Matius 17:1 - Abun Scripture

¹ Kam mumat rek o, Yefun Yesus kendo Petrus, Yakobus si bi nji Yohanes sisu An it mo banbo sye. Yefun Yesus si an ka gri ré sor re anato it mo banbo ne.

Matius 17:1 ပူးပေါင်းရင်းမြစ်များ

Matius 17:2

An ka gri ne sokme sa, Yefun Yesus kaim tara o re. An gwem ru tepsu kam su, An bi san kwo rer-rik.

Matius 26:37

An ki nai Petrus si Zebedeus bi pa we ne, subere an ka gri si An mu sino. Kom mo pe ne Yefun Yesus nderku nggwa, An kwabom dek subot sukye gato bere An ku ne, An nutbot sor An kaim rere su.

Markus 13:3

Orge Yefun Yesus mu mo bobuk Zaitun, An kem mo bobuk de gato tak Yefun Allah bi nu ne. Yefun Yesus kem mone sa, An bi pakon ge at gato gum do Petrus, Yakobus, Yohanes, si Andreas, án ge at wadigan ma mo Yefun Yesus, án ki sukdu dor mone.

Markus 5:37

Orge Yefun Yesus mu sor, An duyawa yé mwa mone, subere ye yo si An mu nde, wo pakon ge bok yo to Petrus, Yakobus si Yakobus bi nji Yohanes sor re ete sisu An mu mo nu ne.

Lukas 8:51

Yefun Yesus mu kom mo Yairus bi nu sa, Yefun Yesus ki nai yé mwa mone do, ”Nin kem mo nden, nin sok mo nu mit su men nde.” Yefun Yesus si bi pakon ka gri gato Petrus, Yohanes si Yakobus, si pa gato kwop ne bi im si bi ai anato sok mo nu mit sor re.

2 Korintus 13:1

Ji do ba ku nin o it yo, wam dogri it anare. Ji ki sukdu nai nin wam dik e, wam we e ne yo tep nde, wo wam gri sa, bere nin jam do, sukdu gato ji ki ne sangge it, tepsu ye krom mo Yefun Allah bi sukdu sare do, ”Yetu ge we yo, ge gri yo, do me suk gato ye yi ben ne su án gro, orete yé bok ne do ma ki sukdu tepsu yu subot suk gato ye ne ben it yo, sukdu ne sangge it anane, suk gato ye ndak ye ne gum mone, ye ki sangge it anane.”

2 Petrus 1:16

Yesus Kristus kem mo bur ré sa, men dakai me An bi suktinggi ne bor su men gro re. Men bi Yekwesu gato men me su men gro ré, men ki sukdu subot An nai nin jam mó re. Sane sukdu gato men ki ré ma kadit sukdu suski gato yetu ki wa kidar nje nde, wo men dakai me Yefun Allah bes Yesus Kristus gum kok wai o re, men me su men gro, orete men waii ki subot sukdu ne nai nin jam re.

2 Petrus 1:18

Men dakai jam sukdu kadit gu nim ne tomgato men sisu Yefun Yesus mo banbo gato men bes gum kok ne.