Matius 13:52 - Abun Scripture

⁵² Sane Yefun Yesus ki nai án do, ”Sane yeguru agama mwa ne sino gato gum sok mo Yefun Allah bi rus-i ne anato jam Musa bi sukduno-i si sukduno be gato Ji gwat ma ne, ete yeguru duno nje su, tepsu yenggras mo nu dik yo gwat sukrok si sukbe kadit an bi gudang ma nden.”

Matius 13:52 ပူးပေါင်းရင်းမြစ်များ

Matius 12:35

Ye gato mit si onyar kwo ndo ne, kadit sukndo mwa gato an sum mo an mit ne, suk gato an ki ne ndo dom, wo ye gato mit si onyar ibit ne, kadit sukibit mwa gato an sum mo an mit ne, suk gato an ki ne ibit dom re.

Matius 13:51

Yefun Yesus ndobot do, ”Nin jam suk gato Ji ki ré bado?” Yefun Yesus bi pakon ki do, ”Men jam re.”

Matius 13:53

Yefun Yesus gwat sukamno bok ré, orete An mu kadit pe ne.

Matius 23:34

Nin jammo suk gato Ji ki ré et, bere Ji syogat yenabi deyo ma, bere Ji syogat ye gato jam suk mwa si yeguru ma dom, wo bere nin gu deyo kwop, bere nin mban deyo mo kwesukwin, bere nin kwam deyo mo nin bi nu ari, ete nin syun deyo kadit kota dik yo mu mo kota dik yo.

Matius 28:19

Sane nin mu mo yewis mwa ne sino mo bur ré iwedewe, ete nin duno nje subere yé ne tepsu Ji bi pakon, ete nin ras nje ne mo syur sisu men bi Ai, Yefun Allah gum, sisu Yefun Allah bi Gan gum sisu Yefun Allah Gen gum ne sino et.

Lukas 11:49

Yefun Allah jam suk mwa ne sino, sane anato An ki do, ’Bere Ji syogat yenabi deyo si yerasul deyo gwat Ji bi suktaru ma, wo bere yé gu deyo kwop, deyo o yé ben sukye nai.’

Yohanes 13:34

Su ré Ji duno nin su sukduno gato be sare do: Nin bi sukjimnut sye kas subot yu et. Tepsu Ji bi sukjimnut sye kas subot nin, nin waii bi nin nggwa wa yu et! Nin mewa yu et!

2 Korintus 6:10

Men da nderku nggwa, sarewo men mit at wa suk mwa neya petok sor. Men yo ku suk yo mo nde, sarewo men kak os wa yé mwa neya ku suk mwa kadit Yefun. Ye da nut do, men bi suk yo mo nde, sarewo men sa, bi suk mwa ne sino mo bur ré iwedewe mó re.

Efesus 3:4

Nin dakai baca sukdu ne sa, bere nin jam rer do, sukdu mwa subot Kristus gato Yefun Allah gurik suga nyim tuya, su ré ji jam kom mo mit re.)

Efesus 3:8

Kadit yé mwa gato sok mo Yefun Allah bi rus-i ne sino, ji ré anato gum wok teker mu bur, sarewo Yefun Allah dakai bes ji wa ji mu ki sukdu subot os ndo ne. Ji mu frot sukdu subot Kristus gato ndo wai o re nai yewis yi jam.

Kolose 1:7

Sukdu ne Epafras ki nai nin jam mó re. Epafras ré gato men ka we jimnotku, an si men ka we ben suk wa Kristus. Epafras ben bi suk-i ne ri-roi tepsu Kristus mit wa os men sino.

Kolose 3:16

Kristus bi sukduno-i gato ndo wai ne, nin nai ma nin grem pe mo nin mit si nin onyar et. Nin grem Kristus bi sukduno-i ne pe mo nin mit or wé ete nin duno yu e, nin ki suknapa wa yu e ne. Nin do ki Kristus bi sukduno-i nai yu yo, nin nutbot suk ne pare et. Nin kos sukos mazmur e, nin kos sukos gato nin un Yefun su si sukos gato Yefun Allah Gen ben nin mit it wa nin kos ne. Nin kos, ete nin mit at wa Yefun Allah dom et.

1 Timotius 3:6

An ye gato onyar kem mo Yefun Yesus sim yo, men bes an gum yekwesu mo nu ari nde, sawe an mit at ndo nde, orete Yefun syo sukye nai an, tepsu Yefun bere syo sukye nai biris bi yekwesu.

Titus 1:9

Sukduno gato sangge gato men duno an su ne, an grem sukduno ne pe mo an mit sor, subere yekwesu ne nggiwa an duno nje su sukduno ne. An jom sukduno gato sangge ne pe, subere an nggiwa an duwer ye gato ki bi sukduno-i siri kadit Yefun Allah bi sukduno-i ne.