Matius 15:1 - Abun Scripture

¹ Ye Farisi ge bok yo si yeguru agama ge bok yo ma kadit Yerusalem mu ku Yefun Yesus, ete án sino ndobot Yefun do,

Matius 15:1 ပူးပေါင်းရင်းမြစ်များ

Matius 23:2

”Yeguru agama si ye Farisi duno men su Musa bi sukduno.

Matius 5:20

Sane Ji ki sare do, nin yo ben suk gato ndo tepsu Yefun mit mwa wai kadit ye Farisi si yeguru agama nde yo, bere nin yo ku os wa nin gum sok mo Yefun Allah bi rus-i nde.”

Markus 3:22

Yeguru agama bok yo gato ma kadit kota Yerusalem, án waii ki do, ”Beelzebul gen pet mo Ye ré anato An nggiwa syun semda wé kadit nje. Beelzebul gato biris bi yekwesu ne anato syo suktinggi nai An.”

Lukas 5:17

Kam dik yo Yefun Yesus duno nje sa, ye Farisi si ye Yahudi bi yeguru agama ma mone dom. Án ma kadit kampung mwa mo bur Galilea si bur Yudea sino, si kota Yerusalem dom. Án ma kem mo nu mit, ete án syaretwa Yefun Yesus ki bi sukdu-i ne. Yefun Allah syo An bi suktinggi nai Yefun Yesus, subere Yefun Yesus nggiwa ben ye gato i mone ge.

Lukas 5:21

Ye Farisi si ye Yahudi bi yeguru agama gato kem mone, án jam Yefun Yesus bi sukdu, ete án sino nut mo án mit do, ”Ye gare dakai bes An nggwa kok, ete An ki suk tepsu Yefun Allah ko re go! Je u anare ne? Je u anato nggiwa an ki do, sukibit gato men yetu ben ne, or wé kadit men ne? Yefun Allah ka dik sor, wo Ye ré bes An nggwa kok tepsu Yefun Allah!”

Lukas 5:30

Sarewo ye Farisi si yeguru agama bok yo gato sok mo ye Farisi bi det-i, án nut do, suk gato Yefun Yesus ben ne ibit. Sane án ndo mo Yefun Yesus bi pakon do, ”Suma ben anato nin si ye gato nai sugum kadit nje wa pemerintah si ye gato gum ibit ré git sugit sino sare ne?”

Yohanes 1:19

Ye Yahudi bi yepasye mo Yerusalem syogat yesu gato ben suk mo Yefun Allah bi nu si ye Lewi mu ndo mo Yohanes do, ”Je u anato nan ré ne?” Sane Yohanes ki an bi sukdu-i rer nai án jam.

Suk Gato Yerasul Ben Ne 23:9

Yepasye bok ne saiye ket yu, ete yeguru agama ge bok yo gato sok mo ye Farisi. Án ti án duwer ye Saduki mone nggi sare do, ”Men nut do ye gare yo ben sukibit yo mo nde. Malaikat e, aboksye e ne do ki suk su an yo, sukibit anane nde.”

Suk Gato Yerasul Ben Ne 25:7

Paulus ma mone sa, ye Yahudi bok gato ma kadit Yerusalem ne, án ti wairi wa Paulus, án ki subot sukibit gato Paulus ben ne, án ndak Paulus, sarewo án yo bi sukdu i-ke yo mo nde.