Matius 15:2 - Abun Scripture

² ”Suma ben anato Nan bi pakon ben suk wai ket men bi amui bi sukduno-i ne? Án git sugit re, án yo mus án syim tepsu men bi amui bi sukduno-i ne nde.”

Matius 15:2 ပူးပေါင်းရင်းမြစ်များ

Matius 15:3

Yefun Yesus ki do, ”Suma ben anato nin ben siri kadit Yefun Allah bi sukduno-i subere nin jom nin bi amui bi sukduno-i ne?

Markus 7:2

Ye Farisi si yeguru ne me Yefun Yesus bi pakon ge bok yo git sugit mone. Pakon ne git sugit ne sa, pakon ne yo mus án syim tepsu ye Yahudi bi sukduno-i nde. Sane ye Farisi si yeguru nut do, Yefun Allah bariket Yefun Yesus bi pakon mo gato pakon ne yo mus án syim tepsu ye Yahudi bi sukduno-i nde.

Markus 7:5

Ye Farisi si yeguru agama jom sukdu ne krat anato án ndo mo Yefun Yesus do, ”Nan bi pakon yo benbot men bi amui bi sukduno-i nde wa suma ne? Nan bi pakon git sugit, sarewo án yo mus án syim tepsu men bi sukduno-i nde wa suma ne?”

Lukas 11:38

Sarewo ye Farisi yeket suk gato Yefun Yesus ben ne. Yefun Yesus yo git nde tó, Yefun Yesus yo mus An syim tepsu ye Yahudi bi amui bi sukduno nde.

Galatia 1:14

Sugane ji dakai anato jam suk mwa mo ye Yahudi bi agama. Ji jam suk mwa wai kadit ye yi gato ti sos tepsu ji. Ji ré anato iwa sukduno gato men bi amui duno men su ne wai o re.

Kolose 2:8

Nin mewa nggwa sisu ndo et, sawe ye deyo ma wergat nin subere nin jambot yetu bi sukdu-i gato bere yo ós nin nde. Yetu bi sukdu-i ne bere ben kidar nin ete gwat nin mu ges mo os ibit o re. Yetu bi sukdu-i ne yo ma kadit Kristus nde, wo sukdu ne ma kadit yenggras bi sukdu-i si suk gato nggiwa jom bur ré gato i-mok mone bi sukdu-i. Yé ne yo duno nin subot Kristus nde.

1 Petrus 1:18

Nin bes An gum kok, we nin jam do, suga nyim ne, nin jammo nin bi amui bi sukduno-i sa, sukduno ne yo kak os wa nin sok mo Yefun Allah bi rus-i nde. Nin bi amui bi os-i gato ye duno nin su ne yo ós nin wokgan yo dom nde. Wo su ré sa, Yesus Kristus bi An nggwa wa tot suktot mo sukibit gato nin ben ne wé. Yesus Kristus sombok nin wé kadit nin bi amui bi os-i ne o re. Kristus yo tot suktot ne su suk gato bere ibit sato perak e, emas e, {mbre boer si toba} ne nde,