Matius 17:5 - Abun Scripture

⁵ Petrus ki suk saresa, duk gato rer-rik is ma kewa án sino, ete án jam Yefun Allah ki sukdu kadit duk mit ne do, ”Ji bi Gan gato Ji jimnotku anare. Suk gato An ben ne Ji mit iwa. Nin jammo An ne sor.”

Matius 17:5 ပူးပေါင်းရင်းမြစ်များ

Matius 12:18

”Ji bi pakwerut gato Ji bes anare. Ji jimnotku An, Ji mit iwa An Ji Gen bere bok nggwa mo An, bere An ki sukdu subot os ndo gato Ji fro ne nai yewis mwa ne mo bur ré sino jam.

Matius 17:6

Yefun Yesus bi pakon ka gri ne jam sukdu ne sa, án ka gri nyu ndo nde, án ka gri bare nggwa mo bur, án sem án gwem mu bur.

Matius 3:17

Orete yé mwa ne jam Yefun Allah ki sukdu kadit gu nim ne sare do, ”Ji dakai bi Gan anare. Ji bi sukjimnut sye kas subot An. Ji mit iwa An ndo nde.”

Markus 1:11

Orge yé mwa ne jam Yefun Allah ki sukdu kadit gu sare do, ”Nan anato Ji bi Gan. Ji bi sukjimnut sye kas subot Nan. Ji iwa Nan ndo nde.”

Markus 9:7

Orge duk is ma kewa án sino, ete án jam Yefun Allah ki sukdu kadit duk mit ne do, ”Ji bi Gan gato Ji jimnotku anare. Nin jammo An sor.”

Lukas 3:22

ete Yefun Allah Gen is ma mo An. Yefun Allah Gen ne is ma su kaim sato ndabu. Orge yé mwa ne jam Yefun Allah ki sukdu kadit gu sare do, ”Nan anato Ji bi Gan. Ji bi sukjimnut sye kas subot Nan. Ji iwa Nan ndo nde.”

Yohanes 3:16

Yefun Allah bi sukjimnut sye kas subot men yetu mo bur ré ndo nde anato An syo An bi Gan ge dik ne ma. An bi Gan ne ma wa kwop win men mo sukibit gato men ben ne, subere ye to onyar kem mo An bi Gan yo, bere ye ne yo ges mo bot gesyos nde, wo ye ne si Yefun Allah kem ndo to kapyo mato kapyo.

Yohanes 3:35

Men bi Ai, Yefun Allah jimnotku An bi Gan, ete An syo suk mwa mo An bi Gan syim wa An bi Gan jom sino.

Yohanes 5:37

Sane dom, Ji bi Ai gato syogat Ji ma mo bur ré, An anato ki sukdu rer subot Ji. Wo nin yo jam An ki An bi sukdu-i yo mo nde. Nin yo ku An gro-i yo mo nde.

Suk Gato Yerasul Ben Ne 1:9

Yefun Yesus ki sukdu kom mone, orge Yefun Allah kar An it mu mo gu re. Yerasul sokwa An it mu mo gu saresa, yé sokwa, yé sokwa sane sor, nyotem kewa An re.

Suk Gato Yerasul Ben Ne 7:37

Musa gato ben suk mwa ne anato Musa gato ki nai ye Israel ne do, ’Yefun Allah bes ji tepsu yenabi gato ma ki An bi sukdu-i nai nin jam. Sane dom, kam sari ne ma, bere Yefun Allah waii bes nin ge dik yo gum yenabi wa ki Yefun Allah bi suktaru nai nin jam.’

Efesus 1:6

Men yo ben suk yo nyim wa An nde, wo An dakai bi sukjimnut sye kas subot men, An ben sukndo wai su men dakai yi anato An syo An bi Gan gato An jimnotku ne ma kwop win men. Sane men un Yefun Allah sor.

Kolose 1:13

Yefun Allah nai men wé kadit biris bi yekwesu gato jom men ne. Yefun nai men wé kadit ndendu bi os-i ete An nai men gum sok mo An bi Gan bi rus-i ne it. Sane An bi Gan gato An jimnotku ne jom men mone re.

Ibrani 5:9

Sane An ben suk mwa gato Yefun Allah fro wa An ben ne or sa, An kak os wa men yetu gato jammo An muket, subere An nai men wé kadit bot gesyos, subere men kem ndo to kapyo mato kapyo.

Wahyu 1:7

Sare, bere Yesus Kristus is kadit gu sisu nyotem ne ma. Yetu mwa ne sino bere me An dakai ma ne. Yé bok gato syer An bere ku An kaim ne dom. Sugane bere yé mwa ne sino mo bur ré iwedewe nderku nggwa mo An ndo nde. Digane it. Sangge.

Wahyu 14:14

Orete ji sokme nyotem kwo dik yo. Ji sokme suk yo ka sa yetu kem mo nyotem ne yu. Ye ne bom yekwesu bi topi emas mo an su. An jom nyom ot syu gato ot.