Matius 11:6 - Abun Scripture

⁶ Ye gato yo misyar Ji mo suk gato Ji ben ne nde, wo an onyar kem pe mo Ji it yo, bere ye ne mit at wa, we bere Ji ben sukndo su an.”

Matius 11:6 ပူးပေါင်းရင်းမြစ်များ

Matius 13:21

sarewo sukdu ne yo kem pe mo án mit nde, tepsu mbet gro ne i-brot yo kom mo jok nde, bergan sor, ete án misyar or re. Diksim án jammo sukdu ne, sarewo án do ku sukye mo sukdu ne yo, ye kiket án mone yo, bergan sor, ete án misyar sukdu ne kekro re.

Matius 18:7

Yé mo bur ré ku sukye, we suk bok yo ben men yetu ges mo os ibit. Suk gane bere mó, sarewo ye gato gwat os ibit ne ma wa men, bere ku sukye ndo nde.

Matius 24:10

Sugane, yé mwa gato onyar kem mo Ji, bere misyar Ji or re. Bere yé meret os wa yu, bere yé bariket yu.

Matius 26:31

Orete Yefun Yesus ki nai An bi pakon ne do, ”Su noru ré, bere nin sino titi kadit Ji, bere nin misyar Ji sagato ye krom sukamno dik yo mo Yefun Allah bi sukdu do, ’Bere Ji gu ye gato mewa suksi, ete an bi suksi ne titi kadit an.’

Matius 5:29

Sane nin gro do ben nin ben sukibit it yo, nin tik buk mu nden, ete nin am wé. Kwa dik yo mo nin kaim ibit anato ndo wai kadit Yefun am nin kaim sino mo bot gesyos.

Markus 6:3

Ye ré, An ye gato jam ben suk su kwe sato meja e, kursi e ne. An jam sukduno mwa ne sa u ne? Ye ré, An Maria bi gan, fe! An bi nji anato Yakobus e, Yoses e, Yudas si Simon fe! Anga bi nyanggon ge bok ne si men kem more sino fe! Ye ré, An nut do An bes An nggwa tepsu yepasye ete An ma more, ete An duno men bado?” Sane yé mwa mone bariket Yefun Yesus re.

Lukas 2:34

Orete Simeon ki suk su Yefun Allah subere Yefun ben sukndo su an we. Simeon ki suk su Yefun or, Simeon ki nai Pa bi im gato Maria ne do, ”Pa ré sye yo, ye Israel mwa bariwa An, sane bere yé mwa ne ku sukye mone. Wo ye Israel deyo iwa An, sane bere yé gato iwa Pa ne ku suk gato ndo, bere yé ne mbau to kapyo mone. Yefun Allah syogat Pa ré ma wa kadum Yefun Allah bi suktinggi nai men yetu, wo bere yé mwa bariwa Pa ré re.

Lukas 7:23

Ye gato yo misyar Ji mo suk gato Ji ben ne nde, wo an onyar kem pe mo Ji it yo, bere ye ne mit at wa.”

Yohanes 16:1

Ji ki suk mwa ne sino su nin subere nin misyar Ji nde, wo nin onyar kem pe mo Ji sor.

Yohanes 6:66

Sane su kam gane it, Yefun Yesus bi pakon mwa mu brek kadit An, pakon ne yo simo An o nde.

1 Korintus 2:14

Yé gato Yefun Allah Gen yo bok nggwa mo nde yo, yé ne yo ku os wa jammo sukdu gato Yefun Allah Gen kadum nai án nde. Ye gato sane jam nde ware, án nut do, men ki sukdu dakai daret kaii, we Yefun Allah Gen yo kem mo án mit nde.

Galatia 5:11

Ji bi nji, ji bi nyanggon, yé bok yo ki do, ji anato duno nje do, men simo sunat yo, bere Yefun Allah nai men sok mo An bi rus-i. Ji yo ki sane nde, wo yé ki do, ji duno nje su sukduno sane mó tó. Ji do duno nje su sukduno sane yo, suma ben anato yé maskwa ji tó ré ne? Ji do duno nje su sukduno sane yo, yé maskwa mo sukdu gato ji ki subot Yesus Kristus gato kwop mo kwesukwin ne wa suma ne?

1 Petrus 2:8

Sane dom, ”Bere yé gwes ti mo jok ne, bere jok ne wai nje, ete yé ges mone.” Yé gato kwabom kam mo jok ne nde, án yo jambot Yefun Allah bi sukdu-i nde anato án gwes ti mo jok ne. Án ku sukye mone tepsu pe gato Yefun Allah dakai fro wa án re.