Matius 22:4 - Abun Scripture

⁴ Sane yeraja syogat pakwerut ge bok yo o mu, an ki nai pakwerut bok ne do, ’Nin mu ki nai yé gato ji kendo ma mo sukra gato ji konwa ré do, sugit ne fro it. Ji gu ji bi suge, ji go, ete ji kon jon it. Suk mwa ne fro wa men konwa sukra re, nin ma se!’

Matius 22:4 ပူးပေါင်းရင်းမြစ်များ

Matius 21:36

Sane yenggras ne syogat pakwerut ge bok yo o waii mu mone. Pa ne mwa wai kadit wam futmo ne. Pa mu mone ware, ye gato mewa nggwe ne ben saga wam futmo ne o re.

Matius 22:5

Pakwerut bok ne kom mo ye gato yeraja kendo ma ne, sarewo yé mwa ne misyar pakwerut bi sukdu ne re. Yé deyo dakai mu ben bi suk-i kadit, deyo o mu mo nggwe kadit, deyo o mu ben suk mo bi kantor kadit sukra ne.

Matius 22:8

Orete yeraja kendo an bi pakwerut ne, ete an ki do, ’Men fro suk mwa wa men konwa sukra ré it, sarewo yé gato ji kendo ma ne yo tep wa si men more nde.

Lukas 14:17

Yé fro suk mwa ne or sa, su kam gato yé mwa ma git sugit sino mone, ye gato ben pesta ne syogat an bi pakwerut mu ku ye gato an kendo ma wa git su an, ete an syogat pakwerut ne ki do, ’Nin ma et, suk mwa ne men fro or it anare.’

Suk Gato Yerasul Ben Ne 1:8

wo su kam gato Yefun Gen bok nggwa mo nin, bere nin ku suktinggi wa nin mu ki sukdu subot os be gato Ji kak wa yetu sok mo Yefun Allah bi rus-i. Bere nin mu ki sukdu ne nai nje mo Yerusalem, mo bur Yudea, mo bur Samaria sane sor, kom mo bur ré iwedewe or sino.”

Suk Gato Yerasul Ben Ne 13:46

Orge Paulus si Barnabas ki suk, an we yo nyu nde, an we ki pet mo nje mone do, ”Men ka we ki Yefun Allah bi sukdu nai nin ye Yahudi nyim sor, wo nin bariwa sukdu ne. Nin nai sukjimnut do, nin bariwa nin kem ndo to kapyo mato kapyo, sane it yo, men ka we misyar nin it anare. Ré ne, men ka we mu ki sukdu ne nai yewis yi jam,

Roma 8:32

Yefun Allah yo nai An dakai bi Gan wé kadit sukye nde, wo Yefun Allah syo An bi Gan ma kwop win men yetu sino. Yefun Allah dakai syo An bi Gan ma wa men yi, sane bere An dakai syo suk mwa neya yi nai men dom, fe!