Matius 13:41 - Abun Scripture

⁴¹ Bere Yetu bi Pa syogat An bi malaikat mubot Yefun Allah bi rus-i subere malaikat ne nai yé mwa gato ben ye yi ges mo os ibit si yé mwa ne sino gato ben bi suk-i ibit.

Matius 13:41 ပူးပေါင်းရင်းမြစ်များ

Matius 13:49

Su kam gato bur ré kru bere malaikat ben sane. Bere malaikat mubot bur ré ete nai yé gato ben bi suk-i ibit kadit yé gato ben sukndo tepsu Yefun Allah mit,

Matius 18:7

Yé mo bur ré ku sukye, we suk bok yo ben men yetu ges mo os ibit. Suk gane bere mó, sarewo ye gato gwat os ibit ne ma wa men, bere ku sukye ndo nde.

Matius 24:31

Malaikat dik yo fuf trompet ba sye yo, bere Ji syogat Ji bi malaikat mubot bur ré iwedewe nai yé gato Yefun Allah fro suga nyim wa An nai sok mo An bi rus-i ne. Malaikat ne bere nai yé ne kadit nobu nim, kadit nobu ket, kadit nobu sem, kadit nobu nden. Malaikat nai yé mwa ne sor kadit bur ke kom mo bur naprut ne.”

Matius 3:12

An fro nggwa wa An wat yé gato ben sukndo kadit yé gato ben sukibit, tepsu ye gato ben nggwe wat sugit dor kadit sukkwik. Sugit ne An grem mo pe gato ndo, wo sukkwik ne An syo bot git wé, mo bot gato yo te mo nde.”

Matius 8:20

Yefun Yesus ki do, ”Ndar krok sa, bi jokwak wa kem mó, ndam sa, bi bat wa kem mó, wo Yetu bi Pa to Ji ré yo ku nat wa Ji kem not yo mo nde.”

Markus 13:27

Bere Ji syogat Ji bi malaikat mubot bur ré iwedewe nai yé gato Yefun Allah fro suga nyim wa An nai sok mo An bi rus-i ne. Malaikat ne bere nai yé ne kadit nobu nim, kadit nobu ket, kadit nobu sem, kadit nobu nden. Malaikat nai yé mwa ne sor kadit bur ke kom mo bur naprut ne.”

Roma 2:16

Sane bere su kam gato Yefun Allah fro ne, tepsu sukdu gato ji kibot Kristus, bere Yefun Allah bes Yesus Kristus wa ndobot yewis yi tepsu sukwatum mo án mit ne do, yé ben suk tepsu sukwatum ne yo, bere Yefun Allah ben sukndo su yé ne, wo yé ben suk siri kadit sukwatum ne yo, bere Yefun Allah syo sukye nai án mone. Bere Kristus jam men bi sukjimnut mwa kom mo men mit gato ye yi jam nde, sane bere An nggiwa watbot men sino re.

Ibrani 1:14

Yefun yo ki sukdu bok ne subot malaikat nde, sane malaikat ne te suma gei ne? Malaikat ne anato suk gato da kridek yo mo nde, wo malaikat da gesyos sor ete mó. Yefun Allah yo bes malaikat tepsu An bi Gan gato Yekwesu si Yefun sino nde, wo Yefun syogat malaikat mu ós nje gato bere kem ndo to kapyo mato kapyo mo Yefun Allah bi nat-i ne sor re.

Wahyu 21:27

Sarewo yé gato ben bi suk-i siri kadit Yefun mit ne, bere yé ne yo sok mo kota ne nde, wam dik yo dom nde. Yé gato som sukdaret e, kidar suk e ne yo sok mo kota ne nde. Sarewo yé gato ye krom gum mo Domba Gan bi Buku Yegesyos sor anato sok mo kota ne.