Matius 26:4 - Abun Scripture

⁴ Án sino sum wa fro os yo wa án but Yefun Yesus wa gu apre, subere yé mwa jam nde.

Matius 26:4 ပူးပေါင်းရင်းမြစ်များ

Matius 12:14

Wo ye Farisi maskwa, án mu kadit nat ne, ete án ku yu, án fro os wa gu Yefun Yesus kwop wé.

Matius 23:33

Nin ben nin bi suk-i ibit, nin tepsu kwis! Nin si nin bi amui sino ben sukibit tepsu yu. Bere je u anato nai nin kadit sukye gato bere nin ku mo bot gesyos ne?

Markus 14:1

Yefun Yesus si An bi pakon ne mu kadit pe ne or sa, án mu mo kampung Betania. Kam we rek o, ete ye Yahudi konwa Kam Sye Waiket, {kam gato suga nyim tuya malaikat waiket ye Israel bi pa futmo mo bur Mesir, malaikat yo gu ye Israel bi pa kwop nde}. Ye Yahudi bi kam sye bi kam do futmo ne, ye Yahudi kon roti gato yo it nde. Karowa kam sye ne sa, yekwesú mo Yefun Allah bi nu si yeguru agama sino fro os wa án but Yefun Yesus wa án gu apre, subere yé mwa jam nde.

Yohanes 11:53

Sane kadit kam gato ye Yahudi bi yepasye kibot Yefun Yesus ne, ye Yahudi bi yepasye sino tepsu dik wa án meret os wa án gu Yefun Yesus kwop wé.

Suk Gato Yerasul Ben Ne 13:10

”Nan anato biris bi yekwesu bi pa-i, nan duwer nje mo suk mwa gato ndo ne bu. Nan kidar suk nggi, nan ki suk nan brek nden we. Yefun Allah bi sukdu ne sangge, wo nan ki do, sukdu ne ye kidar kaii, nan ki do, sukdu ne yo sangge nde. Yefun fro os ndo wa men yetu, sarewo nan duyawa os ne bu wa suma ne?

Suk Gato Yerasul Ben Ne 7:19

Sane yekwesu ne ben sukot nai men bi amui. Yekwesu ne jom men bi amui ne krat, an ben sukye nai men bi amui. Men bi amui do kem su pabom yo, an syaugat men bi amui bare pabom ne mo nden wé, subere pabom ne kwop.

2 Korintus 11:3

Sarewo ji nokwa sawe yé bok yo ma su bi sukdu-i, ete brek nin bi sukjimnut mu nden wé kadit Kristus o re, tepsu suga nyim tuya kwis ne meret os wa ben kidar Hawa, ete nggon ne brek kadit Yefun Allah bi os-i o re.