Matius 15:6 - Abun Scripture

⁶ Sane bere, an yo ós an bi ai su an bi suk nde. Sane nin jom nin bi amui bi sukduno-i ne krat re anato nin misyar Yefun Allah bi sukduno-i.

Matius 15:6 ပူးပေါင်းရင်းမြစ်များ

Matius 15:5

Sarewo nin duno nje sare do, ye to ki nai an bi ai si an bi im do, ’Bere ji gwat ji bi suk mu, ji syo nai Yefun Allah tepsu suksom, sane ji yo ós nin ka we su suk ne nde.’ Sane nin yeguru agama duno nje do, ye ne gwat suk mwa ne tepsu suksom wa Yefun, ete an misyar an bi yenggras anato ndo.

Matius 15:7

Nin gare, nin ki suk su nin syokwet sor re, wo nin mit tara re. Sukdu gato Yefun Allah tarubot Yesaya wa nin ne sangge, sare do,

Markus 7:13

Sane nin duno nje su nin bi sukduno-i ne subere án jom nin bi amui bi sukduno-i ne krat re anato án misyar Yefun Allah bi sukduno-i. Nin duno nje su nin bi sukduno-i mwa yo o subere yé misyar Yefun Allah bi sukduno-i, ete yé win su nin bi yenggras bi sukduno-i ne o re.”

Roma 3:31

Men onyar kem mo Yesus Kristus it, sane men nut do, men bare ye Yahudi bi sukduno-i wé, bado? Sane nde, wo men bi sukjimnut do, sukduno ne da ndo wa men dom, sukduno ne yo ós men sok mo Yefun Allah bi rus-i nde, wo sukduno ne ós men jam suk gato Yefun Allah iwa men ben ne, sane men benbot sor.

1 Timotius 5:16

Sarewo nggon gato onyar kem mo Kristus ne, mom bi im e bi dat mo mom bi rus-i gato nggonna it yo, nggon ne mewa nggonna ne sor re. Nggon ne ndekwa yekwesu mo nu ari mewa nggonna ne nde, subere yekwesu mo nu ari mewa nggonna gato bi nje-i gato ós mom yo mo nde.

1 Timotius 5:8

Ye gato yo mewa an bi nje mo sukye gato yé ne ku nde, tepsu an misyar Yefun bi sukduno-i it anane. Sane dom, ye gato yo mewa an dakai bi rus-i nde anato ibit wai o re, an ben an bi suk-i ibit wai kadit ye gato jam nde Yefun.