Matius 2:6 - Abun Scripture

⁶ ’Kota Betlehem mo bur Yudea, yepasye mo bur Yudea jam do, nan sa, kota gato yé bes gum kok; we bere Yekwesu dik yo ma kadit nan. Yekwesu ne bere mewa Ji bi nje-i, gato sok mo yewis ye Israel ne tepsu ye mewa domba sisu ndo.’ ”

Matius 2:6 ပူးပေါင်းရင်းမြစ်များ

Matius 2:1

Yenggras Herodes gum yeraja mo bur Yudea sa, Maria kem su Yefun Yesus mo kota Betlehem mo bur Yudea ne. Maria kem su Pa, orete yepasye ge bok yo gato watbot bí ma kadit nobu nim ma mo kota Yerusalem.

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Yohanes 21:16

Yefun Yesus ndo mo an wam do we o do, ”Simon, gato Yohanes bi pa, nan bi sukjimnut sye kas subot Ji bado?” Petrus ki do, ”Ji bi Yekwesu, sangge, Nan jam do, ji jimnotku Nan.” Yefun Yesus ki nai an do, ”Sane yo, nan mewa Ji bi pakon ne tepsu ye mewa suksi sato domba gan sisu ndo et.”

Yohanes 7:42

Mo Yefun Allah bi sukdu yé krom do, Kristus bi amui mo yeraja Daud. Sane bere Kristus si Daud ne sino ontu mo Betlehem, gato Daud bi nat-i ne.”

Efesus 1:22

Yefun Allah syo suk mwa ne sino mo Yesus Kristus syim, ete Yefun Allah bes Yesus Kristus gum Yekwesu mo suk mwa ne sino wa ye gato onyar kem mo Yefun Yesus mo nu ari sino mo bur ré.

Kolose 1:18

Men sino gato onyar kem mo Yefun Yesus mo nu ari mwa ne anato tepsu Kristus kaim ne. Kristus anato tepsu su mo men kaim ne. Sane Kristus anato tepsu i-ke wa men yé gato onyar kem mo An re. An anato tepsu Pa doketke gato Yefun Allah sun kadit sukkwop, subere An wadigan sor ete gum kok wai kadit suk mwa neya.

Ibrani 7:14

Yé mwa ne jam do, men bi Yekwesu ne ma kadit Yehuda bi yewis-i. Musa ki subot yekwesu mo Yefun Allah bi nu sa, an yo ki kom mo wis ne dom nde. Sane Yesus Kristus tepsu Yekwesu be gato tara kadit ye Israel bi yekwesu mwa mo Yefun Allah bi nu suga nyim ne o re.

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”

Wahyu 2:27

Bere Ji ben án nggi tepsu Ji bi Ai ben Ji nggiwa jom nje, tepsu Daud krombot Ji sare do, ’Bere An ben sukye nai nje su nggarmom muk. {Nggarmom muk ne tepsu kwepu gato ye ben kadit besi.} An ben sukye nai yé mwa ne sane sor, sane yé mwa ne sino jammo An, tepsu An gwa nje su nggarmom muk ne ndo nde sato ye gwa mbem, bere mbem ne mbrur re.’

Wahyu 7:17

Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”