Matius 20:2 - Abun Scripture

² An tom su do, bere an syo sugum kom mo perak det dik, tepsu gaji wa kam no dik, orete an syogat yé bok ne mu ben suk mo nggwe ne.

Matius 20:2 ပူးပေါင်းရင်းမြစ်များ

Matius 18:28

Pa ne syesyar kadit yenggras bi nu saresa, pa ne ku pakwerut dik yo o. Pa we wok ré bi bon wokgan kom mo ribu bok yo, sarewo pa we sye but pa we wok ete sorom pa ne syidem sane sor bergan pa we wok yo tik mas ndo o nde, ete pa we sye ki do, ’Nan bi ji bi bon mo ji kekro et.’

Matius 20:1

”Yefun Allah nai yetu sok mo An bi rus-i ne yo, bere tepsu sukamno ré. Su nyotkwo gan, yetu ge dik yo gato bi nggwe anggur mu kendo yé bok yo ma wa ben suk mo an bi nggwe ne.

Matius 20:13

Ye gato bi nggwe ki nai yé bok gato kabor an sare do, ’Pa, ji yo ben sukibit are nde. Nin si ji tom su yu do, nin ben suk kadit nyotkwo kom mo kre, ete ji bi sugum perak det dik is nin ne, sangge bado?

Matius 20:3

Kam kok, an mu mo pasar ete me yé bok yo o mone gato yo ben suk nde.

Matius 20:9

An syo sugum perak det dik nai yetu gedik-gedik gato ben suk kadit kre ne.

Matius 22:19

Nin gwat sugum gato nin bi pajak su ne det dik yo ma wa Ji me et.” Yé gwat ye Roma bi sugum det dik yo ma,

Matius 9:37

Sane Yefun Yesus ki nai An bi pakon do, ”Yé mwa ne tepsu sugit mwa gato kri mo nggwe, sarewo ye gato fro wa nai sugit ne yo tep nde.

Markus 12:15

Sarewo Yefun Yesus jam yé bok ne meret os wa An, subere ye maskwa An mo sukdu gato An ki satu ne. {Sato Yefun Yesus ki do, men bi pajak nde, bere Kaisar maskwa An, wo An ki do, men bi pajak yo, bere ye Yahudi mwa ne maskwa An.} Yefun Yesus jam do, yé ne da ben nggwa tepsu ye gato onyar kem mo Yefun Allah, sarewo án mit tara re. Sane An ki do, ”Suma ben anato nin meret os wa Ji ne? Nin gwat ye Roma bi sugum det dik yo ma wa Ji me et.”

Lukas 1:15

Pa gato nan bi nggon kem su ne, bere Yefun Allah bes pa ne tepsu yepasye. Yefun Allah duyawa pa ne da nau anggur si nau krat. Kadit ketke bi im kem su pa ne yo, Yefun Allah Gen bok nggwa mo pa ne re.

Lukas 10:35

Ik o, ye Samaria ré nai sugum det we, ete an syo nai ye gato mewa nu pos ne. Ye Samaria syo sugum ne saresa, an ki do, ’Nan mewa ye ré, ete sugum ré yo tep nde yo, bere ji satu ma, ete ji bi napta ne o.’ ”

Lukas 20:24

”Nin gwat ye Roma bi sugum det dik yo ma wa Ji me et. Yé krom je u ana kaim mo sugum det ré ne? Yé krom je u ana gum mo sugum det ré ne?” Yé ne ki do, ”Yé krom Kaisar kaim mone, si yé krom Kaisar gum mone.”

2 Timotius 3:15

Kadit nan ka pawok, nan jam Yefun Allah bi sukdu re. Yefun bi sukdu ne kak nan bi sukjimnut subere nan onyar kem mo Yesus Kristus. Sane anato nan sibot os ndo gato kak os wa nan kem ndo to kapyo mato kapyo it anare.

Wahyu 6:6

Sugane ji jam sukdu sato yetu ki bi sukdu-i syesyar kadit suge at ne miten sare do, ”Gaji gato ye ku mo suk gato ye ben mo kam dik ne tepsu ye so gandum gato ndo tepsu kilo dik sor re. Sane dom, kam dik bi gaji tepsu ye so gandum wis yi tepsu kilo gri sor re. Gandum wis bok ne sugum sye re, sarewo nan mewa kwe zaitun si nggwe anggur subere ibit nde.”