Matius 22:8 - Abun Scripture

⁸ Orete yeraja kendo an bi pakwerut ne, ete an ki do, ’Men fro suk mwa wa men konwa sukra ré it, sarewo yé gato ji kendo ma ne yo tep wa si men more nde.

Matius 22:8 ပူးပေါင်းရင်းမြစ်များ

Matius 22:7

Sane yeraja ne maskwa ndo nde, ete an syogat an bi yesukmise mu gu ye gato ben sukibit ne kwop wé ete syo bot git yé mwa ne bi kota ne or re.

Matius 22:9

Sane nin mubot os sye, nin kar yé gato nin ku mone.’

Matius 9:15

Yefun Yesus ki do, ”Ye konwa yebris si bi nggon kra yu ne te, bere yebris ne bi yesyim bok ne án nderku án nggwa, án git sugit mone nde bado? Sane nde! Sarewo bere yé kar yebris gato kra ne wé kadit án orete yo, bere su kam gane án mewa án nggwa kadit sugit.” {Sane Yefun Yesus si An bi pakon kem sino tó anato Yefun Yesus si An bi pakon git sugit sino sor, án yo mewa án nggwa kadit sugit nde tó. Wo Yefun Yesus do mu kadit pakon ne yo, bere pakon ne mewa nggwa kadit sugit.}

Lukas 20:35

wo yé gato Yefun Allah nut do yé ne sa, tep wa Yefun Allah bere sun án kadit sukkwop ne, su kam sari ne ma yé ne yo kra mo nde.

Lukas 21:36

Nin frawa nin nggwa pe et! Nin ki suk su Yefun Allah petok sor subere An ós nin titi fro wé kadit sukye gato bere ma ne. Nin ndek mo Yefun Allah dom subere su kam gato Ji, gato Yetu bi Pa ma ndobot nin yetu ne, nin yo damen mo suk gato nin ben ne nde.”

Suk Gato Yerasul Ben Ne 13:46

Orge Paulus si Barnabas ki suk, an we yo nyu nde, an we ki pet mo nje mone do, ”Men ka we ki Yefun Allah bi sukdu nai nin ye Yahudi nyim sor, wo nin bariwa sukdu ne. Nin nai sukjimnut do, nin bariwa nin kem ndo to kapyo mato kapyo, sane it yo, men ka we misyar nin it anare. Ré ne, men ka we mu ki sukdu ne nai yewis yi jam,

2 Tesalonika 1:5

Sane men jam do, bere Yefun Allah syo sukye nai yé gato ben sukibit nai nin mone tó. Nin ku sukye mo gato nin jammo Yefun Allah tepsu nin bi Yekwesu. Nin ku sukye, ete nin yo misyar Yefun nde, anato Yefun Allah ki subot nin do, nin sa, ben nin bi suk-i tepsu yé gato An iwa An nai sok mo An bi rus-i.

Wahyu 22:14

Ye gato ben Yefun bi suk-i, ben sato án gu án bi san kwo ndo it anane. Ye gato gu án bi san kwo yo, bere án ku os wa án git kwebo mo kweke gato ben yetu kem gesyos. Bere án ku os wa án sok ket ros syo mu mo kota mit ne. Yé ne sa, án mit at wa, we bere Yefun ben sukndo su án re.

Wahyu 3:4

Sarewo nin gato mo kota Sardis, nin deyo sa, nin mewa nin nggwa kadit os ibit. Nin sa, ben sato nin bi san yo dum nde. Bere nin it san gato kwo ndo, ete nin si Ji mu sino, we Yefun Allah me do, nin sa, nin ben bi suk-i tepsu Yefun mit re.