Matius 14:3 - Abun Scripture

³ Suga nyim Herodes syogat an bi yesukmise mu but Yohanes, ete ye rai an, orete ye grem Yohanes mo sel. Herodes bi nggon, gato gum do Herodias maskwa ket Yohanes anato Herodes but Yohanes. Su ketke Herodes bi nji gato Filipus kra Herodias, orete Herodes waii kra Herodias kadit Filipus, an bi nji ne.

Matius 14:3 ပူးပေါင်းရင်းမြစ်များ

Matius 11:2

Yohanes gato ras nje mo syur ne, yeraja Herodes bok mo sel re. Mone Yohanes jam sukdu subot suk gato Yesus Kristus ben ne sa, an syogat an bi pakon ge bok yo mu me Yefun Yesus. Yohanes bi pakon ndobot Yefun Yesus do,

Matius 14:6

Su Herodes bi kam sye tepsu bi kam gato bi im kem su an ne, Herodias gato an bi nggon ne bi mam sara mo yé mwa gwem. Herodes mit iwa ndo nde

Matius 4:12

Yefun Yesus jam yé but Yohanes, ete bok an mo sel sa, Yefun Yesus satu mu mo bur Galilea.

Markus 6:14

Yé ki Yefun Yesus gum kas mu kom mo peyo-peyo anato Yeraja Herodes jam sukdu subot suk mwa gato Yefun Yesus ben ne. Yé deyo kibot Yefun Yesus do, ”Yohanes gato ras nje mo syur anane, an kwop wé re, ete ré ne Yohanes sun kadit sukkwop. Yohanes frus an nggwa tepsu Ye ne anato Ye ne ku suktinggi wa ben suk gato ben men yeket ne.”

Markus 6:17

Suga nyim ne Herodes dakai syogat an bi yesukmise mu but Yohanes, ete ye rai an, orete yé grem Yohanes mo sel. Herodes bi nggon, gato gum do Herodias maskwa ket Yohanes anato Herodes but Yohanes. Su ketke Herodes bi nji gato Filipus ne kra Herodias, orete Herodes waii kra Herodias kadit Filipus, an bi nji ne.

Markus 6:19

Yohanes ndantom Herodes mo suk gato an ben siri ne anato an bi nggon gato Herodias ne grem sukmaskwa ket Yohanes. Herodias iwa gu Yohanes kwop wé, sarewo mom bi ya gato Herodes duyawa re,

Markus 6:22

Yé konwa kam sye ne sa, Herodias bi mam sara mo yé mwa gato ma ne gwem. Pa nggonnak ne sara ndo wai anato Herodes si yé mwa ne iwa. Sane Herodes ki nai Herodias bi mam do, ”Nan iwa ji syo suk sato suma nai nan ne? Nan ki sor re bere ji syo nai nan re.”

Markus 8:15

Yefun Yesus ki nai An bi pakon do, ”Nin mewa nin nggwa kadit ye Farisi si Herodes bi bibit roti.”

Lukas 13:1

Sugane yé bok yo mone nuk sukdu subot ye Galilea ge bok yo gato gre suge mo bot wa un Yefun Allah. Ye Galilea gre suge saresa, Pilatus syogat yesukmise gu án bok ne wé.

Lukas 13:31

Sugane ye Farisi bok yo ma ku Yefun Yesus, ete ye Farisi ne ki nai Yefun Yesus do, ”Nan kem more nde, Nan mu mo pe yi kadit ré, we Herodes mitwa gu Nan kwop wé.”

Lukas 23:11

Orete Herodes si an bi yesukmise siker Yefun Yesus ete kamo su An dom. Yesukmise ne it yepasye bi san mo Yefun Yesus, orge Herodes syogat yé gwat Yefun Yesus satu mu mo Pilatus.

Lukas 23:7

Pilatus jam do, Yefun Yesus ma kadit bur gato Herodes jowa ne sa, Pilatus syogat yé gwat Yefun mu mo Herodes. Sugane Herodes ma mo Yerusalem.

Lukas 3:1

{Yohanes gato Zakaria bi pa ne, an kem mo pe gato kwe yo kom mo nde mo bur Yudea.} Sugane ye Roma jom ye Yahudi bi bur. Sane, ye Roma bi yekwesu Kaisar Tiberius jowa ye mone sa, an bes Pontius Pilatus gum gubernur mo bur Yudea. Kaisar bes Herodes jowa nje mo bur Galilea dom. Herodes bi nji, Filipus jowa nje mo bur Iterea si Trakhonitis. Lisanias jowa nje mo bur Abilene. Kaisar jom nje mo ye Yahudi bi bur mu kom mo tahun musyu dik sop mek sa,

Lukas 8:3

Nggon dik yo o gum do Yohana. Yohana bi ya gato Khuza, an gum yekwesu wa ye gato ben suk mo Herodes bi nu. Nggon dik yo o gum do Susana si nggon bok yo o dom, án sino sisu Yefun Yesus. Nggon ge bok ne gwat bi sugum wa ós Yefun Yesus si bi pakon mo suk gato án yémo. Nggon ne dakai ós su án dakai bi sugum-i sor.

Suk Gato Yerasul Ben Ne 12:1

Tomgane yekwesu yeraja gato gum do Herodes but ye gato onyar kem mo Yefun Yesus ge bok yo wa an ben sukye nai.

Suk Gato Yerasul Ben Ne 4:27

Suk gato Daud krom ne sangge, we yeraja Herodes si Gubernur Pontius Pilatus si yewis gato ye Yahudi nde si ye Yahudi mo kota ré sum sino. Yé bok ne fro os wa gu Yefun Yesus kwop wé. Yé bok ne fro os wa gu Nan bi pakwerut gato Nan bes wa ben Nan bi suk-i sor. Yé bok ne fro os wa gu Yefun Yesus gato Nan syogat ma mo bur ré wa nai men yetu kadit sukye ete jowa men.