Matius 21:3 - Abun Scripture

³ Ye to ndo nin ka we subot keledai ge we ne yo, nin ka we ki nai ye ne do, ’Men bi Yekwesu mitmo keledai ge we ré,’ sane bere ye ne misyar nin ka we dakai gwat ma sor.”

Matius 21:3 ပူးပေါင်းရင်းမြစ်များ

Matius 21:2

Yefun Yesus ki nai an we ne do, ”Nin ka we mu nyim mo kampung gato karo mone. Nin ka we do mu kom mone it yo, bere nin ka we ku keledai ge dik yo si bi gan gato yé jik mone. Nin ka we sombok, ete nin ka we gwat ge we ne ma mo Ji et.

Matius 21:4

Ye we mu ete gwat keledai ma subere suktaru gato Yefun Allah tarubot yenabi ne bor. Yenabi ki do,

Yohanes 17:2

Nan bes Ji gum Yekwesu wa Ji jom yetu mwa ne sino mo bur ré re, subere yé mwa ne sino gato Nan syo nai Ji ne, Ji ós án kem gesyos.

Yohanes 3:35

Men bi Ai, Yefun Allah jimnotku An bi Gan, ete An syo suk mwa mo An bi Gan syim wa An bi Gan jom sino.

Suk Gato Yerasul Ben Ne 17:25

An yo mitwa men yetu grem suksom wa An nde. An yo yewa suk yo mo nde, we An fuf An mas mo men yetu ben men mbau, An syo suk mwa nai men yetu sino.

2 Korintus 8:16

Yefun Allah kak Titus bi sukjimnut subere Titus mit iwa mewa nin, tepsu ji dom mit iwa mewa nin, sane ji un Yefun gum mone.

2 Korintus 8:9

Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.

Yakobus 1:17

Suk mwa gato men ku kadit Yefun Allah ne ndo sino, suk gato ibit yo mo nde. Yefun Allah syo suk mwa ne nai men. Yefun Allah ne ut suk gato rer mo gu nim ne sato aina e, kam e bí e ne, sarewo Yefun Allah dakai yo win nggwa nde, suk mwa gato An ben kamdik-kamdik An ben tepsu yu sor, An yo gwat ndendu bi os-i nde.