Matius 12:2 - Abun Scripture

² Ye Farisi me suk gato Yefun Yesus bi pakon ben ne sa, án ki nai Yefun Yesus do, ”Nan me suk gato Nan bi pakon ben ne et. Án ben suk su kam sye kam Sabat gato siri kadit men bi sukduno-i ne.”

Matius 12:2 ပူးပေါင်းရင်းမြစ်များ

Matius 12:10

Mo nu ari ne yetu ge dik yo syim deyo út sok mone dom. Ye Farisi ge bok yo mone iwa syeret os wa ki Yefun Yesus gum ibit mo suk gato An ben ne, sane ye Farisi ne ki do, ”Men ben ye gato i ne ge su kam Sabat, gato ye Yahudi bi kam sye ne anato tepsu men bi sukduno-i, bado, siri kadit e?”

Matius 12:3

Yefun Yesus ki do, ”Suk gato yeraja Daud si ye gato sisu Daud ben sugato án sino on de ne te, nin baca mó bado, nde e?

Markus 2:24

Orete ye Farisi ndo mo Yefun Yesus do, ”Suma ben anato Nan bi pakon ben suk su kam sye gato siri kadit men ye Yahudi bi sukduno-i ne?”

Lukas 14:3

Yefun Yesus ndo mo ye Farisi si yeguru agama mone do, ”Men ben ye gato i ne ge su kam Sabat anato tepsu Yefun Allah bi sukduno-i, bado siri kadit e?”

Lukas 23:56

Orge nggon ne satu mo nat gato án sem mó. Nggon ne fro suk gato grik ndo fros su manik subere án mu án es mo Yefun Yesus mukri. Wo kam Sabat ne, nggon ne yo mu nde. Nggon ne kem not, we kam Sabat anato kam sye. Nggon ne jammo Musa bi sukduno-i anato án kem not.

Lukas 6:2

Ye Farisi deyo ki nai Yefun Yesus do, ”Suma ben anato nin ben suk su kam sye gato siri kadit men ye Yahudi bi sukduno-i ne?”