 13:10

”Yé gato Yefun Allah fro wa ye but yo, bere ye but yé ne re. Yé gato Yefun Allah fro wa ye gu su nyom kwop wé yo, bere ye gu yé ne su nyom kwop wé re. Sane men yé gato onyar kem mo Yefun Yesus mo bur ré, men ku sukye it yo, men misyar Yefun nde, wo men simo An pe sor, men werwa men jom Yefun Allah bi sukdu-i sane sor kom mo pe gato or mó et!”

Wahyu 16:6

Yetu gu yé gato onyar kem mo Yefun Yesus si Nan bi yenabi ne kwop ete dé sye, sane anato Nan syo yetu dé wa án da win sukibit gato án ben ne.”