Matius 2:2 - Abun Scripture

² Yepasye ne ma ndobot do, ”Pa gato ye pe tepsu yeraja wa ye Yahudi ana u ne? Men me bí be bor mo gu nim ne anato men jam do, ye pe yeraja be dik yo ma mo bur ré re, sane men ma wa men som Pa ne et.”

Matius 2:2 ပူးပေါင်းရင်းမြစ်များ

Matius 2:3

Yeraja Herodes jam sukdu ne sa, an kwabom dek ndo nde. Yeraja si yé mwa ne mo kota Yerusalem kwabom dek sino.

Matius 21:5

”Men ki nai nje mo Sion do, ’Nin bi Yekwesu ana ma ku nin it, An bes An nggwa kok nde, An it mo keledai ete ma, An it mo keledai bi gan ma.’ ”

Matius 27:11

Yé gwat Yefun Yesus mu ku Pilatus gato gum yekwesu mo pe ne sa, Pilatus ndo mo Yefun Yesus do, ”Nan anato ye Yahudi bi Yekwesu bado?” Yefun Yesus ki do, ”Suk gato nan ki ne sangge.”

Lukas 19:38

Pakon mwa ne saiye do, ”Yeraja gato Yefun Allah syogat ma ré, Yefun Allah ben sukndo su An et! Yé mwa ne sino mo gu ete kem not. Men yetu ete bes Yefun Allah gum kok sye wai o et.”

Lukas 2:11

Su kam ré, mo Daud bi nat-i ne, nggon dik yo kem su Pa gato bere ós men. Pa ne anato Yekwesu gato Yefun Allah syogat ma mo bur ré wa nai men yetu kadit sukye ete jowa men. Yefun Allah bes Pa ne gum Kristus.

Lukas 23:3

Orge Pilatus ndo mo Yefun Yesus do, ”Nan anato ye Yahudi bi yekwesu, bado?” Yefun Yesus ki do, ”Suk gato nan ki ne, sangge.”

Lukas 23:38

Mo Yefun Yesus bi kwesukwin napnim ne, yé mban kwedet dik yo. Mo kwedet ne, yé krom do, ”Ye ré anato ye Yahudi bi Yekwesu.”

Yohanes 1:49

Natanael ki do, ”Yeguru, Nan anato Yefun Allah bi Gan, sangge, Nan anato ye Israel bi Yekwesu.”

Yohanes 12:13

Sane yé mwa ne nai beibir nat, ete án mu mo os wa án kar Yefun Yesus. Yé mwa ne mubot os saresa, án saiye do, ”Men un Yefun Allah et! Ye gato Yefun Allah syogat ma ré, Yefun Allah ben sukndo su An et! Yefun Allah, Nan ben sukndo su Ye ré, ye Israel bi yeraja et!”

Yohanes 18:37

Pilatus ki nai Yefun Yesus do, ”Sane Nan anato yeraja e?” Yefun Yesus ki nai an do, ”Nan dakai ki do, Ji anato yeraja. Sangge. Ji bi im pe Ji mo bur ré. Ji ma wa Ji ki rer subot suk dik yo sor re. Ji ma wa Ji ki rer subot suk gato sangge. Ye to iwa sukdu gato sangge, bere án jammo Ji bi sukdu-i.”

Yohanes 19:19

Pilatus syogat yé krom sukdu mo kwedet, ete yé mban mo Yefun Yesus bi kwesukwin napnim. Yé krom sukdu gato yé ndak Yefun Yesus su ne sare do, ”Yesus ye Nazaret. Ye Yahudi bi yeraja anare.”

Yohanes 20:28

Tomas ki nai Yefun Yesus do, ”Nan anato Ji bi Yekwesu, Nan anato Yefun gato jom Ji it.”

Yohanes 5:23

Ji bi Ai bes Ji gum wa Ji ndobot yetu subere yé mwa ne sino jammo An bi Gan tepsu yé jammo An. Ye gato yo jammo Ji nde yo, ye ne yo jammo Ji bi Ai gato syogat Ji ma mo bur ré dom nde.

Yohanes 9:38

Pa ne ki do, ”Yenggras, ji onyar kem mo Nan it.” Ete pa tu umsu mo bur mo Yefun Yesus gwem.

Ibrani 1:6

Sarewo Yefun Allah syogat An bi Gan gato gum kok wai o re ma mo bur ré sa, Yefun Allah ki do, ”Ji bi malaikat mwa ne sino som Pa ne et!”

Wahyu 22:16

”Ji, gato gum do Yesus, Ji anato syogat Ji bi malaikat ma wa kibot sukdu mwa mo buku ré wa ye gato onyar kem mo Ji mo nu ari mo bur ré jam re. Ji anato yeraja Daud bi dat. Ji anato kak os ndo wa yetu tepsu bí ik gato it ben sato kak os wa nombrak ne ma.”