Matius 2:12 - Abun Scripture

¹² Án som Pa su suk ne, orete án satu mu mo án bi bur-i, án yo mu ku Herodes o nde, we án semda ku Yefun Allah, ete Yefun Allah duyawa án mu ku Herodes. Sane án muket os yi yo tara re.

Matius 2:12 ပူးပေါင်းရင်းမြစ်များ

Matius 1:20

Yusuf nutbot os yo wa an sombok Maria wé sa, an semda ku Yefun bi malaikat ge dik yo. Malaikat ne ki nai an do, ”Yusuf, nan bi amui mo Daud, nan nyu nde, nan kra su Maria sor, we Pa gato Maria syimfar su ne anato ma kadit Yefun Allah Gen.

Matius 2:13

Yepasye gato watbot bí ne mu wé, orete Yusuf semda ku Yefun bi malaikat dik yo. Malaikat ne ki do, ”Bere Herodes meret Pa wa an gu Pa ne kwop wé, sane nan sun, nan gwat Pa si bi im titi mu mo bur Mesir kadit. Nin sino kem mone sane sor ji ki sukdu nai nan o et.”

Matius 2:19

Herodes kwop, orete mo bur Mesir Yusuf semda ku Yefun bi malaikat dik yo.

Matius 2:22

Sarewo Yusuf jam sukdu do, Herodes bi pa gato gum do Arkelaus, ye bes tepsu yeraja mo bur Yudea win an bi ai sa, Yusuf nyuwa mu mone. An semda ku malaikat dik yo o, ete malaikat ne ki nai an do, ”Nan mu mo bur Yudea nde,” sane Yusuf mu mo bur Galilea kadit.

Matius 27:19

Pilatus kem ga mo nat gato sagana an kem wa an ndobot nje mone saresa, an bi nggon taru ma nai an do, ”Nan kibot Ye gare o nde. An yo ben sukibit yo mo nde. Nan misyar sor, we noru gado ji semda ku An, ete suksemda ne ben ji sane sor ji nutbot ndo nde.”

Lukas 2:26

Yefun Allah Gen ki bi sukdu-i nai Simeon do, ”Nan yo kwop nde tó, bere nan me Yekwesu gato Yefun Allah tom do, An syogat ma mo bur ré wa nai yetu kadit sukye ete jowa yetu ne et.”

Suk Gato Yerasul Ben Ne 10:22

Ye ka gri ne ki do, ”Ye Roma bi yesukmise bi yesu gato gum do Kornelius syogat men ka gri ma more. An ben sukndo tepsu Yefun Allah mit, an jammo Yefun Allah. Ye Yahudi mwa ne sino un an. An ku Yefun Allah dakai bi malaikat ge dik yo. Malaikat ne syogat Kornelius ndekwa nan mu ku Kornelius mo bi nu, subere Kornelius jam nan bi sukdu et.”

Suk Gato Yerasul Ben Ne 4:19

Yepasye ne ki sane or sa, Petrus si Yohanes ki do, ”Yenggras, nin dakai nut subot suk gato ndo wa men ben ne. Kwa u anato tepsu Yefun Allah mit ne, men jammo nin bi sukdu-i anato ndo bado, men jammo Yefun Allah bi sukdu-i anato ndo e?

Suk Gato Yerasul Ben Ne 5:29

Petrus si yerasul yi ne ki do, ”Men jammo yetu nde, wo men jammo Yefun Allah anato men ki sukdu subot Yefun Yesus.

1 Korintus 3:19

we ye gato bi sukjimnut ko mo bur ré bi sukdu-i ne, Yefun Allah ki do, sukdu ne yé dakai ki daret kaii. Tepsu ye krom mo Yefun Allah bi sukdu-i sare do, ”Yefun Allah ben ye gato bi sukjimnut ko ne ku sukye mo koirut tepsu ye ne ré bus, ete bus ne dakai sip an dakai.”

Ibrani 11:7

Yenggras Nowak onyar kem mo suk gato Yefun Allah ki ne, sane anato Yefun Allah ki subot suk gato bere Yefun ben bor mo bur ré nai Nowak jam nyim wé re. Kapre Nowak yo me suk gato bere Yefun ben ne su an gro nde tó, Nowak onyar kem mo Yefun Allah. Nowak jammo suk gato Yefun ki ne, ete Nowak tem kapal sye. Ri ma an si an bi rus-i it mo kapal mit kadit syur syé. Sane Yefun Allah syo sukye nai nje mo bur ré su syur syé. Syur syé gu nje kwop or, sarewo Nowak si bi rus-i kem ndo kadit syur ne. Nowak onyar kem mo suk gato Yefun ki ne, anato Yefun Allah nutbot do, Nowak sa, an tep wa Yefun nai an sok mo Yefun bi rus-i sor.

Ibrani 8:5

Yekwesu mwa ne ben suk mo Yefun Allah bi nu-i mo bur ré konembot suk gato Yefun ben mo bi nu-i mo gu. Suk gato yekwesu mwa ne ben yo tepsu suk gato Yefun Allah ben mo bi nu-i mo gu ne sino nde, wo karowa. Musa ós yekwesu mwa ne konembot suk gato Yefun Allah ben mo bi nu-i mo gu, we Musa fro wa nggo Yefun Allah bi nu mo bur ré sa, Yefun Allah ki suknapa wa an sare do, ”Nan nggo nu si bi suk mwa ne tepsu sukdu gato Ji ki nai nan mo banbo ne et.”