Matius 2:1 - Abun Scripture

¹ Yenggras Herodes gum yeraja mo bur Yudea sa, Maria kem su Yefun Yesus mo kota Betlehem mo bur Yudea ne. Maria kem su Pa, orete yepasye ge bok yo gato watbot bí ma kadit nobu nim ma mo kota Yerusalem.

Matius 2:1 ပူးပေါင်းရင်းမြစ်များ

Matius 1:25

An we kra pe, sarewo Maria kem su pa nde tó, Yusuf si Maria yo sem su yu nde tó. Maria kem su Pa ne, orete Yusuf kendo Pa ne gum do Yesus.

Matius 2:16

Herodes jam do, yepasye ne ben kidar an sa, an maskwa ndo nde. An syogat an bi yesukmise mu gu pa yebris gato sye kom mo tahun we mu bur mo kota Betlehem si nat wairi wa kota ne sino kwop wé. Herodes jam sukdu subot bi kam gato bí dik yo it mone kadit yepasye bok ne, sane Herodes gu pa yebris mwa ne wé re.

Matius 2:19

Herodes kwop, orete mo bur Mesir Yusuf semda ku Yefun bi malaikat dik yo.

Matius 2:3

Yeraja Herodes jam sukdu ne sa, an kwabom dek ndo nde. Yeraja si yé mwa ne mo kota Yerusalem kwabom dek sino.

Matius 2:5

Yé ne ki do, ”Kristus ne bi im bere kem su Pa ne mo kota Betlehem mo bur Yudea, we yenabi dik yo krombot suktaru gato Yefun Allah ki, sare do,

Matius 2:7

Sane Herodes kendo yepasye gato ma kadit nobu nim ne dakai ma ku an wadigan, ye yi jam nde. Herodes ndobot yepasye ne do, ”Bí ne ketke bor su kam ot ne?” Yepasye ne ki sukdu ne nai Herodes jam re.

Lukas 1:5

Herodes gum yeraja mo bur Yudea. Herodes jowa nje mo bur Yudea sa, yetu ge dik yo gato gum do Zakaria kem mone. Zakaria gum yesu mo Yefun Allah bi nu. Zakaria sok mo Abia bi det-i gato ben suk mo Yefun Allah bi nu ne. Zakaria bi nggon gum do Elisabet. Elisabet bi amui mo Harun, gato su kam nyim tuya gum yekwesu wa yesu gato ben suk mo Yefun Allah bi nu.

Lukas 2:11

Su kam ré, mo Daud bi nat-i ne, nggon dik yo kem su Pa gato bere ós men. Pa ne anato Yekwesu gato Yefun Allah syogat ma mo bur ré wa nai men yetu kadit sukye ete jowa men. Yefun Allah bes Pa ne gum Kristus.

Lukas 2:15

Malaikat mwa ne un Yefun or, malaikat satu mu mo gu kadit yé gato mewa domba ne. Malaikat mu, orge yé gato mewa domba ki nai yu do, ”Men mu mo Betlehem et. Men mu me suk gato Yefun Allah tarubot An bi malaikat ne et.”

Yohanes 7:42

Mo Yefun Allah bi sukdu yé krom do, Kristus bi amui mo yeraja Daud. Sane bere Kristus si Daud ne sino ontu mo Betlehem, gato Daud bi nat-i ne.”