Matius 18:9 - Abun Scripture

⁹ Sane dom, nin gro dik yo ben nin ges mo os ibit it yo, nin tik nin gro ne buk, ete nin bare wé et. Nin sok mo Yefun Allah bi rus-i mo gu su nin gro dik yo sor re anato ndo wai kadit Yefun Allah bare nin mo bot gesyos su nin gro we ne sino mó.”

Matius 18:9 ပူးပေါင်းရင်းမြစ်များ

Matius 16:26

Nin ben suk ket nin mit-i subere nin ku suk mwa mo bur ré, ete nin ges mo os ibit mone, suk mwa gato nin ku ne sato sugum e, san e, nu e ne te, bere ós nin gum sok mo Yefun Allah bi rus-i sa u ne? Yo os nin nde. Bere suk mwa gato nin ku ne, nin syo nai Yefun Allah, ete bere An nai nin gum sok mo An bi rus-i bado? Mo nde, {wo nin sibot os gato Ji kak ne sor.}

Matius 18:8

Nin syim e, nin gwes e ne do ben nin ges mo os ibit it yo, nin tot wé, ete nin bare wé kadit nin et. Nin sok mo Yefun Allah bi rus-i mo gu su nin syim dik, ondeyo nin gwes dik yo sor re anato ndo wai kadit Yefun Allah bare nin mo bot gesyos su nin syim we si nin gwes we ne sino mó. Sane nin werwa nin tot suk gato gwat nin sok mo os ibit ne wé kadit nin et.

Matius 19:17

Yefun Yesus ki do, ”Nan ndo Ji subot suk gato ndo ne wa suma ne? Yefun Allah sor ete ndo. Nan do iwa nan kem ndo to kapyo mato kapyo it yo, nan benbot An bi sukduno-i sor.”

Matius 5:22

Sarewo Ji ki sare do, ye to maskwa ket an bi nji, bere Yefun syo sukye nai. Sane o, ye to kendo an bi nji do, ’Nan yeibit,’ bere ye gwat mu mo ye Yahudi bi yepasye si yekwesu gato sum sino wa kibot sukdu ibit gato an ki ne. Sane o ye to kendo an bi nji do, ’Nan jimgon,’ bergan Yefun am ye ne mo bot gesyos.

Matius 5:29

Sane nin gro do ben nin ben sukibit it yo, nin tik buk mu nden, ete nin am wé. Kwa dik yo mo nin kaim ibit anato ndo wai kadit Yefun am nin kaim sino mo bot gesyos.

Markus 9:47

Sane dom, nin gro dik yo ben nin ges mo os ibit it yo, nin tik nin gro ne buk, ete nin bare wé et. Nin sok mo Yefun Allah bi rus-i mo gu su nin gro dik yo sor re anato ndo wai kadit Yefun Allah bare nin mo bot gesyos su nin gro we mó tó.

Ibrani 4:11

Sane men sino wergat men nggwa sisu men mit dik si men onyar dik, subere men si An kem not mo An bi nat-i, tepsu Yefun Allah tom su men ne. Men werwa, subere men bariket Yefun Allah bi sukdu nde, saga nyim ye deyo ben ne, subere ri ma Yefun Allah do watbot men ne yo, men ge dik yo gwet mo nde, wo men yé mwa ne sino kem not mo Yefun Allah bi nat-i.

Wahyu 21:27

Sarewo yé gato ben bi suk-i siri kadit Yefun mit ne, bere yé ne yo sok mo kota ne nde, wam dik yo dom nde. Yé gato som sukdaret e, kidar suk e ne yo sok mo kota ne nde. Sarewo yé gato ye krom gum mo Domba Gan bi Buku Yegesyos sor anato sok mo kota ne.