Matius 2:4 - Abun Scripture

⁴ Sane Herodes kendo yekwesú mo Yefun Allah bi nu si yeguru agama mwa ne sino sum, ete Herodes ndobot yé ne do, ”Kristus gato Yefun Allah tom do, bere An syogat ma mo bur ré wa nai men yetu kadit sukye ete jowa men ne te, bere bi im kem su Pa ne mo u ne?”

Matius 2:4 ပူးပေါင်းရင်းမြစ်များ

Matius 13:52

Sane Yefun Yesus ki nai án do, ”Sane yeguru agama mwa ne sino gato gum sok mo Yefun Allah bi rus-i ne anato jam Musa bi sukduno-i si sukduno be gato Ji gwat ma ne, ete yeguru duno nje su, tepsu yenggras mo nu dik yo gwat sukrok si sukbe kadit an bi gudang ma nden.”

Matius 2:3

Yeraja Herodes jam sukdu ne sa, an kwabom dek ndo nde. Yeraja si yé mwa ne mo kota Yerusalem kwabom dek sino.

Matius 2:5

Yé ne ki do, ”Kristus ne bi im bere kem su Pa ne mo kota Betlehem mo bur Yudea, we yenabi dik yo krombot suktaru gato Yefun Allah ki, sare do,

Matius 21:15

Wo yekwesú mo Yefun Allah bi nu si yeguru agama me suk gato Yefun Yesus ben gato ben yé mwa mone yeket sa, án maskwa. Sane dom yekwesú si yeguru jam pa wokgan saiye mo Yefun Yesus do, ”Men un yeraja Daud bi Dat ne et,” sane yekwesú si yeguru maskwa wai o it anane.

Matius 21:23

Yefun Yesus satu ma sok mo Yefun Allah bi nu de, mo ros de mit. An duno nje mone saresa, yekwesú mo Yefun Allah bi nu si ye Yahudi bi yepasye ma ku Yefun Yesus. Yé ne ndobot Yefun Yesus do, ”Je u anato bes Nan wa Nan ben suk mwa more ne? Je u anato syogat Nan ma more ne?”

Matius 26:3

Sugane yekwesú mo Yefun Allah bi nu si ye Yahudi bi yepasye sum mo Kaiafas bi nu sye. Kaiafas anato yekwesu gato gum kok wai mo Yefun Allah bi nu.

Matius 26:47

Yefun Yesus do ki sukdu ne saresa, An bi pakon dik yo kadit pakon musyu dik sop we ne gato gum do Yudas bor mone. Yé mwa gato gwat nyom si kwekoi ne simo Yudas ma dom. Yekwesú mo Yefun Allah bi nu si ye Yahudi bi yepasye anato syogat yeko ne ma wa but Yefun Yesus.

Matius 27:1

Nosoro gan, yekwesú mo Yefun Allah bi nu bok yo si ye Yahudi bi yepasye kibot Yefun Yesus, orete án nai sukjimnut dik wa gu Yefun Yesus kwop wé.

Matius 7:29

Yeguru agama ne, án ki ye yi gum mo án bi sukdu-i subere yé jammo án, wo Yefun Yesus yo duno nje sane nde, Yefun dakai duno nje, ete yé iwa jammo Yefun bi sukdu-i ne sor.

Markus 8:31

Orge Yefun Yesus duno An bi pakon subot sukye gato ri ma yé ben nai An ne. Yefun Yesus ki nai An bi pakon do, ”Yetu bi Pa to Ji ré, gato Yefun Allah syo ma kadit gu ne, bere ye Yahudi bi yepasye, yekwesú mo Yefun Allah bi nu si ye Yahudi bi yeguru agama ne, án sino bariwa Ji o re, ete án ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Lukas 20:19

Ye Yahudi bi yeguru agama si yekwesú mo Yefun Allah bi nu ne, án sino jam do Yefun Yesus gwat sukamno ne pet mo sukibit gato án ben ne. Sane án werwa án but Yefun Yesus ware, án nyuwa yé mwa gato sum mone.

Lukas 23:10

Yekwesú mo Yefun Allah bi nu si yeguru agama ma ti mone dom, ete án ndak Yefun Yesus ket kwayo-kwayo daret.

Yohanes 18:3

Sane Yudas so yeko mu mone. Yudas si ye Roma bi yesukmise ge bok yo, si ye gato mewa Yefun Allah bi nu ge bok yo. Yekwesú mo Yefun Allah bi nu si ye Farisi syogat án mu mone. Án sino si Yudas mu mone. Yeko ne gwat yor e, nyom e ne, án gwat sukru su kak dom.

Yohanes 3:10

Yefun Yesus ki do, ”Nan anato yeguru mo Israel, sane suma ben anato nan jam nde suk gare ne?

Yohanes 7:32

Ye Farisi bok yo mone jam yé mwa ki suk apre nai yu subot Yefun Yesus. Sane ye Farisi si yekwesú mo Yefun Allah bi nu syogat ye gato mewa Yefun Allah bi nu ne mu wa but Yefun Yesus.

Yohanes 8:3

Yeguru gato duno ye Yahudi su bi sukduno-i si ye Farisi gwat nggon ge dik yo ma. Nggon ne ben siri. Sugane yé ku rek nggon ne, ete yé gwat nggon ne ma. Án syogat nggon ne ti mo yé mwa gwem.

Suk Gato Yerasul Ben Ne 23:9

Yepasye bok ne saiye ket yu, ete yeguru agama ge bok yo gato sok mo ye Farisi. Án ti án duwer ye Saduki mone nggi sare do, ”Men nut do ye gare yo ben sukibit yo mo nde. Malaikat e, aboksye e ne do ki suk su an yo, sukibit anane nde.”

Suk Gato Yerasul Ben Ne 4:5

Ik o, ye Yahudi bi yekwesu, ye Yahudi bi yepasye si yeguru agama ne sino sum mo Yerusalem.

Suk Gato Yerasul Ben Ne 6:12

Sane yé bok ne ben ye Yahudi bi yepasye si yeguru agama si yé mwa ne sino maskwa ket Stefanus. Sane yé but Stefanus, yé gwat an mu mo ye Yahudi bi yepasye si yekwesu gato sum sino wa kibot sukdu.