Matius 24:7 - Abun Scripture

⁷ Bere negara deyo futma gu negara deyo o. Bere yewis deyo futma gu yewis deyo o mone tó. Bere sui sye juwai bur ré ram mo peyo-peyo. Bere sukonde sye bor mo peyo-peyo.

Matius 24:7 ပူးပေါင်းရင်းမြစ်များ

Lukas 21:11

Bere sui sye juwai bur ré ram mo peyo-peyo. Bere sukonde sye bor mo peyo-peyo dom. Bere suki ben yé mwa ne i. Bere suk bok yo gato kadum Yefun bi suktinggi bor mo gu nim ben nje mo bur ré nyu ndo nde.

Suk Gato Yerasul Ben Ne 11:28

Yenabi ge dik yo gum do, Agabus. An ti mo yé mwa gwem, Yefun Allah Gen bok nggwa mo an, ete an ki do, ”Kapyo tak, bere sukonde sye ma mo bur gato ye Roma jowa ré sino.” (Ri ma, sangge, sukonde ne bor sugato Kladius jowa ye Roma.)

Suk Gato Yerasul Ben Ne 2:19

Bere Ji ben suk mo gu nim ne gato ben yetu ne sor yé nutbot ndo nde. Bere Ji ben suk mo bur ré gato kadum Ji bi suktinggi bor wa yetu me. Bere yé me yetu dé sye, yé me bot, yé me bot bu ne mwa.

Ibrani 12:27

Yefun Allah ki mone do, ”wam dik yo o,” sane men jam do, suk mwa mo bur ré si gu nim ne sino gato Yefun ut ré bere ram kom mo iwedewe. Suk mwa mo bur ré gato yo kem krat nde yo, bere Yefun nai wé re, subere suk mwa gato kem krat sor ete kem.

Wahyu 6:12

Ji sokme Domba Gan kak lilin gum domumat ne wé sa, sui juwai bur ré ram ndo nde. Kam su mo gu ne te or re, kam su te tepsu san te re. Aina ne er, tepsu yetu dé re.

Wahyu 6:5

Domba Gan kak lilin gum dogri ne wé sa, ji jam suge at kedogri ne ki do, ”Nan ma se!” Ji sokme sa, kuda te ge dik yo ma. Ye gato it mo kuda ne jom timbangan.

Wahyu 6:6

Sugane ji jam sukdu sato yetu ki bi sukdu-i syesyar kadit suge at ne miten sare do, ”Gaji gato ye ku mo suk gato ye ben mo kam dik ne tepsu ye so gandum gato ndo tepsu kilo dik sor re. Sane dom, kam dik bi gaji tepsu ye so gandum wis yi tepsu kilo gri sor re. Gandum wis bok ne sugum sye re, sarewo nan mewa kwe zaitun si nggwe anggur subere ibit nde.”

Wahyu 6:8

Ji sokme sa, kuda er kwosak ge dik yo ma. Ye gato it mo kuda ne gum do, Sukkwop. Ye gato gum do Gwinggri Syo boribot karowa Sukkwop. Ye we ne ku suktinggi wa gu yetu napyo kwop wé kadit bur ré. {Sato yetu ge wotin at yo, an we ku suktinggi wa an we gu ge wotin dik wé, wo ge wotin gri kem.} Ye we ré gwat os bok yo wa gu nje kwop su suk sato: yé gu yu e, sukonde sye gu nje kwop e, suki wis bok yo gu nje e, suge krok gu nje e ne.