Yohanes bi pakon mu kadit Yefun Yesus sa, Yefun Yesus ki subot Yohanes nai yé mwa gato sum mone do, ”Nin mu me suma mo pe gato kwe yo kom mo nde ne? Nin mu me es gato nofuf ti mo, bado?
Sane, nin mu me suma motu ne? Yenabi ge dik yo, bado? Sangge, Ji ki sare do, nin mu me yenabi sor nde, wo nin mu me Yohanes gato gum kok sye wai kadit ne o re.
Sane nde. Sane, nin mu me suma motu ne? Nin mu me yetu ge dik yo gato it san gato ndo, bado? Nde re, ye gato it san gato ndo ete ku suk mwa yo kem mo pe sane nde, an kem mo nu sye gato ndo.
Ji samok wa ben suk, ji wergat ji nggwa, ji ben suk noru nombrak sor, ji yo ndo o nde, ji yo sem ri nde, ji on de, ji sosa, ji yo git sugit ri dom nde, ji yewa sugit, ji yewa san, ji dot, we ji ku nat yo wa ji sem mo nde.
Mo kota ne Ji bes yetu ge we wa mu kibot Ji bi suktaru sane sor kom mo kam ribu dik wotin we musyu mat ne or. Ye we ne it san ibit anato yé jam do, ye we ne jimnotbot suktaru ne ndo nde.”