Matius 16:1 - Abun Scripture

¹ Ye Farisi si ye Saduki ge bok yo ma ku Yefun Yesus. Án werwa meret os wa Yefun Yesus, sane án ki nai Yefun Yesus do, ”Nan ben suk yo gato ben men yeket et, subere Nan kadum Yefun Allah bi suktinggi ne bor wa men me et.”

Matius 16:1 ပူးပေါင်းရင်းမြစ်များ

Matius 12:14

Wo ye Farisi maskwa, án mu kadit nat ne, ete án ku yu, án fro os wa gu Yefun Yesus kwop wé.

Matius 15:1

Ye Farisi ge bok yo si yeguru agama ge bok yo ma kadit Yerusalem mu ku Yefun Yesus, ete án sino ndobot Yefun do,

Matius 16:6

Yefun Yesus ki nai bi pakon do, ”Nin mewa nin nggwa kadit ye Farisi si ye Saduki bi bibit roti.”

Matius 19:3

Ye Farisi ge bok yo ma ku Yefun Yesus subere yé bok ne werwa meret os wa Yefun Yesus. Yé bok ne ndo mo Yefun Yesus do, ”Men simo Musa bi sukduno-i ne yo, yekra ku os wa an sombok an bi nggon wé tepsu pe gato an dakai imo bado?”

Matius 22:15

Ye Farisi bok yo gato sum mone mu ete fro sukdu wa án ndobot Yefun Yesus subere án meret os wa Yefun Yesus mo suk gato Yefun ki ne.

Matius 22:18

Yefun Yesus jam yé bok ne meret os wa An, subere yé maskwa An mo sukdu gato An ki satu ne. {Sato Yefun Yesus ki do, men bi pajak nde, bere Kaisar maskwa An. Wo An ki do, men bi pajak yo, bere ye Yahudi mwa ne maskwa An.} Sane An ki do, ”Nin yé gato kidar do, nin onyar kem mo Yefun, sarewo nin mit tara ne te, suma ben anato nin meret os wa Ji ne?

Matius 22:23

Su kam ne dom, ye Saduki ge bok yo ma ku Yefun Yesus. Ye Saduki bi sukduno-i kwa yo do, ye gato kwop bere yo sun o nde. Ye Saduki ré ma ndo mo Yefun Yesus do,

Matius 23:2

”Yeguru agama si ye Farisi duno men su Musa bi sukduno.

Matius 27:62

Ye fro suk wa kam sye ne or, bi ik, ye Yahudi bi kam sye, ete yekwesú mo Yefun Allah bi nu si ye Farisi mu ku Pilatus.

Matius 5:20

Sane Ji ki sare do, nin yo ben suk gato ndo tepsu Yefun mit mwa wai kadit ye Farisi si yeguru agama nde yo, bere nin yo ku os wa nin gum sok mo Yefun Allah bi rus-i nde.”

Matius 9:11

Ye Farisi me Yefun Yesus si yé ga sare git sugit sino sa, án ndo mo Yefun Yesus bi pakon ne do, ”Suma ben anato nin bi yeguru iwa si ye gato nai sugum kadit nje wa pemerintah si ye gato gum ibit ré git sugit sino sare ne?”

Markus 10:2

Ye Farisi ge bok yo ma ku Yefun Yesus subere yé bok ne werwa meret os wa Yefun. Ye Farisi ne ndo mo Yefun Yesus do, ”Men simo Musa bi sukduno-i ne yo, yekra ku os wa an sombok an bi nggon wé, bado, nde e?”

Markus 12:15

Sarewo Yefun Yesus jam yé bok ne meret os wa An, subere ye maskwa An mo sukdu gato An ki satu ne. {Sato Yefun Yesus ki do, men bi pajak nde, bere Kaisar maskwa An, wo An ki do, men bi pajak yo, bere ye Yahudi mwa ne maskwa An.} Yefun Yesus jam do, yé ne da ben nggwa tepsu ye gato onyar kem mo Yefun Allah, sarewo án mit tara re. Sane An ki do, ”Suma ben anato nin meret os wa Ji ne? Nin gwat ye Roma bi sugum det dik yo ma wa Ji me et.”

Markus 12:18

Orge ye Saduki ge bok yo ma ku Yefun Yesus. Ye Saduki bi sukduno-i kwa yo do, ye gato kwop bere yo sun o nde. Ye Saduki ré ma ndo mo Yefun Yesus do,

Lukas 10:25

Orete yeguru agama ge dik yo gato owa duno nje su Musa bi sukduno-i ne meret os wa Yefun Yesus. An ma ti mo Yefun Yesus gwem, ete an ndo mo Yefun Yesus do, ”Yeguru, ji ben suma subere ji kem ndo to kapyo mato kapyo ne?”

Lukas 11:16

Ye yi yo o meret os wa Yefun Yesus, sane án ndo mo Yefun Yesus do, ”Nan ben suk yo gato ben Yefun Allah bi suktinggi ne bor wa men me et.”

Lukas 20:23

Yefun Yesus jam yé ne meret os wa An subere yé maskwa An mo sukdu gato An ki satu ne. {Sato Yefun Yesus ki do, men bi pajak nde, bere Kaisar maskwa An, wo An ki do, men bi pajak yo, bere ye Yahudi mwa ne maskwa An.} Sane An ki do,

Lukas 20:27

Orge ye Saduki ge bok yo ma ku Yefun Yesus. Ye Saduki bi sukduno-i kwa yo do, ye gato kwop bere yo sun o nde. Ye Saduki ré ma ndo mo Yefun Yesus do,

Yohanes 8:6

Yeguru si ye Farisi ndo oror Yefun Yesus. Yeguru si ye Farisi meret os subere án ku os wa án ndak Yefun Yesus mo bi yekwesu gwem, subere yekwesu ne ben sukye yo nai Yefun. Sarewo Yefun Yesus ka, ete An krom suk mo bur su An sopkwa.

Suk Gato Yerasul Ben Ne 4:1

Petrus si Yohanes nuk sukdu su yé mwa mone saresa, yekwesu ge bok yo mo Yefun Allah bi nu si padosye gato mewa Yefun Allah bi nu si ye Saduki ge bok yo ma ku an we mone.

Suk Gato Yerasul Ben Ne 5:17

Yekwesu gato gum kok wai mo Yefun Allah bi nu si yetu ge bok yo gato simo an, gato sok mo ye Saduki bi nje, án sino maskwa ket yerasul, we yé mwa misyar án si án bi sukduno-i, wo yé mwa ne mit iwa yerasul si bi sukduno-i.

1 Korintus 1:22

Sarewo yé mwa bariwa sukdu ne. Ye Yahudi kiwa Yefun Allah kadum An bi suktinggi ben suk gato ben nje yeket wa án me su án gro, subere án jam do, sukdu ne sangge. Yewis yi ne nut do, yé ki sukdu ne su sukjimnut gato kru sa, bere án jambot.